त‍इरकर 2:40 - पुना गच्छरना NT (BSI)

⁴⁰ तहाँ पतरस अउरिम कोड़हे कत्‍थन मेन्‍ताचस अरा चेता बाचस, “नीम निमन ई कुचुरहा परिया ती बछाब'आ।”

त‍इरकर 2:40 ပူးပေါင်းရင်းမြစ်များ

मत्तायोस 12:34

अना नेर्र लेक्‍खा बिक्‍ख उइय्‍यु आलारो! नीम मलदौ मनरकी एकासे दौ कत्‍था ब'आ ओंग्‍दर? एन्‍देरगेका एन्‍द्रा जिया नू निन्‍दकी र'ई आदिम ब‍ई ती उरखी।

मत्तायोस 16:4

मलदौ अरा नन्ना आली गुसन कालू आलर ही परिया ता आलर अकबक नलख ही चिन्‍हा बेद्दनर, लिकिन धर्मेसी कत्‍था तिंगू यॊनासी उज्‍जना नू मंजका अकबक नलखन अम्‍बरकी आर गे नन्ना एन्‍देर चिन्‍हा हूँ मल चितार'ओ।” अरा आस आरिन आम्‍बियस ती किर्रिम बिच्‍चियस।

मत्तायोस 17:17

येसुस आरिन आनाकिर्ताचस, “अना मल पत्त'ऊ अरा जिधा आलरो, ऎन एका गूटी निम्‍है गने र'ओन, एका गूटी निम्‍हैन सह'ओन, आसिन एंग्‍है गुसन ओन्‍द्र'आ”

मत्तायोस 23:33

अना नेर्रे अरा करैत गुट्ठी लेक्‍खा बिक्‍ख ती निन्‍दका आलारो, नीम नरक ही मुंजा मलका दंडे ती एकासे बछ्र'ओर?

मरकुस 8:38

पपहर ही ई परिया नू नीक‍ईम एंग्‍है कत्‍थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्‍दहारे तेंगा गे लजर'ओस होले, आसिन ऎन हूँ नेम्हा मेर्ख़ा पैकर गने एम्‍बासी महबा नू किर्रना बारी ‘ईस एंग्‍है चेलस हिकदस’ एन्ने ब'आ गे लजर'ओन।”

लू‍कस 16:28

एन्‍देरगेका एंग्‍है पांच भईर र'अनर, लाजरस आरिन तिगाब'ओस। एन्ने अम्‍बन मना का आर हूँ ई कलपारना अड्डा नू बर'ओर।’

लू‍कस 21:36

औंगे उर्मी बेड़ा एज्रका र'आ। अरा गोहरार'आ का बर'ऊ अबड़ा जम्मा खिलपत ती बछर'आ गे सवंग अरा मनवा ख़द्दन एंग्हा मुन्‍दहारे इजना जॊगे मन्‍दर नेक‍अन।”

यॊहनस 21:25

येसुस अउर हूँ कोड़हे नलख नंजस। ऎन सोचदन का, अबड़न उर्मिन ओन्‍टे ओन्‍टे लिखना होले, लिखचका पुथी गोट्टा ख़ॆख़ेल नू मल सम'ओ दने।

त‍इरकर 10:42

अरा आस एमन पॆसस का ऎम आलारिन तेंगोम अरा गोवाह चि'ओम का धर्मेस आसिन उज्‍जना आलर अरा केचका आलर ही नेंव‍ई ननू कमचकादस।

त‍इरकर 15:32

यूदस अरा सीलास हूँ गा धर्मेसी कत्‍था तिंगुर रहचर। आर भइय्योरिन कोड़हे कत्‍था बाचर ती जिया सालना चिच्‍चर अरा आरिन बड़ियर नंजर।

त‍इरकर 20:11

अरा पौलुस म‍इय्याँ केरस ती असमा किच्‍चियस अरा मोक्‍खस। अरा आस बिज्‍जना बेड़ा गूटी कछनख्रते र'आलियस। फिन आस उरखस।

त‍इरकर 20:2

आस कानुम कानुम आ चक ता उर्मी पद्दा गुट्ठी नू पत्त'ऊ आलारिन कोड़हे कत्‍था सिखाबाचस ती आरिन रिझाबाचस अरा युनान देस अंड़सियस।

त‍इरकर 20:21

अरा यहूदी अरा नन-यहूदी आलारिन चेताबचकन का आर जियन किर्त'अना र'ई अरा नम्‍है उर्बस येसु मसीसिन पत्त'अना चांड़ र'ई।

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

त‍इरकर 20:9

अरा युतुख़ोस नामे ओन्‍टा जॊंख़स भंवारी नू उक्‍का रहचस। पौलुस घड़ही माख़ा गूटी कछनख्र'आ लगियस ख़ने आस कूगा लगियस अरा ख़न्‍द्रस केरस। ख़ने आस ख़न्‍द्रनुम तिसर पाटन ती खत्रस अरा केच्‍चस।

त‍इरकर 28:23

ख़ने आर पौलुस गे ओन्‍टा उल्‍ला ओकताचर। अउला नगदे आलर पौलुस डेरा नंजका अड्डा नू जुम्मरर। आस पैरी ती पुतबीरी गूटी धर्मेसी राजी ही पत्त नू फरीफरी आर गे तिंगियस। अरा आस मूसासी नॆग ती अरा धर्मेसी कत्‍था तिंगुर ही पुथी ती येसु मसीसी पत्त नू तेंगना ती आर येसुसिन पत्त'आ गे चिहुट नंजस।

त‍इरकर 4:36

यॊसॆफस नामे कुप्रियोस टापू ता लेवी गोतोर ता ओर्तोस रहचस, आस गे त‍इरकर बरनबास नामे पिंजकाचर इदही माने “रिझ्रत'ऊ ख़द्दस” हवे।

2 कोरिन्‍थ 5:20

औंगे धर्मेस एम्है तरती दिम तंग्है ने'अनन नन्ना लेक्खा ऎम मसीसी पैकम हिकदम। ई चड्डे नीम धर्मेस गने मेसाब'आ ब'अरकी मसीसी ऊजी नू ऎम निमन ने'अदम।

2 कोरिन्‍थ 6:17

औंगे उर्बस एन्ने ब'अदस, “मलदौ आलर ही मझी ती उरखा ती तरकूटी र'आ, अरा सोतबोड़'आ आलॊन अमा एवंसड़'आ, ख़ने ऎन निमन इंझ्र'ओन।

गलातिया 5:3

अन्नु हूँ नॆ तमन खतना मना गे चि'अदर आरिन ऎन ब'अदन, अत्रु उर्मी यहूदी नॆगन पॆस्रना र'ई।

इफेसुस 4:17

औंगे ऎन निमन इदन ब'अदन ती उर्बासी नामे नू निमन चेताब'अदन, नीम अक्‍कु ती नन-यहूदीर ही नन्ना लेक्खा आर ही अनभनियाँ सोच नू अमके उज्जा।

फिलिप्‍पी 2:15

होले नीम ई कुचुरहा अरा करतअंग आलर ही मझी नू गुन्‍हा मलका बिगर बदी ही अरा निमन ही धर्मेसी ख़द्द-ख़र्रा मना ओंगोर। अरा आर ही मझी नू नीम मेर्ख़ा ता बीन्को गुट्ठी लेक्खा बिल्‍चना र'ई।

1 थेस्‍सलोनिकॆयर 2:11

नीम अख़दर का एकासे ओर्त बंगस तंग्‍है ख़द्द-ख़र्रन नन्‍दस। अन्नेम निमा ओर्त ओर्त गे नंजकम।

1 तीमोथियुस 4:16

निंग्‍है उज्‍जना अरा सिखाब'अना नू चिहुंक र'आ। एन्ने नीन नन्‍ते र'ओय होले निंगन अरा निंग्‍है कत्‍थन मिनू आलारिन हूँ नाड़ना ही ओदहा मनोय।

1 पतरस 5:12

ऎन निमा गे ई चिठिन सीलासी संगरा ती सन्नी रूपे नू लिखचकन ती तइय्दन। आसिन ऎन ओन्टा पत्त'अना जॊगे भई अख़दन। निमन रिझ्रत'आ गे अरा ईदिम धर्मेसी मानिम मया एन्ने गोवाह तेंगा गे ऎन इदन लिखचका र'अदन। औंगे ई मया नू नीम बड़ियर बन्चका र'आ।