त‍इरकर 2:39 - पुना गच्छरना NT (BSI)

³⁹ एन्‍देरगेका ई गच्‍छरका निमा गे अरा निम्‍है ख़द्दर गे अरा नन्ना राजी गुट्ठी नू र'उर गे हूँ हवे। ईद उर्बस नम्‍है धर्मेस तंग्‍है गुसन मींख़का ओर्मा आलर गे हवे।”

त‍इरकर 2:39 ပူးပေါင်းရင်းမြစ်များ

त‍इरकर 10:45

ख़ने पतरस गने बरचका यहूदी पत्त'ऊ आलर इदिन ईरियर ती अनचकरर केरर, एन्‍देरगेका नन-यहूदीर गे हूँ नेम्‍हा बॊलतासी इनाम ख़क्‍ख्रकी रहचा।

त‍इरकर 14:27

असन आर अंड़सियर ती कलीसियन ख़ॊंड़चर ती तिंगियर का धर्मेस आर ही ती एन्‍देर एन्‍देर नलख नंजकाचस, अरा नन-यहूदीर हूँ पत्त'आ गे एकासे बलिन तिसगस चिच्‍चस।

त‍इरकर 15:14

सिमॊनस नमन तिंगियस का धर्मेस नन-यहूदीर ती जोक्क आलारिन तंगा गे चज्जियस ती पहिल खेप एकासे सोग्‍गे ईरियस।

त‍इरकर 15:3

अन्‍तियोख़ेया कलीसिया आरिन त‍इय्या। आर फोइनिकॆ दरा समारिया मन्नुम केरर ती असता उर्मी पत्त'उर गने तिंगियर का एकासे नन-यहूदीर धर्मेसिन इंझ्रर। अरा ई कत्‍था ओर्मा पत्त'उरिन नगदे रिझ्रताचा।

त‍इरकर 15:8

धर्मेस ओर्मर ही सोच आबोन अख़दस, आस आरिन इंझरस। अरा आस नमा गे एकासे नंजस अन्नेम आर गे नेम्‍हा बॊलतासिन चिच्‍चस ती तंग्‍है इंझ्रनन ऎदस।

रोमी 11:29

धर्मेस गा तंग्‍है बरदान आबोन अरा तंग्‍है मॆख़नन कहियों मल किर्त'अर हो'अदस।

रोमी 8:30

आस नॆकन मुन्‍द तिम ओट्टा हॆंचस आरिन मीख़का हूँ रहचस। अरा नॆकन मीख़ियस आरिन उजगो आल हूँ कमचस। अरा नॆकन उजगो आल कमचस आरिन तंग्‍है महबा नू भागी मना गे हूँ चिच्‍चस।

रोमी 9:24

ऎम हूँ एन्ने मॆख़रका आलम र'अदम। यहूदीर ती लेका मला नन-यहूदीर गुट्ठी ती हूँ एमन आस मीख़का र'अदस।

रोमी 9:4

आर इस्राऎल आलर हिकनर, अरा धर्मेसी गोद उइय्‍का ख़द्दर हिकनर। अरा आर धर्मेसी महबा आबोन ईरका र'अनर। अरा आर गे धर्मेसी अरा तम्‍है गने ता धर्मेसी गच्‍छरना र'ई। अरा धर्मेस आर गे चिच्का मूसासी पॆसका अरा महबा नन्ना ही नॆग अरा गच्‍छरना गुट्ठी र'ई।

1 कोरिन्‍थ 7:14

एन्‍देरगेका मल पत्त'ऊ मॆतस तंग्‍है मुक्‍का चड्डे धर्मेसी मया ही तबे नू बरदस, अरा एन्ने मल पत्त'ऊ मुक्‍का तंग्‍है मॆतस चड्डे धर्मेसी मया ही तबे नू बर'ई। मला होले निम्‍है ख़द्द-ख़र्रर धर्मेसी मया ही गेच्छा र'ओर दने, लिकिन अक्‍कु गा आर नेम्‍हा र'अनर।

इफेसुस 1:18

ऎन गोहरारदन का आस निमा जिया गे बिल्‍ली चि'अदस नेकअन। अत्रु तिम आस निम्है मॆख़ना ही असरा आबोन नीम अख़'आ ओंगोर, अरा तंग्है नेम्हा आलर गे मंजका आसीस ही महबा ही खुर्जी आबोन नीम अख़'ओर चि'ओर।

इफेसुस 2:12

आ बारी नीम एकासे रहचकर अदिन सुरता नना। आ बारी नीम मसीस ती गेच्‍छा रहचकर, अरा धर्मेस ती चजरका इस्राऎल आलर ता मल रहचकर, अरा धर्मेस आर ही गने नंजका गच्‍छरना गुट्ठिन बल्‍ला लिक्‍कर। अरा नीम असरा मलका आलर, अरा धर्मेस मलका आलर लेक्‍खा ख़ॆख़ेल नू उज्‍जकर।

इफेसुस 4:4

नीम मॆख़्रकर ख़ने ओन्टे असरा गे मॆख़्रकर। अन्नेम ओन्टे गुना मॆद र'ई, अरा ओन्टे गुना नेम्हा बॊलतस र'अस।

2 थेस्‍सलोनिकॆयर 1:11

ईदन सुरता ननरकी ऎम निमा गे सगरो गोहरारदम का नम्‍है धर्मेस निमन तंग्‍है मॆख़ना ही जॊगे सोचदस नेक‍अन, अरा निम्‍है उर्मी दौ मने अरा पत्त'अना ती उर्मी नलखन आसी सवंग ती पूरा नन्‍दस नेक‍अन।

2 तीमोथियुस 1:9

धर्मेस दिम नमन नाड़ियस ती नेम्‍हा उज्‍जा गे मीख़कादस। आस इदन नम्‍है नलख ती मला लिकिन आसी चीता बूता अरा मया ती चिच्‍चस। ई मया ऒड़ ती मुन्‍द मसी येसुस ती नमा गे मंजकी र'ई।

इब्रानी 3:1

औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्‍हा भ‍ईरो! ‍धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।

इब्रानी 9:15

मसीस दिम पुना गच्‍छरना ही धर्मेस अरा आलर ही मझी आलस र'अस, औंगे धर्मेस ती मॆख़्रका आलर ओर्मर आसी गच्‍छरका जनमजुग आसीस आबोन ख़क्‍खा ओंगनर। एन्‍देरगेका आलर मुन्‍द ता गच्‍छरना ही बेड़ा नू नंजका पाप गुट्ठी ती आरिन अम्‍बत'आ गे मसीस केच्‍चस।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।

2 पतरस 1:10

औंगे अना भईरो, धर्मेसी निम्है मॆख़्रकन अरा चजरकन बड़ियर नना गे कोड़हे चिहुंक नना। नीम इबड़न ननोर होले, इकला हूँ मल खत्र'ओर।

2 पतरस 1:3

भगती उज्जना उज्जा गे चाड़ र'अना उर्मिन आसी धर्मे मन्ना सवंग नमा गे चिच्की र'ई। आसी पत्त नू नमा गे र'अना लूर ती इबड़ा नमा गे चीरकी र'ई। आस दिम नमन तंग्है महबा अरा दौ गुन्न ती मीख़का र'अदस।

दहदर मंजका कत्‍था 17:14

इबड़र भेंडो ख़द्द मसीस गने लड़ई ननोर। लिकिन भेंडो ख़द्द मसीस अरा आसी गने गुड़ियार'उर आरिन जित'ओर। एन्‍देरगेका भेंडो ख़द्द मसीस उर्बर ही उर्बस अरा बॆलर ही बॆलस हिकदस। अरा आसी गने गुड़ियार'उर धर्मेस ती मॆख़्रका अरा चज्रका अरा पत्त'ऊ आलर हिकनर।”

दहदर मंजका कत्‍था 19:9

फेन आ मेर्ख़ा पैकस एंगन बाचस, “इदिन लिख'आ, नॆ भेंडो ख़द्दासी बेंजा ही मदी नू मॆख़रकानर, आर आसीस ख़क्ख'ऊ र'अनर।” अरा आस अउरिम एंगन बाचस, “इबड़ा धर्मेसी मानी कत्‍था गुट्ठी हवे।”