त‍इरकर 2:3 - पुना गच्छरना NT (BSI)

³ अरा आर गे चिच्‍ची ही हदकारना गुट्ठी लेक्‍खा ऎथ्रा, अरा अबड़ा ओर्त ओर्त म‍इय्याँ उक्‍किया।

त‍इरकर 2:3 ပူးပေါင်းရင်းမြစ်များ

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

मत्तायोस 3:15

ख़ने येसुस आसिन आनाकिर्ताचस, “अक्‍कु एन्नेम मना चि'आ, नमा गे एन्नेम धर्मेसी मने लेक्‍खा उर्मी नन्ना चाड़ र'ई।” ख़ने यॊहनस येसुसिन नॊड़रत'आ गे मने मंजस।

लू‍कस 24:32

आर ताम तामिम ब'आ हेलरर, “एकाबारी आस नम्‍है गने डहरे नू कछनख्र'आ लगियस अरा नेम्हा पुथी ती बुझुरत'आ लगियस ख़ने नम्‍है जिया नू एन्‍देर धुकधुकी मल मंजा?”

त‍इरकर 1:15

अबड़ा उल्‍ला नू उन्दुल मलागूटी ओन सौ बीस आलर ख़ॊंड़रका रहचर, पतरस आर ही मझी नू इज्‍जस ती बाचस,

त‍इरकर 2:11

अरा यहूदी अरा यहूदी मंजका आलर अरा क्रॆस अरा अरब ता आलर हूँ र'अनर। नाम अपन अपन भखा गुट्ठी नू आर धर्मेसी अजगुत नलख गुट्ठी ही पत्त नू तेंगनन मेन्‍दत।”

त‍इरकर 2:2

आचका ही मेर्ख़ा ती कोहाँ बरन्‍डो ही ख़रख़ना लेक्‍खा ख़रख़ना मेन्‍द्रा, अरा आर उक्‍काचर आ गोट्टा एड़पा गुदकारा केरा।

त‍इरकर 2:4

अरा अबड़ा ओर्मर नेम्‍हा बॊलतस नू निन्‍दियर केरर, अरा बॊलतस एकासे कछनख्र'आ गे सवंग चिच्‍चस अबड़ा ओर्मर नन्ना नन्ना भखा कछनख्र'आ हेलरर।

1 कोरिन्‍थ 12:10

अरा नन्नस गे हैकट नलख गुट्ठी नन्ना ही सवंग, अरा नन्नस गे धर्मेसी कत्‍थन मुन्‍द तेंगना, अरा नन्नस गे बॊलता गुट्ठिन लखना, अरा नन्नस गे कैनो मदहे बलना भखा गुट्ठिन कछनख्रना, अरा नन्नस गे आ कैनो मदहे बलना भखा गुट्ठी ही मने तेंगना ही सवंग चीरकी र'ई।

याकॊब 3:6

अरा ततख़ा हूँ चिच्‍ची लेक्खा र'ई। ईद नम्‍है मॆद नू मलदौ ही ओन्टा लोक हवे। आद ओर्तोसिन गोट्टा मॆदन दगहा ननी चि'ई, अरा आसी गोट्टा उज्‍जनन ऒलत'ई चि'ई। अरा ई चिच्ची नरक ती बर'ई।

दहदर मंजका कत्‍था 11:3

अरा ऎन एंग्‍है दुई गोवाह आलर गे अदिया चि'ओन का आर बोरा झपर'ओर ती ओन हजार दुई सौ साठ उल्ला धर्मेसी कत्थन मुन्द तेंगोर।”

दहदर मंजका कत्‍था 14:6

इदही ख़ॊख़ा ऎन अउर ओन्टा मेर्ख़ा पैकासिन मझी मेर्ख़ा नू उढियारना ईरकन। आसी गुसन ख़ॆख़ेल नू र'ऊ उर्मी राजी अरा गोतोर अरा भखा अरा आल खोंड़हा ता आलर गे मेन्त'आ गे जनमजुग ही दौ कत्‍था रहचा।