त‍इरकर 2:27 - पुना गच्छरना NT (BSI)

²⁷ एन्‍देरगेका नीन एंग्‍है बॊलतन केचकर ही मझी नू मल अम्‍बोय, अरा नीन निंग्‍है नेम्‍हा आलासिन कित्ता मल चि'ओय।

त‍इरकर 2:27 ပူးပေါင်းရင်းမြစ်များ

मत्तायोस 11:23

अरा अना कफरनहूम नगरे ता आलारो, नीम मेर्ख़ा म‍इय्याँ चॊदतार'ओर कालोर का? मला, नीम गा ख़ोड़ख़ा चिच्‍ची गड्डी नू टिड़तार'ओर कालोर। एका सवंग ही नलख गुट्ठी निम्‍है नू नंजका र'ई, ई नलख सोदोम नू मंजका होले आर तम्‍है पापन अम्‍बना ती धर्मेस तरा किर्रना ती इन्‍ना गूटी आ नगरे इज्‍जकी र'ओ दने।

मरकुस 1:24

“हे नासरेत पद्दा ता येसु! एम्‍है गने निंगा गे एन्‍देर नलख र'ई? नीन एमन नास नना गे बरचका र'अदय का? ऎन अख़दन नीन एका ओर्तय, नीन गा धर्मेस ती बरचका नेम्‍हा आलय।”

लू‍कस 1:35

पैकस बाचस, “नेम्‍हा बॊलतस निंग्‍है म‍इय्‍याँ बर'ओस, अरा उर्मी ती कोहाँ धर्मेसी सवंग निंग्‍है म‍इय्‍याँ ऎख़ ननो। औंगे एका बॊलॊ ख़द्दस कुन्‍द्र'ओस आस नेम्‍हा मनोस, अरा आस धर्मेसी तंग्‍दस बातार'ओस।

लू‍कस 16:23

अरा आस चिच्‍ची गड्‍‍डी नू कलपारनुम मॆन ईरयस। ख़ने गेच्‍छान्‍ती अब्राहमसी कोरा नू लाजरसिन ईरयस।

लू‍कस 24:44

तहाँ आस आरिन बाचस, “एका कत्‍थन ऎन निम्‍है गने र'अना बेड़ा निमन तिंकन, एन्‍देर एंग्‍है पत्त नू मूसासी पॆसका नू अरा धर्मेसी कत्‍था तिंगुर अरा अस्सना-पाड़ना डंडी पुथी नू लिख्रकी र'ई अबड़ा उर्मी कत्‍था मन्ना चाड़ र'ई।”

लू‍कस 4:34

“अना नासरेत ता येसु, निंगा एम्है गने एन्‍देर नलख र'ई, अमा थोकबोकामब'आ, नीन एमन नास नना गे बरचकादय का? ऎन निंगन अख़दन नीन नॆ तंग्‍है, नीन धर्मेसी नेम्‍हा आलय।”

यॊहनस 11:39

येसुस बाचस, “पखनन गुछाब'आ।” केचकासी बहिन मारथा बाचा, “उर्बायो, अक्‍कु गा आद ती बसनाफूटचा मनो, एन्‍देरगेका आसी केचका चार उल्‍ला मंजा केरा।”

त‍इरकर 2:26

औंगे एंग्‍है जिया रिझ्र'ई, अरा एंग्‍है ततख़ा एंग्है रिरयारनन तिंग'ई, अरा एंग्‍है मॆद असरा ती ख़न्न ऎख़र'ओ।

त‍इरकर 2:28

नीन एंगन उज्‍जना ही डहरे गुट्ठिन अख़ताचकय। अरा निंग्‍है मुन्‍दहारे एंगन रिझ ती नीन्‍द'ओय।’

त‍इरकर 2:31

दाऊदस मुन्‍द तिम इदन अक्‍खस ती मसीसी उज्‍जा चो'अना ही पत्त नू एन्ने बाचस, ‘धर्मेस आसिन केचकर ही मझी नू मल अम्‍बियस अरा आसी मॆदन कित्ता मल चिच्चस।’

त‍इरकर 3:14

नीम नेम्‍हा अरा उजगो आलासिन मल हुकमारकर, अरा आल पिटका आलासिन अम्‍बा गे आनकर।

त‍इरकर 4:27

इसन हॆरॊदॆस अरा पोन्‍तियुस पिलातुस नन-यहूदीर अरा इस्राऎल आलर गने येरुसलॆम नू ख़ॊंड़रर ती नीन मसी कमचका निंग्‍है नेम्‍हा जॊंख़स येसुसी बिड़दो नू चॊचर।

1 कोरिन्‍थ 15:55

“अनय खे'अना! निंग्‍है जीत एखो? अनय खे'अना! निंग्‍है चार एखो?”

1 यॊहन 2:20

लिकिन नीम गा मसीस तरती नेम्हा बॊलतासी पूरकसन ख़क्खादर, अरा नीम ओर्मर मानी आबोन अख़दर।

दहदर मंजका कत्‍था 1:18

अरा ऎन उज्‍जू र'अदन। ऎन केचका केरकन, लिकिन ऎरा, ऎन हुल्‍लो ती हुल्‍लो गूटी उज्‍जू र'अदन। अरा खे'अना अरा नरक गड्डी ही कुची गुट्ठी एंग्‍है गुसन र'ई।

दहदर मंजका कत्‍था 20:13

समुदर तंग्है नू ता केचकारिन सोंपचा, अरा खे'अना अरा नरक गड्डी तम्है नू ता केचकारिन सोंपचा। अरा ओर्मर ताम नंजका नलख गुट्ठी ही लेक्‍खा नेंवई नन्तारर।

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का: