त‍इरकर 2:24 - पुना गच्छरना NT (BSI)

²⁴ लिकिन धर्मेस आसिन खे'अना ही सस्ती गुट्ठी ही नुंजना ती अम्बताचस ती आसिन उज्‍जताचस चॊदस। खे'अना गा आसिन तंग्‍है तबे नू उइय्या पोल्‍ला।

त‍इरकर 2:24 ပူးပေါင်းရင်းမြစ်များ

मत्तायोस 27:63

“अना बॆलायो, एमा सुरता र'ई का आ भुरइउस उज्‍जालियस ख़ने, बाचकाचस, ‘ऎन तीन उल्‍ला ख़ॊख़ा उज्‍जा चो'ओन।’

यॊहनस 10:18

अदिन नॆ हूँ एंग्‍है गुसते मल हो'अदस। ऎन अदिन एंग्‍है मने तिम चि'अदन। एंगा अदिन चि'आ गे हूँ अदिया र'ई, अरा अदिन फिन हो'आ गे हूँ अदिया र'ई। एम्‍बस एंगन पॆसका लेक्‍खा ऎन एन्नेम नन्‍दन।”

यॊहनस 10:35

नॆख'आ गुसन धर्मेसी कत्‍था अंड़सिया, आस आरिन ‘देंवता गुट्ठी’ बाचस। नेम्‍हा पुथी ता कत्‍था अयन्‍दहा मल मना ऊंगी।

यॊहनस 12:39

ई चड्डे दिम आर पत्त'आ पोल्‍लर, एन्‍देरगेका यसायास एन्ने हूँ बाचका र'अस।

यॊहनस 20:9

एन्‍देरगेका “येसुस केचका ती उज्‍जा चो'अना दिम र'ई” एन्ने नेम्‍हा पुथी नू लिख्रका कत्थन आर अक्‍कु गूटी मल बुझ्रका रहचर।

त‍इरकर 1:16

“अना भ‍ईरो, नेम्‍हा पुथी ता लिख्रका मन्ना चाड़ रहचा, आद नेम्‍हा बॊलतस दाऊदसी ब‍ई ती येसुसिन हॆंरका आलर गे कड़हाब'ऊ रहचका यूदसी पत्त नू मुन्‍द बाचका रहचस।

त‍इरकर 13:30

लिकिन धर्मेस आसिन केचका ती उज्‍जताचस चॊदस।

त‍इरकर 13:37

लिकिन धर्मेस नॆकन केचका ती उज्‍जताचस चॊदस आसी मॆद मल कित्तिया।

त‍इरकर 17:31

एन्‍देरगेका आस ओन उल्‍लन ओकताचकादस। अउला आस आसी चाजरका आलस ती गोट्टा ख़ॆख़ेल ता आलारिन उजगो ती नेंव‍ई ननोस। आ आलासिन आस केचका ती उज्‍जा चॊदताचस ती ई कत्थन ओर्मारिन मानिम ऎदका र'अस।”

त‍इरकर 2:32

ई येसुसिन धर्मेस केचका ती उज्‍जताचस चॊदस, ऎम ओर्मम इदही गोवाह हिकदम।

त‍इरकर 3:15

अरा नीम उज्‍जना ही अक्‍स'उसिन पिटकर, अरा आसिन धर्मेस केचका ती उज्‍जना चॊदस, अरा इबड़ा कत्‍था ही ऎम गोवाह र'अदम।

त‍इरकर 3:26

धर्मेस निमन ओर्मारिन निम्‍है मलदौ नलख ती किर्त'आ गे अरा बरकत नना गे आस तंग्‍है जॊंख़स येसुसिन इजताचस ती निम्‍है गुसन मुन्‍द त‍इय्यस।”

त‍इरकर 4:10

नीम ओर्मर अरा इस्राऎल ही उर्मी आलर इदिन अक्‍का र'आ का नासरेत ता येसु मसीसी सवंग ती ई आलस कोड़े मंजस ती निम्‍है मुन्‍दहारे इज्‍जका र'अदस। नीम गा येसुसिन क्रुस नू ठोकचकर, लिकिन धर्मेस आसिन केचका आलर ती उज्‍जताचस चॊदस।

त‍इरकर 5:30

नीम गा येसुसिन क्रुस नू ठोकचकर ती पिटकर चिच्‍कर, लिकिन नम्‍है पूरखर ही धर्मेस आसिन केचका ती उज्‍जताचस।

रोमी 10:9

एन्‍देरगेका नीम निम्‍है बई ती “येसुस दिम उर्बस” ब'अना ती धर्मेस आसिन केचका ती उज्‍जताचस एन्ने निम्‍है जिया नू पत्त'अदर होले, नीम नाड़र'ओर।

रोमी 14:9

एन्‍देरगेका ई चड्डेम मसीस केच्‍चस अरा उज्‍जा हूँ चॊचस का केचका आलर अरा उज्‍जना आलर इरबर ही दिम उर्बस मनोस।

रोमी 4:24

नम्है फैदा गे हूँ लिख्रकी र'ई। नाम हूँ उजगो लेखर'ओत, एन्‍देरगेका नॆ नम्‍है उर्बस येसु मसीसिन केच्‍कर ती उज्‍जताचस आसिन असरा नन्‍दत।

रोमी 6:4

इकला नाम नॊड़रकत नाम मसीस गने माड़रकत अरा आसी खे'अना नू मेसरकत। होले एकासे मसीस बंगासी महबा ती निन्‍द्रका कोड़हे सवंग ती केचका ती उज्‍जा चॊचस, अन्नेम नाम हूँ ओन्टा पुना उज्‍जना उज्‍जा ओंग्‍दत।

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

रोमी 8:34

आरिन नॆ नेंव‍ई ननरकी दंडे चि'आ उंगी? नॆ हूँ पुल्‍ली, एन्‍देरगेका मसी येसुस दंडे ख़क्‍खियस ती केच्‍चस। लिकिन आस गा केचका ती उज्‍जा चॊचस, अरा आस अक्‍कु धर्मेसी तीना पक्‍खा उक्‍कियस ती नमा गे गोहरारते र'अदस।

1 कोरिन्‍थ 15:12

अन्नु हूँ मसीस केचका ती उज्‍जा चॊचस एन्ने तेंगतार'ई होले, निम्‍है मधेर ती जोक्‍कोर केच्‍चकर ही उज्‍जा चो'अना मलकी एन्ने एकासे ब'आ ओंग्दर?

1 कोरिन्‍थ 15:15

अउर हूँ केच्‍चकर उज्‍जा मल चो'अनर एन्ने ईद मानिम होले, इदही मने ईद का धर्मेस मसीसिन उज्‍जा मल चॊदस। औंगे धर्मेस मसीसिन उज्‍जा चॊदस एन्ने ऎम गोवाह चि'अना ही चड्डे, ऎम धर्मेसी पत्त नू ठकवा गोवाह चि'ऊ आलम र'ओम दने।

1 कोरिन्‍थ 15:20

लिकिन मानिम नू मसीस केचका ती उज्‍जा चॊचकादस, अरा केच्‍चकर मधेर ती उज्‍जा चो'अना नू पहिल आल मंजस।

1 कोरिन्‍थ 15:4

अरा आस मसड़ा नू उइतारस। अरा नेम्‍हा पुथी नू लिख्रका लेक्‍खा तिसर उल्‍ला उज्‍जा चॊचस।

1 कोरिन्‍थ 6:14

अरा धर्मेस तंग्‍है सवंग ती उर्बासिन केच्‍कन ती उज्‍जताचस, अन्नेम आस नमन हूँ उज्‍जत'ओस।

2 कोरिन्‍थ 4:14

ऎम अख़दम का धर्मेस नॆ उर्बा येसुसिन केचका ती उज्‍जा चॊदस, आस एमन हूँ येसुस लेक्खा उज्‍जत'ओस, अरा निम्‍है गने एमन हो'ओस ती तंग्‍है मुन्दहारे इजत'ओस।

गलातिया 1:1

ई चिठी त‍इरकन पौलुस एंग्हा तरती र'ई। ऎन एक‍अम आलर ही खोंड़हा तरती मला महले एकअम अक्स'ऊ आलर ती तइरका मल्‍ला मंजका। लिकिन येसु मसीस ती अरा धर्मे बंगस ती तइरका मंजकादन, एकास येसुसिन केचका ती उज्‍जा चॊदस।

कोलोस्से 2:12

अरा नॊड़रना नू नीम मसीस गने माड़रदर कादर ती आसिन केचका मद्धेर ती उज्‍जा चॊचका धर्मेसी सवंग मइय्याँ ता निम्है पत्त'अना ती नीम हूँ मसीस गने पुना उज्जना गे उज्‍जा चॊचकादर।

1 थेस्‍सलोनिकॆयर 1:10

अरा नीम आसी तंग्‍दासी मेर्ख़ा ती बरना ही पाब ऎरालदर, नॆकन धर्मेस केचका ती उज्‍जताचस। आसिम येसुस हिकदस नॆ नमन बरना नेंवई ही खींस ती बछाब'अदस।

इब्रानी 13:20

मसीसी ख़ॆंस ती जनमजुग ही गच्‍छरनन कमचका ती भेंडो ही कोहाँ महरस नम्‍है उर्बा येसुसिन केचका ती उज्‍जताचका कोड़े ही धर्मेस,

इब्रानी 2:14

एन्‍देरगेका धर्मेसी ख़द्दर अहड़ा अरा ख़ॆंस ती कम्रका मनवा आलॊ हिकनर, औंगे येसुस हूँ आर लेक्‍खा अहड़ा अरा ख़ॆंस नू मंजस। तंग्‍है खे'अना ती खे'अना ही अदिया उइय्यू सैतान आबोन नास नना गे आस एन्ने मंजस।

1 पतरस 1:21

आस ती दिम नीम अक्‍कु धर्मेसिन पत्त'अदर। धर्मेस दिम आसिन केचका ती उज्जताचस ती आस गे महबा चिच्चस। औंगे निम्‍है पत्त'अना अरा असरा धर्मेस मइय्याँ र'ई।

दहदर मंजका कत्‍था 1:18

अरा ऎन उज्‍जू र'अदन। ऎन केचका केरकन, लिकिन ऎरा, ऎन हुल्‍लो ती हुल्‍लो गूटी उज्‍जू र'अदन। अरा खे'अना अरा नरक गड्डी ही कुची गुट्ठी एंग्‍है गुसन र'ई।