त‍इरकर 2:23 - पुना गच्छरना NT (BSI)

²³ धर्मेसी ओक्‍ताचका चिता बुता अरा धर्मेस ती मुन्‍द बाचका कत्‍था लेक्‍खा आस सोंपतारस। आ येसुसिन नीम धरतारकी पपहर ही ख़ेक्खा ती क्रुस नू अरगकर ती पिटकर।

त‍इरकर 2:23 ပူးပေါင်းရင်းမြစ်များ

मत्तायोस 20:19

अरा नॆ यहूदी मलनर आर ही ख़ेक्खा नू एंगन हींड़'आ गे तुप्‍प'आ गे अरा कोर्रा ती लौ'आ गे क्रुस नू अरग'आ ती पिटा गे चि'ओर। लिकिन ऎन उल मुन्‍द नू केचका ती उज्‍जा चो'ओन।”

मत्तायोस 26:24

धर्मेसी कत्‍था तिंगुर नेम्हा पुथी नू एंग्‍है पत्त नू एन्‍देर लिखचकानर अन्नेम मनवा ख़द्दन ऎन खे'ओन दने। लिकिन नॆ एंगन धरत'आ गे संगे चि'अदस आसी मुंज्रना नगदे भयभयान मनो। आस मल कुन्‍द्रका होले, आस गे दौ रहचा।”

मत्तायोस 27:35

फिन आर आसिन क्रुस नू ठोकचकाचर ख़ने, आसी किचरिन चिठी टिड्डर ती तम्‍है नू ख़ट्टरर।

मरकुस 15:24

फिन आर आसिन क्रुस नू ठोकचर। अरा आसी किचरिन नॆका एन्‍देर ख़क्ख्र'ओ अदिन अख़'आ गे चिठी टिड्डर ती ख़ट्टरर।

लू‍कस 22:22

धर्मेस मनवा ख़द्दन एंगा गे एकासे चिताबुता नंजकादस अन्ने गा ऎन खे'ओन दिम। लिकिन नॆ एंगन धरत'आ गे संगे चि'अदस आसी मुंज्रना नगदे भयभयान मनो।”

लू‍कस 22:37

ऎन इदन ब'अदन, एन्‍देरगेका नेम्हा पुथी नू धर्मेसी कत्‍था तिंगुर एंग्‍है पत्त नू लिखचकानर का ‘ऎन दोसी बेसे बातार'ओन’ ईद पूरा मन्ना र'ई, हाँ, धर्मेसी कत्‍था तिंगुर एंग्‍है पत्त नू लिखचका जम्मा पूरा मनो दिम।”

लू‍कस 23:33

आर खपरोही बारना अड्डा अंड़सियर ख़ने, आर असन येसुसिन दरा मलदौ नंजका आलारिन क्रुस नू ठोकचर। ओर्तोसिन तीना अरा ओर्तोसिन डेब्‍बा पक्‍खा ठोकचर।

लू‍कस 24:20

नम्‍है मुध नैगर अरा मुद्धर आसिन पिटना दंडे चि'आ गे सोंपचर। तहाँ आर आसिन क्रुस नू ठोकचर।

यॊहनस 19:18

असन आर येसुसिन क्रुस नू ठोकचर। आस गने अउर ऎंड़ आलारिन क्रुस नू ठोकचर, ओर्तोसिन ओन पक्‍खा नू अरा ओर्तोसिन ओन पक्‍खा नू अरा येसुसिन गा मझी नू ठोकचर।

यॊहनस 19:24

ख़ने आर ताम ताम कछनख्रर, “नाम इदिन अम्‍बोत चर्रा, लिकिन चिठी टिड़'ओत ती ऎरोत का ईद नॆका ख़क्‍ख्र'ओ।” ईद इदगे मंजा का नेम्‍हा पुथी नू लिख्रकी र'ई आद मनी नेकअन, “आर एंग्‍है किचरी गुट्ठिन तमा नू ख़ट्टरर अरा एंग्‍है किचरी गे चिठी टिड्डर।” औंगे सैनर इबड़न नंजर।

त‍इरकर 13:27

येरुसलॆम नू र'ऊ आलर अरा आर ही मुद्धर येसुसिन बछाब'ऊ ब'अरकी मल चिन्‍हचर। अरा धर्मेसी कत्‍था तिंगुर ही कत्‍थन मल बुझ्रनुम उर्मी ख़न्न ऎख़्रना उल्‍ला अबड़न पढ़चर। औंगे येसुसिन बदी नंजर ती अबड़ा कत्‍थन पूरा नंजर।

त‍इरकर 15:18

इबड़न नॆ हुल्‍लो ती अख़ताचस।’

त‍इरकर 2:36

औंगे इस्राऎल ही ओर्मा आलर इदन मानिम गने अख़'आ हो'आ का नीम क्रुस नू ठोकचका ई येसुसिन धर्मेस उर्बस हूँ अरा मसीस हूँ कमचस।”

त‍इरकर 3:18

लिकिन धर्मेस मुन्‍द तिम तंग्‍है कत्‍था तिंगुर ती ‘मसीस गे दुक्खे चॊदना र'ई’ एन्ने बाचका लेक्‍खा अदिन पूरा नंजस।

त‍इरकर 4:28

लिकिन आर इन्द्रिइम नंजर आद निंग्‍है मने लेक्‍खा नीन मुन्‍द तिम ओकताचका रहचकय अदिन नंजर।

त‍इरकर 5:28

“ऎम निमन चेताबाचकम ती पॆसका मल चिच्‍चकम का ई नामे ती अमके सिखाब'आ? अन्नु हूँ नीम गोट्‍टा येरुसलॆम ता उर्मी आलारिन आसी पत्त नू तिंकर चिच्‍चकर। अरा आसी पिटका ही बदी एम्‍है म‍इय्याँ नना लगदर।”

त‍इरकर 5:30

नीम गा येसुसिन क्रुस नू ठोकचकर ती पिटकर चिच्‍कर, लिकिन नम्‍है पूरखर ही धर्मेस आसिन केचका ती उज्‍जताचस।

त‍इरकर 7:52

धर्मेसी कत्‍था तिंगुरिन नॆकन निम्‍है पूरखर मल्‍ला डाहचका? आर आ उजगो आलासी बरनन नॆ नॆ मुन्‍द तिम तिंगियर आरिन पिटियर। अक्‍कु नीम आ उजगो आलस मसीसिन धरचकर अरा पिटकर।

रोमी 2:12

एका ओर्तर धर्मेसी पॆसकन बलनर ती पाप नन्नर, होले हूँ आर नठार'ओर। अरा एका ओर्तर धर्मेसी पॆसकन अख़नर ती पाप ननतेम र'अनर, आर धर्मेसी पॆसका ती नेंव‍ई नन्तार'ओर।

रोमी 4:17

एकासे नेम्‍हा पुथी नू लिख्रकी र'ई, “ऎन निंगन अजम बग्‍गे जातियर ही बंग कमचकादन।” ई गच्‍छरका अब्राहमस गे आस धर्मेसी म‍इय्याँ नंजका पत्त'अना ती ख़क्‍खरा। धर्मेस दिम केचकारिन उज्‍जत'अदस अरा एन्‍द्रा हूँ मलकी अइय्या तिम पुना जिनिसन गढ़दस।

1 थेस्‍सलोनिकॆयर 2:15

आरिम उर्बा येसुसिन अरा धर्मेसी कत्‍था तिंगुरिन पिटियर। अरा एमन हूँ खिलपत नंजर। अरा आर धर्मेसिन मल रिझाब'अनर अरा ओर्मारिन हींड़नर।

1 पतरस 1:2

धर्मे बंगस तान हुल्लो तिम ठंचका लेक्खा निमन चजकादस, अरा नीम आसिन पॆस्र'आ गे आसी बॊलतस निमन नेम्हा नंजकादस, अरा येसु मसीसी ख़ॆंस ती नॊड़रकादर। धर्मेसी मया अरा कोड़े कोड़हे ती कोड़हे निमा मनन नेकअन।

1 पतरस 1:20

आस ख़ॆख़ेल गढ़्रना ही मुन्द तिम चाजरकाचस। लिकिन इबड़ा मुंजा ता बेड़ा गुट्ठी नू निमा गे दहदर मन्तारकादस।

1 पतरस 2:8

अरा अउरिम नेम्हा पुथी ब'ई का, “आस आलर गे मूड़ना ही पखना अरा आर गे थोथमारना ही चचड़ी र'अदस।” आर धर्मेसी कत्थन मल पॆस्रना ती मूड़नर। ईदिम आर गे धर्मेसी मने रहचा।

यहूदा 1:4

ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।

दहदर मंजका कत्‍था 13:8

अरा ख़ॆख़ेल ही गढ़्रना बेड़ा तिम पिटतारकी र'ई आ भेंडो ख़द्द मसीसी उज्‍जना ही पुथी नू नामे मल्‍ला लिख्रका ख़ॆख़ेल नू ओक्रना ओर्मा आलर आ मेक्‍खोन महबा ननोर।