त‍इरकर 2:22 - पुना गच्छरना NT (BSI)

²² इस्राऎल आलारो, इबड़ा कत्‍थन मेनके। नीम अख़दर का धर्मेस नासरेत ता येसुस ती एका कोहाँ अजगुत नलख अरा अकबक नलख अरा चिन्‍हा गुट्ठी निम्‍है मझी नू नंजस। इत्रु ती धर्मेस आसिन निमन ऎदस का आस धर्मेस तरती त‍इरकाचस।

त‍इरकर 2:22 ပူးပေါင်းရင်းမြစ်များ

मत्तायोस 12:28

लिकिन ऎन धर्मेसी बॊलता ती नाद गुट्ठिन ओथ्रदन होले ईद ईद'ई का धर्मेस आलर ही जिया नू राजी नन्ना निम्‍है मझी नू अंड़स ख़च्‍चिया।

मत्तायोस 2:23

अरा नासरेत नामे पद्दा नू केरस ती ओक्रस। होले धर्मेसी कत्‍था तिंगुर ती बारकी रहचा, “आस नासरेत ता आलस बार'ओस” आ कत्‍था मनन नेक‍अन।

मत्तायोस 9:8

इदिन ईरयर ती आलर इल्‍चियर केरर अरा धर्मेसी ओहमा नना हेलरर एकास आलर गे एन्ने आकुस चिच्कादस।

लू‍कस 11:20

लिकिन ऎन धर्मेसी सवंग ती नाद गुट्ठिन ओथ्रदन होले ईद ईद'ई का धर्मेस आलर ही जिया नू राजी नन्ना निम्‍है नू अंड़स ख़च्‍चिया।

लू‍कस 18:37

अबड़र आसिन तिंगियर, “नासरेत ता येसुस कट्टालदस।”

लू‍कस 24:18

ख़ने आर ती किलेयोपास नामे ओर्तोस आसिन आनाकिर्ताचस, “एन्‍देर नीन येरुसलॆम नू नीन लेका एन्ने आलय हिकदय का इन्नेला नू अइय्या एन्‍देर एन्‍देर मंजकी र'ई अदन बलदय?”

यॊहनस 1:45

फिलिप्‍पोस नतन‍ऎलसिन ख़क्‍खियस ती बाचस, “नॆख'आ पत्त नू मूसस नॆग नू लिखचकादस अरा धर्मेसी कत्‍था तिंगुर हूँ लिखचकानर, आसिन ऎम ईरकम। आस यॊसॆफसी तंग्‍दस नासरेत पद्दा ता येसुस दिम हिकदस।”

यॊहनस 10:37

एम्‍बस नन्‍दस आ नलखन ऎन मल नन्‍दन होले, एंगन अमा पत्त'आ।

यॊहनस 11:47

ख़ने मुध नैगर अरा फरिसीर यहूदीर ही कोहाँ सभा आबोन मीख़ियर ती बाचर, “नाम एन्‍देर ननोत? ई आलस गा कोड़हे अजगुत नलख ही चिन्‍हन ऎद्ददस।

यॊहनस 12:17

येसुस लाजरसिन मसड़ा ती मीख़ियस ती केचका ती उज्‍जताचका बारी, आसी गने एका आल गोंहड़ा रहचा, आर इदही गोवाह नन्नर गे चि'आ लगियर।

यॊहनस 15:24

एका अजगुत नलख गुट्ठिन नॆ हूँ मल नंजका रहचर आ अजगुत नलख गुट्ठिन आर ही मझी नू ऎन मल नंजका रहचकन होले, आर ही म‍इय्याँ पाप ही बदी मल लग्‍गो दने। लिकिन अक्‍कु गा आर ऎन एन्‍देर नंजकन अबड़ा ओर्मन ईरियर, अन्नु हूँ आर एंग्‍है गने अरा एम्‍बस गने हींड़का र'अनर।

यॊहनस 19:19

अरा पिलातुस ओन्‍टा दोस चिठी लिखताचस ती क्रुस नू लगाबाताचस। अरा अइय्या एन्ने लिख्रकी रहचा का, “नासरेत ता येसुस यहूदीर ही बॆलस।”

यॊहनस 3:2

आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

यॊहनस 4:48

ख़ने येसुस आसिन बाचस, “नीम गा चिन्‍हा अरा अजगुत नलख गुट्ठिन बिगर ईरका इक्‍ला हूँ मल पत्त'ओर।”

यॊहनस 5:36

एंगा यॊहनसी गोवाह ती कोहाँ गोवाह एंग्‍है सिखाब'अना अरा एंग्‍है हैकट नलख हवे। धर्मे बंगस इबड़ा नलखन नन्ना ती मुंजा गे एंगा चिच्‍चस, अरा अबड़ा पुरुब नन्‍ती का आस एंगन त‍इय्कादस।

यॊहनस 6:14

येसुसी ई अजगुत नलख ही चिन्‍हन ईरियर ख़ने, आर ब'आ हेलरर, “मानिम ईस ख़ॆख़ेल नू बर'ऊ रहचस आ धर्मेसी कत्‍था तिंगुस हिकदस।”

यॊहनस 6:27

नठारना ओन्ना-मॊख़ना गे अमा अर्ज'आ। लिकिन जनमजुग उज्‍जनन चि'ऊ ओन्ना-मॊख़ना गे अर्ज'आ। ई ओन्ना-मॊख़नन मनवा ख़द्दन ऎन चि'ओन, एन्‍देरगेका धर्मे बंगस एन्ने नन्‍ना ही अदियन एंगा चिच्कादस।”

यॊहनस 7:31

लिकिन ख़ॊंड़रका आलर ती बग्‍गेर आसिन पत्ताचर। अरा अबड़र बाचर, “मसीस बरदस ख़ने, आस ई आलस नंजका ती कोड़हे अजगुत नलख ननोस का?”

यॊहनस 9:33

आस धर्मेस तरती मल र'अना होले, आस एन्ने एन्‍देर हूँ नना पोल्‍लोस दने।”

त‍इरकर 13:16

होले पौलुस इज्‍जस ती ख़ेक्खा ती कलेकसे र'आ गे बाचस अरा तेंगा हेलरस, “अना इस्राऎल भ‍ईरो अरा धर्मेसी इल्‍चू नन-यहूदी आलारो, मेना।

त‍इरकर 14:27

असन आर अंड़सियर ती कलीसियन ख़ॊंड़चर ती तिंगियर का धर्मेस आर ही ती एन्‍देर एन्‍देर नलख नंजकाचस, अरा नन-यहूदीर हूँ पत्त'आ गे एकासे बलिन तिसगस चिच्‍चस।

त‍इरकर 2:19

अरा ऎन म‍इय्याँ मेर्ख़ा नू अजगुत नलख ऎद'ओन, अरा किय्या ख़ॆख़ेल नू ख़ॆंस अरा चिच्‍ची अरा अजम कुहड़ा ही चिन्‍हा ऎद'ओन।

त‍इरकर 2:43

ओर्मर म‍इय्याँ इल्चका कोरचा केरा, अरा नगदे कोहाँ कोहाँ अजगुत नलख अरा चिन्‍हा त‍इरकर ती मनालिया।

त‍इरकर 21:28

अरा चिच्चियारर, “अना इस्राऎल आलारो, एमा सहाड़ा नना! ईस आ आलस दिम, एकास नम्‍है आलारिन अरा मूसासी नॆग ही अरा ई अड्डा ही बिड़दो नू उर्मी आलारिन अरा उर्मी अड्डा नू सिखाब'अदस, अरा नन-यहूदी आलारिन हूँ आस धर्मेसी मन्दिर नू ओन्‍द्रस ती ई नेम्‍हा अड्डन सोतबोड़'आ नंजका र'अदस।”

त‍इरकर 22:8

ख़ने ऎन आनाकिर्ताचकन, ‘उर्बायो, नीन एका ओर्तय?’ आस एंगन बाचस, ‘ऎन नासरेत ता येसु हिकदन, नॆकन नीन सताब'आलदय।’

त‍इरकर 24:5

एम्‍है अख़ना ती ई आलस गा हींड़'ऊ आलस हवे, अरा ख़ॆख़ेल ता ओर्मा यहूदीर नू लड़ाई नन्‍त'ऊ आलस हवे, अरा नासरेत ता ओर्तोसी धरम खोंड़हा ही मुद्ध आलस हवे।

त‍इरकर 26:26

बॆलस अग्रिप्‍पस हूँ गा इबड़ा कत्‍था ही पत्त नू अख़दस। औंगेम ऎन बेगर एल्‍चम ती आसिन ब'आ लगदन। ऎन अख़दन का इबड़ा कत्‍था आस ती नूख्रका मल्‍ला, एन्‍देरगेका ईद एकअम कोड़ा नू मल्‍ला मंजका।

त‍इरकर 26:9

ऎन हूँ गा नासरेस ता येसुसी नामे नू एंगा उर्मी तरती कोड़हे बिड़दो नन्ना र'ई एन्ने मुन्‍द सोच'आ लिक्‍कन।

त‍इरकर 3:12

पतरस इदन ईरियस ती आरिन बाचस, “इस्राऎल आलारो! नीम इदही पत्त नू एन्‍देरगे अकबक मन्‍दर? ऎम एम्‍है सवंग ती मलता एम्‍है भगती ती ई आलासिन ऎकना कुद्दना जॊगे कमचकादम ब'अरकी नीम एम्‍है तरा एन्‍देरगे एन्ने ऎरा लगदर?

त‍इरकर 3:6

लिकिन पतरस आसिन बाचस, “सोना अरा चाँदी गा एंग्‍‍है गुसन मल्‍ला, लिकिन एंग्‍‍है गुसन एन्‍द्रा र'ई, अदिन निंगा चि'अदन। नासरेत ता येसु मसीसी नामे ती चो'आ अरा कुद्दा नुंगा।”

त‍इरकर 4:10

नीम ओर्मर अरा इस्राऎल ही उर्मी आलर इदिन अक्‍का र'आ का नासरेत ता येसु मसीसी सवंग ती ई आलस कोड़े मंजस ती निम्‍है मुन्‍दहारे इज्‍जका र'अदस। नीम गा येसुसिन क्रुस नू ठोकचकर, लिकिन धर्मेस आसिन केचका आलर ती उज्‍जताचस चॊदस।

त‍इरकर 5:35

अरा कोहाँ सभा ता आलारिन बाचस, “इस्राऎल आलारो, नीम चिहुंक र'आ का इबड़ारिन एन्‍देर नना बेद्दालदर।

त‍इरकर 6:14

अरा ऎम गा ईसी एन्ने ब'अनन मेंजकम का नासरेत ता येसुस ई अड्डन नठाब'ओस अरा मूसस नमा चिच्का चाल गुट्ठिन बदल'ओस चि'ओस।”

2 कोरिन्‍थ 12:12

ऎन निम्‍है गने रहचकन ख़ने, ऎन मानिम नू एंगन पुरुब नंजकन का ऎन ओन्टा तइरकन। एकासे का ऎन कोड़हे कयास गने दुक्खे सारना ती निम्है मझी नू बग्गे चिन्‍हा अरा अजगुत नलख अरा हैकट नलख गुट्ठी ऎदकन।

इब्रानी 2:4

धर्मेस हूँ चिन्‍हा अरा अजगुत नलख अरा रकम रकम ही हैकट नलख गुट्ठी ती अरा तंग्‍है मने लेक्‍खा नेम्‍हा बॊलतासी बरदानन ख़ट्टना ती इदही गोवाह चिच्‍चस।