त‍इरकर 2:20 - पुना गच्छरना NT (BSI)

²⁰ उर्बासी कोहाँ अरा लौकारना उल्‍ला ही बरना ती मुन्‍द बीड़ी ऊख़ा अरा चन्‍दो ख़ॆंस लेक्‍खा मनो क'ओ।

त‍इरकर 2:20 ပူးပေါင်းရင်းမြစ်များ

मत्तायोस 24:29

अबड़ा उल्‍ला सस्‍ती ही ख़ॊख़ा लॆम, ‘बीड़ी अरा चन्‍दो मल रफ'ओ, अरा मेर्ख़ा ती बीनको खत्र'आ हेलर'ओ। धर्मेस मेर्ख़ा नू र'ऊ उर्मी आलॊन नुक'ओस।’

मत्तायोस 27:45

अक्‍कु लोहाड़ी बारा बजे गोट्टा चक ऊख़ा मं‍जा केरा, अरा आद तीन बजे गूटी रहचा।

मरकुस 13:24

अबड़ा उल्‍ला नू आ सस्‍ती ही ख़ॊख़ा, ‘बीड़ी अरा चन्‍दो मल रफ'ओ,

लू‍कस 21:25

चन्‍दो बीड़ी अरा बीनको नू चिन्‍हा गुट्ठी ऎथ्र'ओ। अरा समुदर अरा लहरा ही ख़रख़ना ती ख़ॆख़ेल नू राजी राजिन्‍ता आलर एलचोर अरा अन्‍भूल मनोर।

त‍इरकर 2:19

अरा ऎन म‍इय्याँ मेर्ख़ा नू अजगुत नलख ऎद'ओन, अरा किय्या ख़ॆख़ेल नू ख़ॆंस अरा चिच्‍ची अरा अजम कुहड़ा ही चिन्‍हा ऎद'ओन।

त‍इरकर 2:21

तहाँ एका एका ओर्तर उर्बासी नामेन गोहरार'ओर आर नाड़र'ओर।’’

1 कोरिन्‍थ 5:5

आ बारी आ आलासिन आसी मॆद ही नठाब'आ गे सैतान गे सोंप'आ का ख़ॊख़ा आस पाप नन्नन अम्बरकी धर्मेस तरा किर्रोस होले आसी बॊलता गा उर्बासी किर्रना उल्‍ला नू नाड़रा ओंगो।

1 थेस्‍सलोनिकॆयर 5:2

एन्‍देरगेका उर्बासी बरना उल्‍ला माख़ा ख़लबर ही बरना लेक्‍खा मनो, अदिन नीम बॆस लगे अख़दर।

2 पतरस 3:10

लिकिन उर्बासी बरना उल्ला गा ख़लबस लेक्खा आचका बर'ओ। अउला मेर्ख़ा गुट्ठी गरजारनुम मेटर'ओ कालो, अरा मेर्ख़ा ता आलॊ गुट्ठी गौंगौंर'ओ ती चोदख़ो कालो ती नठार'ओ, अरा ख़ॆख़ेल नू आलर नंजका उर्मिन धर्मेस नेंवई नना गे दहदर नन्त'ओस।

2 पतरस 3:7

लिकिन धर्मेस अक्कु ता मेर्ख़ा गुट्ठिन अरा ख़ॆख़ेलन नेंवई उल्ला गूटी र'आ गे पॆसकन चिच्चस। फेन अबड़ा चिच्ची ती बस्सा गे उइरकी र'ई। अरा धर्मेसिन मल इल्चुर नठार'ओर।

दहदर मंजका कत्‍था 16:8

फेन चौथा मेर्ख़ा पैकस तंग्‍है डुबहन बीड़ी नू तुन्दियस चिच्‍चस। ख़ने बीड़ी गे आलारिन चिच्ची ती ओलत'आ चि'आ गे अदिया चीरा।

दहदर मंजका कत्‍था 6:12

अरा ऎन ईरकन का भेंडो ख़द्द मसीस छै मरकन ख़च्‍चियस ख़ने, कोहाँ ख़ॆख़ेल नुकुरना मंजा, अरा बीड़ी कमड़ा लेक्‍खा मोख़ारो मंजा केरा, अरा गोट्टा चन्‍दो ख़ॆंस लेक्‍खा ख़ॆंसो मंजा केरा।