त‍इरकर 2:18 - पुना गच्छरना NT (BSI)

¹⁸ अरा ऎन अबड़ा उल्‍ला नू एंग्‍है जॊंख़र अरा जॊंख़ पेल्‍लर म‍इय्याँ हूँ एंग्‍है बॊलतन तुन्‍दोन। होले आर धर्मेसी कत्थन मुन्द तेंगोर।

त‍इरकर 2:18 ပူးပေါင်းရင်းမြစ်များ

लू‍कस 12:45

लिकिन आ जॊंख़स तंग्‍है उर्बस दीरी ती बर'ओस ब'अरकी तंग्‍है जिया नू ब'ओस ती जॊंख़ारिन दरा जॊंख़-पोल्‍लोरिन लौना अरा ओना मॊख़ा दरा ऊंखनुम र'ओस होले,

त‍इरकर 2:17

‘धर्मेस बाचकादस ‘मुंज्रना ही उल्‍ला गुट्ठी नू ऎन उर्मी आलर म‍इय्याँ एंग्‍है बॊलतन तुन्‍दोन, होले निम्‍है कुक्‍को कुक्‍के ख़द्दर धर्मेसी कत्थन मुन्द तेंगोर, अरा निम्‍है जॊंख़र देखार गुट्ठी ऎरोर, अरा निम्‍है पचगीर तुंगुल गुट्ठी ऎरोर।

त‍इरकर 2:19

अरा ऎन म‍इय्याँ मेर्ख़ा नू अजगुत नलख ऎद'ओन, अरा किय्या ख़ॆख़ेल नू ख़ॆंस अरा चिच्‍ची अरा अजम कुहड़ा ही चिन्‍हा ऎद'ओन।

त‍इरकर 21:10

असन ऎम ढ़ॆर उल्‍ला र'अना बेड़ा नू हगाबोस नामे ओन्‍टा धर्मेसी कत्‍था तिंगुस यूदेया ती बरचस।

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।