त‍इरकर 2:1 - पुना गच्छरना NT (BSI)

¹ पेन्‍तॆकोस्‍तॆ परब ही उल्‍ला अंड़सिया ख़ने आर ओर्मर ओन अड्डा ख़ॊंड़रका रहचर।

त‍इरकर 2:1 ပူးပေါင်းရင်းမြစ်များ

त‍इरकर 1:5

यॊहनस गा अम्मु ती नॊड़रताचस, लिकिन जोक्‍क उल्‍ला ख़ॊख़ा नीम नेम्‍हा बॊलतस ती नॊड़तार'ओर।”

त‍इरकर 1:8

लिकिन इकला नेम्‍हा बॊलतस निम्‍है म‍इय्याँ एत्तोस, नीम सवंग ख़क्‍खोर अरा येरुसलॆम नू अरा गोट्टा यूदेया अरा समारिया नू अरा ख़ॆख़ेल ही ठुट्ठु गूटी नीम एंग्‍है गोवाह मनोर।”

त‍इरकर 2:46

आर उर्मी उल्‍ला ओन जिया मनरकी धर्मेसी मन्दिर ही चाली नू ख़ॊंड़र'आलियर। अरा तम्‍‍है एड़पा एड़पा गुट्ठी नू उर्बासी दाँड़े आबोन सुरता नन्ना ती रिझ अरा उजगो जिया ती मंडी ओनालियर।

त‍इरकर 20:16

एन्‍देरगेका पौलुस इफेसुस नगरेन अम्‍बरकी काला गे तिगचका रहचस। अरा आस आसिया देस नू अउर हूँ घड़ही बेड़ार'आ गे मल बिद्दियस। एन्‍देरगेका आस येरुसलॆम नू चाढ़ेम अंड़सा गे बिद्दियस का आस पेन्‍तॆकोस्‍तॆ परब ही उल्‍ला नू असन र'आ ओंगोस।

त‍इरकर 4:24

आर आर ही कत्‍थन मेंजर ती ओन संगे धर्मेसिन जॊरसरिया गोहरार'आ हेलरर, अरा बाचर, “उर्बायो! नीन ख़ॆख़ेलन अरा मेर्ख़न अरा समुदर आबोन अरा अबड़ा नू र'ऊ उर्मिन कमचकय।

त‍इरकर 4:31

इकला आर गोहरारका रहचर अन्नेम आर ख़ॊंड़रका रहचर आ अड्डा नुक्रा केरा, अरा अबड़र जम्मर नेम्‍हा बॊलतस ती निन्‍दियर ती धर्मेसी कत्‍थन डिढ गने तेंगा हेलरर।

त‍इरकर 4:32

पत्त'ऊ आलर ही खोंड़हा ओन जिया अरा बॊलता नू रहचर। अरा नॆ हूँ तम्‍है खुर्जी गुट्ठिन एम्‍है मल ब'आ लगियर अन्‍ति उर्मिदिम सजहा रहचा।

त‍इरकर 5:12

त‍इरकर ती आलर ही मझी नू नगदे चिन्‍हा अरा अजगुत नलख गुट्ठी मना लगिया। पत्त'ऊ आलर जम्मर धर्मेसी मन्दिर नू सालोमॊन कुड़िया ब'अना अड्डा नू उर्मी उल्‍ला ख़ॊंड़र'आ लगियर।

रोमी 15:6

तहाँ नीम ओन जिया अरा ओन सड़ा ती नम्‍है उर्बस येसु मसीसी बंगस धर्मेसी ओहमा ननोर।

1 कोरिन्‍थ 16:8

लिकिन ऎन पेन्‍तॆकोस्‍तॆ उल्‍ला गूटी इफेसुस नगरे नू र'ओन।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

फिलिप्‍पी 2:2

नीम ओन्टा सोच अरा ओन्टे लेक्खा चोन्हा र'अरकी मेस्रका जिया ती ओन्टम सोचना ती एंग्है रिझ आबोन पूरा ब'आ।