त‍इरकर 19:1 - पुना गच्छरना NT (BSI)

¹ एका बेड़ा नू अप्‍पोल्लॊस कोरिन्‍थ नगरे नू रहचस, पौलुस भितरी चक गुट्ठी ती डहरे ऎका लगियस ती इफेसुस अंड़सियस। आस गे असन जोक्‍क पत्त'ऊ आलर ख़क्‍ख्रर।

त‍इरकर 19:1 ပူးပေါင်းရင်းမြစ်များ

त‍इरकर 18:1

इदही ख़ॊख़ा पौलुस अथॆने नगरेन अम्‍बियस ती कोरिन्‍थ नगरे नू बरचस।

त‍इरकर 18:8

गोड़हा एड़पा ता मुद्धस क्रिसपोस तंग्‍है एड़पातर गने उर्बासिन पत्ताचस। अरा कोरिन्‍थ ता बग्‍गे आलर हूँ पौलुसी कत्‍थन मेंजर ती पत्ताचर अरा नॊड़रर।

त‍इरकर 19:17

इफेसुस ता उर्मी र'ऊ आलर यहूदी अरा नन-यहूदी आलर ई हलन मेंजर, ख़ने ओर्मर म‍इय्याँ इल्चका कोरचा केरा, अरा उर्बस येसुसी नामे ही ओहमा मना हेलरा।

त‍इरकर 19:26

लिकिन नीम ऎरदर अरा मेना लगदर का आ पौलुस गा इफेसुस नू लेका मला लिकिन गोट्टा आसिया नू कोड़हे आलारिन बुझाबाचस ती तंग्‍है आकुस नू नंजस, अरा ब'अदस का ख़ेक्खा गुट्ठी ती कमर‍का देंवता गुट्ठी मानिम धर्मे मल्‍दस।

त‍इरकर 20:16

एन्‍देरगेका पौलुस इफेसुस नगरेन अम्‍बरकी काला गे तिगचका रहचस। अरा आस आसिया देस नू अउर हूँ घड़ही बेड़ार'आ गे मल बिद्दियस। एन्‍देरगेका आस येरुसलॆम नू चाढ़ेम अंड़सा गे बिद्दियस का आस पेन्‍तॆकोस्‍तॆ परब ही उल्‍ला नू असन र'आ ओंगोस।

त‍इरकर 20:18

आर आसी गुसन अंड़सियर ख़ने, आस आरिन बाचस, “नीम अख़दर का ऎन इकला आसिया अंड़सकन आ पहिल उल्‍ला ती उर्मी घड़ी ऎन निम्‍है गने एकासे रहचकन।

त‍इरकर 21:29

(एन्‍देरगेका अबड़र इदिन ती मुन्‍द इफेसुस ता त्रुफिमोसिन आसी गने नगरे नू ईरका रहचर। औंगे एन्ने बुझ्र'आ लगियर का पौलुस आसिन धर्मेसी मन्दिर नू ओन्‍द्रका र'अदस।)

1 कोरिन्‍थ 1:12

एंग्‍है ब'अना ईद र'ई का, निम्‍है ती जोक्‍कोर ब'अनर, “ऎन पौलुसी चोख़र'ऊ हिकदन” नन्नर ब'अनर, “ऎन अप्‍पोल्लॊसी चोख़र'ऊ हिकदन” नन्‍नर ब'अनर, “ऎन पतरसी चोख़र'ऊ हिकदन” अरा नन्नर ब'अनर, “ऎन मसीसी चोख़र'ऊ हिकदन।”

1 कोरिन्‍थ 15:32

ऎन इफेसुस नगरे नू ख़ॆख़ेल ता उज्‍जना गे लेका जंगल-मेक्‍खो लेक्खा अइय्या ता आलर गने अरबानख्रकन होले, एंगा एन्‍देर फैदा मनो? लिकिन केच्‍चकर उज्‍जा मल चो'ओर होले, “नाम ओनोत अरा मॊख़ोत, एन्देरगेका नॆला गा नाम खे'ओत” एन्ने ब'आ ओंगोत दने।

1 कोरिन्‍थ 16:12

अक्‍कुन नम्‍है भइय्योस अप्‍पोल्लॊसी पत्त नू, ऎन आसिन निम्‍है गुसन भइय्योर गने काला गे नगदे रिझाबाचकन। अक्‍कु आस काला गे मल बिद्दियस, लिकिन मोका ख़क्‍खोस ख़ने आस बर'ओस।

1 कोरिन्‍थ 16:8

लिकिन ऎन पेन्‍तॆकोस्‍तॆ उल्‍ला गूटी इफेसुस नगरे नू र'ओन।

1 कोरिन्‍थ 4:6

अक्कु अना भईरो, ऎन इबड़ा कत्‍थन निमा गे एंग्‍है अरा अप्‍पोल्लॊसी पत्त नू जोक्‍खा लेक्‍खा तिंकन, इदगेका नीम एम्‍है ती सिख्र'आ ओंग्‍दर का नेम्‍हा पुथी नू लिखचका ही पत्त ती बग्‍गे अमा ऎका। तहाँ नीम निम्‍है ओर्तो मुद्धासी पत्त नू फुल‍ई मनरकी नन्नासिन मल हींड़'ओर।

इफेसुस 1:1

धर्मेसी मने ती मसी येसुसी तइरकन पौलुस [इफेसुस नगरे ता] मसी येसुसिन पत्त'ऊ नेम्‍हा आलर गे ई चिठिन लिखदन।