त‍इरकर 18:8 - पुना गच्छरना NT (BSI)

⁸ गोड़हा एड़पा ता मुद्धस क्रिसपोस तंग्‍है एड़पातर गने उर्बासिन पत्ताचस। अरा कोरिन्‍थ ता बग्‍गे आलर हूँ पौलुसी कत्‍थन मेंजर ती पत्ताचर अरा नॊड़रर।

त‍इरकर 18:8 ပူးပေါင်းရင်းမြစ်များ

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

मरकुस 5:22

ख़नेम याईर नामे ओन्‍टा गोड़हा एड़पा ता ओन्‍टा मुद्धस असन बरचस। अरा आस येसुसिन ऎररकी आसी ख़ेडमूली खत्तरस,

मरकुस 5:35

येसुस इदन कछनख्र'आलियस, ख़नेम गोड़हा एड़पा ता मुद्धस याईरसी एड़पा ती जोक्को आलर बरचर। अरा आर याईरसिन बाचर, “निंग्‍है ख़द्द गा केच्‍चा केरा। अक्‍कुन गुरुसिन अकबकामब'अना ही चाड़ मल्‍ला।”

त‍इरकर 10:2

आस अरा आसी एड़पा ता उर्मी आलर धर्मेसिन एल्‍चा लगियर अरा महबा ननू रहचर। अरा आस कीड़र गे बग्‍गे चि'आ लगियस अरा ओर्मा बेड़ा धर्मेसिन गोहरार'आ लगियस।

त‍इरकर 11:14

आस एन्‍देर कत्‍था सिखाब'ओस अदही ती निंगा अरा निंग्‍है सौंसे एड़पातर गे नाड़रना ख़क्ख्र'ओ।’

त‍इरकर 13:15

पॆसका ही पुथी अरा धर्मेसी कत्‍था तिंगुर ही पुथी ती पढ़चका ख़ॊख़ा, गोड़हा एड़पा ता मुद्धर आरिन एन्ने बाचर त‍इय्यर, “भ‍ईरो! नीम आलारिन रिझ्रता गे इन्द्रिइम ब'आ बेद्ददर होले ब'आ।”

त‍इरकर 16:34

तहाँ आस आरिन तंग्‍है एड़पा होच्‍चस ती आर गे मंडी चिच्‍चस। अरा आस तंग्‍है गोट्टा एड़पातर गने रिझ्रस, एन्‍देरगेका आर धर्मेसिन पत्ताचकाचर।

त‍इरकर 18:1

इदही ख़ॊख़ा पौलुस अथॆने नगरेन अम्‍बियस ती कोरिन्‍थ नगरे नू बरचस।

त‍इरकर 18:17

ख़ने ओर्मा आलर गोड़हा एड़पा ता मुद्धस सॊस्‍थेनॆसिन धरचर ती नेंव‍ई अड्डा ही मुन्‍दहारे दिम लौचर। लिकिन गल्‍लियॊन इबड़ा पत्त नू एन्‍देर हूँ चिहुट मल नंजस।

त‍इरकर 19:1

एका बेड़ा नू अप्‍पोल्लॊस कोरिन्‍थ नगरे नू रहचस, पौलुस भितरी चक गुट्ठी ती डहरे ऎका लगियस ती इफेसुस अंड़सियस। आस गे असन जोक्‍क पत्त'ऊ आलर ख़क्‍ख्रर।

त‍इरकर 8:12

लिकिन धर्मेस आलारिन राजी नन्ना ही पत्त नू अरा येसु मसीसी नामे ही पत्त नू फिलिप्‍पोस दौ कत्‍था मेन्त'आ लगियस ख़ने, आर आसी कत्‍थन पत्ताचर ती मॆतर मुक्‍कर ओर्मर नॊड़रर।

1 कोरिन्‍थ 1:2

कोरिन्‍थ नगरे नू मसी येसुस नू नेम्‍हा मन्तारका अरा नेम्‍हा मना गे मॆख़्रका धर्मेसी कलीसिया गे अरा नमा अरा आर ही उर्बस नम्‍है येसु मसीसी नामेन उर्मी अड्डा नू ऒड़ ननू ओर्मर गे ऎम लिखदम।

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

2 कोरिन्‍थ 1:23

अक्‍कुन ऎन निमन चेताबचकन ती दुक्‍खे मल चि'आ गे दिम कोरिन्‍थ नगरे गे मल बरचकन। इदगे धर्मेस दिम एंगा गोवाह र'अदस।

2 कोरिन्‍थ 6:11

कोरिन्‍थ नगरे ता आलारो! निम्‍है गुसन ऎम फरीफरी कछनख्रकम, एम्‍है जिया निम्है गुसन चोन्हा गने चल्‍ख़िरकी र'ई।

2 तीमोथियुस 4:20

एरस्‍तुस कोरिन्‍थ नगरे नू र'आ ख़च्‍चियस अरा त्रुफिमोसिन ऎन मिलेतोस नगरे नू बेमार अम्‍बका बरचकादन।