त‍इरकर 18:7 - पुना गच्छरना NT (BSI)

⁷ अरा आस गोड़हा एड़पन अम्‍बियस ती किर्रिम बिच्‍चियस ती तितियोस यूसतोस नामे ही ओन्‍टा नन-यहूदी आलासी एड़पा केरस। आस धर्मेसी महबा ननू आलस रहचस। आसी एड़पा गोड़हा एड़पा गने सट्रकी रहचा।

त‍इरकर 18:7 ပူးပေါင်းရင်းမြစ်များ

यॊहनस 9:31

ऎम अख़दम का धर्मेस पपहा आलर हीन मल मेन्‍दस। अरा आस तंग्‍है भगतर हीन अरा आसी मने लेक्‍खा नलख ननुर हीन मेन्‍दस।

त‍इरकर 10:2

आस अरा आसी एड़पा ता उर्मी आलर धर्मेसिन एल्‍चा लगियर अरा महबा ननू रहचर। अरा आस कीड़र गे बग्‍गे चि'आ लगियस अरा ओर्मा बेड़ा धर्मेसिन गोहरार'आ लगियस।

त‍इरकर 10:22

ख़ने आर बाचर, “कोरनेलियोस नॆ सौ सैनर ही मुद्धस अरा उजगो आलस अरा धर्मेसी इल्‍चुस र'अदस। उर्मी यहूदी आलर आसी म‍ईन नन्नर। आस गे ओन्‍टा नेम्‍हा पैकस निंगन आसी एड़पा नू मॆख़ा ओन्‍द्र'आ गे पॆसस अरा निंग्‍है ती सिख्र'आ गे बारकी र'ई।”

त‍इरकर 13:42

बरनबास अरा पौलुस गोड़हा एड़पा ती उरखा लगियर ख़ने, बरना ख़न्न ऎख़्रना उल्‍ला हूँ इबड़ा ही पत्त नू अउरिम तेंगा गे आलर गोहरारर।

त‍इरकर 13:43

सभा मुंज्रा अदही ख़ॊख़ा नगदे बग्‍गे यहूदीर अरा यहूदी धरम नू बरचका नन-यहूदीर पौलुस अरा बरनबास गने चॊंख़्रर। पौलुस अरा बरनबास आर ही गने कछनख्रर अरा धर्मेसी सोग्‍गे नू बड़ियर र'आ गे आनियर।

त‍इरकर 13:50

लिकिन यहूदीर जोक्‍क म‍ईन जॊगे धर्मेसी इल्‍चू नन-यहूदी मुक्‍कारिन अरा नगरे ता मुद्धारिन पौलुस अरा बरनबासी बिड़दो इज्‍जताचर ती आरिन सस्ती नंजर। अरा आरिन तम्‍है चक ती बहरी ओथ्रर चिच्‍चर।

त‍इरकर 16:14

थुअतीरा नगरे ता लुदिया नामे ही बैजनी किचरी बीसू धर्मेसिन महबा ननू आली अदिन मेना लगिया। पौलुसी कत्‍थन मेना गे धर्मेस अदही जिया बलिन तिसगस।

त‍इरकर 17:4

अबड़र ती जोक्‍क आलर पत्ताचर ती पौलुस अरा सीलास गने मेसरर। अरा बग्‍गे धर्मेसी इल्‍चू युनानी आलर अरा बग्‍गे मुध मुक्‍कर हूँ पत्ताचर ती मेसरर।

कोलोस्से 4:11

अरा यूसतोस बारना येसुस हूँ निमा गे मोंजरा नन्दस। धर्मेसी राजी ही नलख नू एंग्‍है गने सुसर ननुर मझी नू ईर लेका यहूदीर हिकनर। ईर एंगा गे जिया सालना चि'अनर।