त‍इरकर 18:5 - पुना गच्छरना NT (BSI)

⁵ मकेदोनिया ती सीलास अरा तीमोथियुस बरचर ख़ने, पौलुस दौ कत्‍था तेंगा गे उर्मी बेड़ा पहाबालियस। अरा यहूदीरिन येसुस दिम मसीस हवे बाचस ती गोवाह चि'आ लगियस।

त‍इरकर 18:5 ပူးပေါင်းရင်းမြစ်များ

लू‍कस 12:50

एंगा सस्‍ती अरा खे'अना ही ओन्‍टा नॊड़रना हो'अना र'ई अरा अदही मन्ना गूटी ऎन खिलपत नू र'अदन।

लू‍कस 16:28

एन्‍देरगेका एंग्‍है पांच भईर र'अनर, लाजरस आरिन तिगाब'ओस। एन्ने अम्‍बन मना का आर हूँ ई कलपारना अड्डा नू बर'ओर।’

यॊहनस 1:41

अन्‍द्रेयस मुन्‍द तंग्‍है भ‍इय्योस सिमॊनस गने भेंट मंजस ती बाचस, “ऎम मसीसिन ख़क्‍खकादम।” (मसीसिन ‘ख़्रिसतोस’ एन्ने हूँ ब'अनर।)

यॊहनस 10:24

तहाँ यहूदीर आसी ओनबेंड़र'आ ख़ॊंड़रर ती मेंजर, “नीन ऎ उल्‍ला गूटी एमन ओदहा नू उइय्योय? नीन मसी हिकदय होले, एमन फरी तेंगा चि'आ।”

यॊहनस 15:27

अरा नीम हूँ एंग्‍है पत्त नू गोवाह चि'अना र'ई, एन्‍देरगेका ऒड़ तिम नीम एंग्‍है गने रहचकादर।

यॊहनस 3:28

‘ऎन ‘मसीस’ मलदन, लिकिन आस गे डहरेन चत्र'आ गे त‍इरका आलन हिकदन’ एन्ने ऎन बाचका रहचकन, अदगे नीम दिम एंगा गे गोवाह र'अदर।

त‍इरकर 10:42

अरा आस एमन पॆसस का ऎम आलारिन तेंगोम अरा गोवाह चि'ओम का धर्मेस आसिन उज्‍जना आलर अरा केचका आलर ही नेंव‍ई ननू कमचकादस।

त‍इरकर 15:22

तहाँ त‍इरकर अरा सेयान आलर कलीसिया ता उर्मिर गने तिगचर का नम्‍है ती जोक्‍क आलारिन चाजोत ती पौलुस अरा बरनबास गने अन्‍तियोख़ेया त‍इय्योत। आर इबड़र हिकनर का बरसब्‍बास बारना यूदस अरा सीलास, ईर पत्त'ऊ आलर नू मुध रहचर।

त‍इरकर 16:1

इदही ख़ॊख़ा पौलुस अरा सीलास देरबॆ नगरे केरर, अरा असन ती लुस‍त्रा नगरे अंड़सियर। असन तीमोथियुस नामे ओन्‍टा पत्त'ऊ आलस रहचस। आसी अयंग यहूदी पत्त'ऊ आली रहचा अरा बंगस युनानी आलस रहचस।

त‍इरकर 16:12

अइय्या ती ऎम फिलिप्‍पी अंड़सकम, आद मकेदोनिया जिला ता मुध नगरे हवे। अरा आद रोमी आलर ही र'अना अड्डा हवे। ऎम आ नगरे नू जोक्‍क उल्‍ला रहचकम।

त‍इरकर 16:9

असन माख़ा पौलुस ओन्‍टा देखार ईरियस। ओर्त मकेदोनिया जिला ता आलस मुन्‍द इज्‍जस ती गोहरारस ती बाचस, “मकेदोनिया बर'अरकी एमन सहाड़ा नना।”

त‍इरकर 17:3

अरा आस अबड़ा ही माने आबोन बुझाब'आ लगियस अरा पुरुब नंजस का मसीस गे दुक्‍खे चॊदना अरा केचका ती उज्‍जा चो'अना दिम रहचा, अरा ऎन निमन ई येसुसी पत्त नू तेंगदन, ईस दिम मसीस हिकदस एन्ने बाचस।

त‍इरकर 18:28

अरा आस यहूदीरिन ओर्मा आलर ही मुन्‍दहारे कोड़हे डिड़ गने कत्‍था बरता नंजस ती येसुस दिम मसीस ब'अरकी नेम्हा पुथी ती पुरब नंजस।

त‍इरकर 2:36

औंगे इस्राऎल ही ओर्मा आलर इदन मानिम गने अख़'आ हो'आ का नीम क्रुस नू ठोकचका ई येसुसिन धर्मेस उर्बस हूँ अरा मसीस हूँ कमचस।”

त‍इरकर 20:21

अरा यहूदी अरा नन-यहूदी आलारिन चेताबचकन का आर जियन किर्त'अना र'ई अरा नम्‍है उर्बस येसु मसीसिन पत्त'अना चांड़ र'ई।

त‍इरकर 20:23

अरा इदिन लेका अख़दन का नेम्‍हा बॊलतस उर्मी नगरे नू एंगन चेताब'अदस का एंगा गे हॆंरना अरा कलपारना गुट्ठी उइरकी र'ई।

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

त‍इरकर 4:20

एन्‍देरगेका ऎम एन्‍दरन ईरकादम अरा मेंजकादम अदही पत्त नू मल तेंगना एम्‍है ती मल मनो।”

त‍इरकर 9:22

लिकिन स‍उलसी पया बड़ियर मन्नुम काला लगिया। अरा सबुती ती येसुस दिम मसी हिकदस एन्ने ब'अरकी दमसकोस ता यहूदी आलर ही ब‍इय्यन खप्‍पा बाचस चिच्‍चस।

2 कोरिन्‍थ 1:19

सीलास अरा तीमोथियुस अरा ऎन निम्‍है मझी नू तिंका धर्मेसी ख़द्दस येसु मसीस, “हाँ” एन्ने बाचका ख़ॊख़ा “मला” एन्ने ब'ऊ मलदस। लिकिन “हाँ” एन्ने ब'अदस होले, आस नू आद सगरो “हाँ” र'ई।

2 कोरिन्‍थ 11:9

अरा ऎन निम्है गने र'अना बारी एंगा गे चाड़ मंजा ख़ने, ऎन अदगे नॆकन हूँ दुक्खे मल चिच्‍कन। एन्देरगेका एंगा एन्देर चाड़ रहचा, अबड़ा उर्मी गे मकेदोनिया ती बरचका भइय्योर दिम चि'अरकी संगरा नंजर। ऎन मुन्द एकासे रहचकन अन्ने बरना उल्ला नू हूँ एंग्है चाड़ गे एका तरती हूँ ऎन निमा गे ओत्था मल मनोन।

2 कोरिन्‍थ 5:14

मसीसी चोन्‍हा गा एमन तंग्है तबे ननी, एन्देरगेका ऎम इदन बुझुरकम का ओर्तोस ओर्मर गे केचकादस, ख़ने ईद एन्ने लेक्खा ईद'ई का, ओर्मर केचकानर।

फिलिप्‍पी 1:23

अक्कु गा ऎन इबड़ा दुयो पत्तारना ही मझी नू छेक्रकादन। ऎन ई उज्जनन अम्बरकी मसीस गने मेर्ख़ा नू र'आ गे बेद्ददन, एकदा एंगा कोड़हे बॆस र'ओ दने।

1 थेस्‍सलोनिकॆयर 3:2

अरा ऎम तीमोथियुसिन निम्‍है हेद्दे तइय्कम। आस एम्‍है भईस अरा मसीसी दौ कत्‍था तेंगना नू धर्मेसी जॊंख़स हिकदस। अरा आस निम्‍है पत्त'अना नू निमन बड़ियर ननोस अरा रिझ्रत'ओस, इदगे ऎम आसिन तइय्कम।

1 थेस्‍सलोनिकॆयर 3:6

लिकिन अक्‍कु तीमोथियुस निम्‍है गुसते एम्‍है गुसन बरचकादस, अरा निम्‍है पत्त'अना अरा चोन्‍हा ही पत्त ता दौ कत्‍थन ओन्‍द्रकादस। अरा आस बाचस का नीम सगरो चोन्‍हा गने एमन सुरत'अदर, अरा एकासे ऎम निमन ऎरा गे खसतारदम अन्ने नीम हूँ एमन खसतारदर।

1 पतरस 5:12

ऎन निमा गे ई चिठिन सीलासी संगरा ती सन्नी रूपे नू लिखचकन ती तइय्दन। आसिन ऎन ओन्टा पत्त'अना जॊगे भई अख़दन। निमन रिझ्रत'आ गे अरा ईदिम धर्मेसी मानिम मया एन्ने गोवाह तेंगा गे ऎन इदन लिखचका र'अदन। औंगे ई मया नू नीम बड़ियर बन्चका र'आ।