त‍इरकर 18:4 - पुना गच्छरना NT (BSI)

⁴ पौलुस उर्मी ख़न्न ऎख़्रना उल्‍ला गोड़हा एड़पा नू यहूदीर अरा युनानी आलर गने कत्‍था बरता ननालियस ती येसुसिन पत्त'आ गे बुझाब'आ गे चिहुट ननालियस।

त‍इरकर 18:4 ပူးပေါင်းရင်းမြစ်များ

लू‍कस 16:31

लिकिन अब्राहमस आसिन बाचस, ‘मूसासी पॆसका अरा धर्मेसी कत्‍था तिंगुर ही पुथी गुट्ठिन मल मेनोर होले, नीक‍इम केचका ती उज्‍जा चो'ओस ती आरिन तेंगोस होले हूँ आसिन मल मेनोर।’”

लू‍कस 4:16

फिन आस नासरेत नू बरचस, एसन आस पॊसरका परदका रहचस। अरा तंग्‍है चाल ही लेक्‍खा यहूदी ख़न्न ऎख़ना उल्‍ला नू यहूदीर ही गोड़हा एड़पा केरस। असन आस धर्मेसी पुथिन पढ़'आ गे इज्‍जस।

यॊहनस 7:35

ख़ने यहूदी मुद्धर ताम तामिम बाचर, “ईस एक्‍सन क'ओस, ख़ने नाम ईसिन बेद्दा पोल्‍लोत? ईस नन्ना राजी गुट्ठी नू युनानीर मझी नू उज्जू नम्‍है आलर गुसन क'ओस ती युनानीरिन सिखाब'ओस का?

त‍इरकर 13:14

पौलुस दरा बरनबास पेरगॆ ती उरखर ती पिसिदिया राजी ही अन्‍तियोख़ेया बरचर। अरा आर ख़न्न ऎख़्रना उल्‍ला नू गोड़हा एड़पा नू केरर ती उक्‍कियर।

त‍इरकर 14:1

अक्‍कु इकोनियोन नगरे नू हूँ पौलुस दरा बरनबास यहूदी गोड़हा एड़पा नू कोरचर अरा एन्ने कत्‍था बाचर का यहूदीर अरा युनानी आलर इरिब जातियर बग्‍गे आलर पत्त'ऊ आल मंजर केरर।

त‍इरकर 17:11

इबड़ा ता यहूदीर थेस्‍सलोनिकॆ नगरे ता यहूदीर ती दौ ओक्‍कना इजना रहचर। अरा अबड़र कोड़हे ओन्‍क'आ ती कत्‍थन इंझ्रर, अरा उर्मी उल्‍ला आर नेम्हा पुथी नू बेद्दा लगियर का इबड़ा कत्‍था एन्नेम र'ई का मला।

त‍इरकर 17:17

औंगे आस गोड़हा एड़पा नू यहूदीर गने अरा धर्मेसी इल्‍चू नन-यहूदीर गने अरा बजार टोंका नू आलर ख़क्‍ख्र'आ लगियर आर ही गने उर्मी उल्‍ला कत्‍था बरता ननालियस।

त‍इरकर 18:13

अरा आर बाचर, “ई आलस धर्मेसी एन्ने महबा नना गे सिखाब'अदस का आद पॆसका ही बिड़दो र'ई।”

त‍इरकर 18:19

आर इफेसुस नगरे अंड़सियर। फिन पौलुस प्रिसका अरा अकुलासिन असानिम अम्‍बियस। अरा तान यहूदीर ही गोड़हा एड़पा नू केरस ती यहूदीर गने कत्‍था बरता ननालियस।

त‍इरकर 19:26

लिकिन नीम ऎरदर अरा मेना लगदर का आ पौलुस गा इफेसुस नू लेका मला लिकिन गोट्टा आसिया नू कोड़हे आलारिन बुझाबाचस ती तंग्‍है आकुस नू नंजस, अरा ब'अदस का ख़ेक्खा गुट्ठी ती कमर‍का देंवता गुट्ठी मानिम धर्मे मल्‍दस।

त‍इरकर 19:8

फिन पौलुस तीन महिना गूटी गोड़हा एड़पा काला लगियस ती धर्मेसी राजी ही प‍त्त नू डिड़गर गने यहूदी आलारिन बुझाब'आ लगियस।

त‍इरकर 26:28

तहाँ अग्रिप्‍पस पौलुसिन बाचस, “एन्ने जुक्‍कीम बेड़ा नू नीन एंगन मसी आल कम'आ ओंगोन एन्ने सोचदय का?”

त‍इरकर 28:23

ख़ने आर पौलुस गे ओन्‍टा उल्‍ला ओकताचर। अउला नगदे आलर पौलुस डेरा नंजका अड्डा नू जुम्मरर। आस पैरी ती पुतबीरी गूटी धर्मेसी राजी ही पत्त नू फरीफरी आर गे तिंगियस। अरा आस मूसासी नॆग ती अरा धर्मेसी कत्‍था तिंगुर ही पुथी ती येसु मसीसी पत्त नू तेंगना ती आर येसुसिन पत्त'आ गे चिहुट नंजस।

त‍इरकर 9:20

आस लॆम गोड़हा एड़पा गुट्ठी नू येसुसी पत्त नू तेंगा हेलरस का, “येसुस धर्मेसी ख़द्दस हिकदस।”

2 कोरिन्‍थ 5:11

औंगे उर्बासिन एल्चना ही मनेन अख़ना ती ऎम आलारिन धर्मेस तरा किर्रा गे रिझ्रत'अदम। ऎम एका लेक्खा आलम एन्ने धर्मेस दौलेम अख़दस। ऎन असरा नन्दन का अन्नेम नीम हूँ इदन अख़दर।