त‍इरकर 18:2 - पुना गच्छरना NT (BSI)

² असन अकुलास नामे ओन्‍टा यहूदी आलासिन ख़क्‍खियस। अकुलासी जनम पोन्‍तोस राजी नू मंजकी रहचा। आस तंग्‍आली प्रिसका गने जोक्‍क उल्‍ला मुन्‍द इताली देस ती बरचका रहचस, एन्‍देरगेका कोहाँ बॆल क्‍लौदियोस जम्मा यहूदीरिन रोम राजी ती किर्रिमबि'आ गे पॆसकाचस। पौलुस आर गने भेंटारस।

त‍इरकर 18:2 ပူးပေါင်းရင်းမြစ်များ

त‍इरकर 11:28

आर ही ती ओर्तोस हगाबोस नामे आलस इज्‍जस अरा नेम्हा बॊलतासी संगरा ती बाचस का सौंसे रोमी राजी नू नगदे अकाल मन्ना र'ई। अरा ई आकाल बॆल क्‍लौदियोसी राजी नन्ना बेड़ा नू मंजा।

त‍इरकर 18:18

पौलुस नगदे उल्‍ला गूटी कोरिन्‍थ नगरे नू रहचस। अदही ख़ॊख़ा आस पत्त'ऊ भई बहिनर ती बिदा मंजस ती तान मोक्‍का किरिया चड्डे केंख़्रेया नगरे नू तंग्‍है कुक्‍कन मुंड़रस ती प्रिसका अरा अकु‍लासी गने कोहाँ डोंगा ती सीरिया राजी केरस।

त‍इरकर 18:26

आस गोड़हा एड़पा नू डिड़गर गने ब'आ हेलरस। अरा अकुलास अरा प्रिसका आसी सिखाब'अनन मेंजर ख़ने, आर आसिन तम्‍है गुसन होच्‍चर, अरा आसिन अउर कोड़हे बॆस धर्मेसी डहरे ही पत्त नू बुझाबाचर।

त‍इरकर 2:9

नम्‍है नू पारथी अरा मॆदी अरा एलामिती अरा मेसोपोतामिया नू र'उर अरा यूदेया अरा कप्‍पदोकिया अरा पोन्‍तोस अरा आसिया

त‍इरकर 27:1

ऎम कोहाँ डोंगा ती इताली देस काना र'ई एन्ने ओट्टा उक्‍किया ख़ने, आर पौलुसिन अरा नन्ना हॆंरकारिन यूलियस नामे रोमी फउद ही सौ सैनर ही मुद्धासी ख़ेक्खा नू सोंपचर।

त‍इरकर 27:6

असन सौ सैनर ही मुद्दस अलेक्‍सन्‍द्रिया नगरे ता ओन्‍टा इताली देस काना कोहाँ डोंगन ख़क्‍खियस ती एमन अइय्या अरगस चिच्‍चस।

1 कोरिन्‍थ 16:19

आसिया जिला ता कलीसिया गुट्ठी निमन मोंजरा नन्नर। अकुलास अरा प्रिसका अरा आर ही एड़पा नू ओक्‍कना कलीसिया निमन उर्बस नू कोड़हे मोंजरा नन्नर।

2 तीमोथियुस 4:19

प्रिसका अरा अकुलास गे अरा ओनेसिफोरुसी एड़पातर गे एंग्‍है मोंजरा।

इब्रानी 13:24

निम्‍है उर्मी कड़हाब'उर गे अरा उर्मी पत्त'ऊ आलर गे एम्‍है मोंजरा आबोन तेंगा। इताली देस ता भईर निमन मोंजरा नन्नर।

1 पतरस 1:1

ऎन पतरस येसु मसीसी तइरकन रॊम चक पोन्‍तोस अरा गलातिया अरा कप्‍पदोकिया अरा आसिया अरा बितुनिया नू छितयारर ती जोक्क उल्ला गे र'उर लेक्खा उज्जू धर्मेस ती चजरका आलर गे ई चिठिन लिखदन।