त‍इरकर 18:12 - पुना गच्छरना NT (BSI)

¹² गल्‍लियॊन अख़ाया देस ता राजी ख़ापुस रहचस, आ बारी जोक्‍क यहूदीर जुम्मरर ती पौलुसी बिड़दो मंजर ती आसिन धरचर अरा आसिन नेंव‍ई नन्ना अड्डा नू ओन्‍द्रर।

त‍इरकर 18:12 ပူးပေါင်းရင်းမြစ်များ

मत्तायोस 27:19

पिलातुस नेंवई नन्‍ना गदिया नू उक्‍काचस ख़ने, तंग्‍आली आसिन बाचा तइय्या, “नीन आ उजगो आलासी पत्त नू ख़ेक्खा अमके नना, एन्‍देरगेका ऎन चेरो माख़ा तुंगुल नू आसी चड्डे नगदे दुक्‍खे सारचकन।”

यॊहनस 19:13

पिलातुस इबड़ा कत्‍थन मेंजस ख़ने, येसुसिन बहरी ओन्‍द्रस ती आस नेंवई नन्‍ना गदिया नू उक्‍कियस। आद पखना ती कमचका चौरा नू रहचा, ई चौरा इब्रानी भखा नू “गब्‍बता” बार'ई।

त‍इरकर 13:12

ई मंजकन ईरियस ती आ राजीख़ापुस पत्ताचस अरा उर्बासी सिखाब'अना ही पत्त नू अकबकरस।

त‍इरकर 13:50

लिकिन यहूदीर जोक्‍क म‍ईन जॊगे धर्मेसी इल्‍चू नन-यहूदी मुक्‍कारिन अरा नगरे ता मुद्धारिन पौलुस अरा बरनबासी बिड़दो इज्‍जताचर ती आरिन सस्ती नंजर। अरा आरिन तम्‍है चक ती बहरी ओथ्रर चिच्‍चर।

त‍इरकर 13:7

आस राजीख़ापुस सेरगियुस पौलुस गने रहचस। आ राजीख़ापुस बुधमान रहचस। आस बरनबास अरा स‍उलसिन मीख़ियस ती आर ती धर्मेसी कत्‍थन मेना बेद्दा लगियस।

त‍इरकर 13:8

लिकिन टोन्‍हा बरयेसुस नॆकन युनानी भखा नू एलुमास नामे रहचा, आस आरिन हींड़चस अरा राजीख़ापुस येसुस नू पत्त'अना ती छेक'आ बेद्दा लगियस।

त‍इरकर 14:19

इदही ख़ॊख़ा जोक्‍क यहूदीर अन्‍तियोख़ेया अरा इकोनियोन नगरे ती बरचर। अरा आर गोंहड़ा आबोन तम्‍है गने भिड़ाबाचर। अरा आर पौलुसिन पखना ती लोड़गर ती लौचर अरा आस केच्‍चस बाचर ती आसिन नगरे ती बहरी घिड्राचर होच्‍चर।

त‍इरकर 14:2

लिकिन एका यहूदीर मल पत्ताचर आर नन-यहूदीरिन तकाबाचर ती पत्त'ऊ आलर ही बिड़दो नू नन्‍ताचर।

त‍इरकर 17:13

लिकिन थेस्‍सलोनिकॆ ता यहूदीर अक्‍खर का पौलुस बेरोया नू हूँ धर्मेसी कत्‍था तेंगदस। ख़ने असन हूँ आर बरचर ती आलारिन तकाब'आ हेलरर अरा हेलहेलम नना हेलरर।

त‍इरकर 17:5

लिकिन यहूदीर इस्गहा मंजर। अरा आर बजार ती जोक्‍क मलदौ आलारिन ख़ॊंड़चर ती गोंहड़ा मंजर ती नगरे नू कलम कलम नना हेलरर। अरा आर यासॊनसी एड़पा नू कोरचर ती पौलुस अरा सीलासिन गोंहड़ा ही मुन्‍दहारे ओन्‍द्र'आ बेद्दा लगियर।

त‍इरकर 18:11

पौलुस आलारिन धर्मेसी कत्‍था सिखाब'अनुम असन डेड़ बछर रहचस।

त‍इरकर 18:27

अक्‍कुन अप्‍पोल्लॊस अख़ाया देस काला बिद्दियस ख़ने, इफेसुस ता पत्त'ऊ भइय्योर आसिन काला गे रिझ्रताचर, अरा आसिन परघ'आ गे अख़ाया ता पत्त'ऊ आलर गे चिठी लिखचर। अप्‍पोल्लॊस अख़ाया अंड़सियस ख़ने, धर्मेसी मया ती पत्त'ऊ मंजका आलर गे कोड़हे सहाड़ा नंजस।

त‍इरकर 19:21

इबड़ा ही मंजका ख़ॊख़ा पौलुस मकेदोनिया दरा अख़ाया कुद्दनुम येरुसलॆम काला गे तंग्‍है बॊलता नू ठंनचस। अरा आस बाचस, “असन अंड़सोन ती ऎन रोम राजिन हूँ ऎरोन दिम।”

त‍इरकर 25:10

ख़ने पौलुस आनाकिर्ताचस, “ऎन कैसरसी नेंव‍ई नन्ना अड्डा ही मुन्‍दहारे इज्‍ज'आ लगदन, एंग्‍है नेंव‍ई इसानिम मन्ना र'ई। नीन बॆस अख़दय का ऎन यहूदीर ही बिड़दो इन्द्रिइम पाप मल नंजकादन।

रोमी 15:26

एन्‍देरगेका मकेदोनिया अरा अख़ाया जिला गुट्ठी ता आलर येरुसलॆम ता धर्मेसी आलर ती कीड़र गे सहाड़ा नना गे रिझ ती तम्‍है बरार चिच्का र'अनर।

रोमी 16:5

आर ही एड़पा ता कलीसिया गे हूँ एंग्‍है मोंजरा। एंग्‍है बॆस संगेस एपैनेतोस गे मोंजरा एकास आसिया राजी नू मसीस गे पहिल पत्त'ऊ आलस रहचस।

1 कोरिन्‍थ 16:15

अना भईरो! नीम स्‍तेफनासी एड़पातारिन अख़दर, आर अख़ाया चक नू मसीसिन इंझ्रका पहिल आलर हिकनर। अरा आर नेम्‍हा आलर ही तेतर सुसर गे तमन चिच्का र'अनर। औंगे ऎन निमन ने'अदन का,

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

2 कोरिन्‍थ 11:10

मसीसी मानिम एंग्है नू र'ई, ईद मानिम दिम हिके। अन्नेम अख़या चक नू र'ऊ नॆ हूँ एंगन ई फुलई मन्ना ती छेक'आ पोल्लोर, ईद हूँ मानिम हिके।

2 कोरिन्‍थ 11:26

खनिम खनिम ऎन डहरे इक्‍कन। ऎन ख़ाड़ गुट्ठी ही अपलोक नू रहचकन। एंगा गे बच्चुर ती हूँ अपलोक बरचा, अरा यहूदीर ती हूँ अपलोक बरचा, अरा नन-यहूदीर ती हूँ अपलोक बरचा, अरा नगरे नू हूँ अपलोक बरचा, अरा टोड़ंग नू हूँ अपलोक बरचा, अरा समुदर नू हूँ अपलोक बरचा, अरा कसरहा भईर ती हूँ अपलोक बरचा।

2 कोरिन्‍थ 9:2

एन्‍देरगेका संगरा नन्ना ही निमा अंगिय'अना आबोन ऎन अक्कन। मकेदोनिया नू र'उर ती एन्ने बाचकन ती फुलई मंजकन का, अख़ाया चक नू र'ऊ नीम पत्त'उर इतिंगाली ही दिम संगरा नना गे सपड़ारका र'अदर। निम्‍है ई अंगिय'अना आर ही ती कोड़हे आलारिन संगरा नना गे रिझाबाचा।

1 थेस्‍सलोनिकॆयर 2:14

भईरो, यूदेया जिला नू मसी येसुस नू र'ऊ अबड़ा धर्मेसी कलीसिया गुट्ठी लेक्‍खा नीम हूँ उज्‍जालिक्‍कर। एकासे आर यहूदीर ती खिलपत मंजर अन्ने नीम हूँ निम्‍है राजी ता आलर ती खिलपत मंजकर।

1 थेस्‍सलोनिकॆयर 2:16

अरा अबड़र नन-यहूदीरिन नाड़र'आ गे सिखाब'अना ती एमन छेकनर का सगरो आर ही पाप ही कट्टु नींदी। छेद्द नू आर ही मइय्याँ धर्मेसी कोड़हे खींस अंड़सकी र'ई।

याकॊब 2:6

लिकिन नीम गा कीड़ारिन हींड़दर। एन्‍देर उरुबर निम्‍है मइय्याँ आकुस मल नन्नर, अरा आरिम निमन पंचायत नू नतगनर मल हो'अनर का?