त‍इरकर 17:5 - पुना गच्छरना NT (BSI)

⁵ लिकिन यहूदीर इस्गहा मंजर। अरा आर बजार ती जोक्‍क मलदौ आलारिन ख़ॊंड़चर ती गोंहड़ा मंजर ती नगरे नू कलम कलम नना हेलरर। अरा आर यासॊनसी एड़पा नू कोरचर ती पौलुस अरा सीलासिन गोंहड़ा ही मुन्‍दहारे ओन्‍द्र'आ बेद्दा लगियर।

त‍इरकर 17:5 ပူးပေါင်းရင်းမြစ်များ

मत्तायोस 27:18

एन्‍देरगेका आस अक्‍खस का आर येसुसिन इस्गहा ती आस गे सों‍पचका रहचर।

त‍इरकर 13:45

एन्ने कोहाँ गोंहड़न ईरियर ती यहूदीर कुटमुटर'आ हेलरर अरा पौलुसी निं‍दा नंजर ती आसी कत्‍था ही बिड़दो नू आनानखर'आ हेलरर।

त‍इरकर 14:19

इदही ख़ॊख़ा जोक्‍क यहूदीर अन्‍तियोख़ेया अरा इकोनियोन नगरे ती बरचर। अरा आर गोंहड़ा आबोन तम्‍है गने भिड़ाबाचर। अरा आर पौलुसिन पखना ती लोड़गर ती लौचर अरा आस केच्‍चस बाचर ती आसिन नगरे ती बहरी घिड्राचर होच्‍चर।

त‍इरकर 14:2

लिकिन एका यहूदीर मल पत्ताचर आर नन-यहूदीरिन तकाबाचर ती पत्त'ऊ आलर ही बिड़दो नू नन्‍ताचर।

त‍इरकर 17:13

लिकिन थेस्‍सलोनिकॆ ता यहूदीर अक्‍खर का पौलुस बेरोया नू हूँ धर्मेसी कत्‍था तेंगदस। ख़ने असन हूँ आर बरचर ती आलारिन तकाब'आ हेलरर अरा हेलहेलम नना हेलरर।

त‍इरकर 17:6

लिकिन आरिन असन मल ख़क्‍खियर ती यासॊन अरा जोक्‍क पत्त'ऊ भइय्योरिन नगरे ता अक्‍स'उर हेद्दे नतगियर ओन्‍द्रर। अरा चिच्चि‍यारनुम बाचर, “ईर गोट्टा राजिन हेलहेलम नंजकानर, इबड़र इसन हूँ बरचकानर।

त‍इरकर 17:7

यासॊन ईरिन तंग्है गुसन उइय्‍का र'अदस। इबड़र जम्मर कैसरसी पॆसका ही बिड़दो नू नन्नर अरा ब'अनर का अउर ओन्टा बॆलस येसुस र'अदस।”

त‍इरकर 17:9

औंगे आर यासॊन अरा अबड़ा पत्त'ऊ भइय्योरिन अम्‍बना ही ढिबा होच्‍चर ती अम्‍बियर चिच्‍चर।

त‍इरकर 18:12

गल्‍लियॊन अख़ाया देस ता राजी ख़ापुस रहचस, आ बारी जोक्‍क यहूदीर जुम्मरर ती पौलुसी बिड़दो मंजर ती आसिन धरचर अरा आसिन नेंव‍ई नन्ना अड्डा नू ओन्‍द्रर।

त‍इरकर 19:40

एन्‍देरगेका इन्ना ता हुलहुली चड्डे नम्‍है म‍इय्याँ रोमी राजी चलाब'उर ती बदी मना उंगी। एन्‍देरगेका नाम ई हुलहुली ही एन्‍देर चड्डे हूँ तेंगा पोल्‍लोत।”

त‍इरकर 7:9

अरा याकॊबसी तंग्‍दाबगर इस्गहा ती तंग्ड़िस यॊसॆफसिन मिसर देस नू बीसियर चिच्‍चर। लिकिन धर्मेस आसी गने रहचस,

रोमी 16:21

एंग्‍है गने तेतर-सुसर ननू तीमोथियुस अरा एंग्‍है जातियर लूकियोस अरा यासॊन अरा सॊसीपत्रोस निमन मोंजरा नन्नर। (

1 कोरिन्‍थ 3:3

एन्‍देरगेका नीम अक्‍कु गूटी निम्‍है कया सुबहा ही तबे नू र'अदर। अरा अक्‍कु गूटी निम्‍है नू इस्‍गहा अरा नग्‍गानख्रना मनी, ख़ने नीम कया सुबहा ही आलर दिम हिकदर। नीम ख़ॆख़ेल ता आलर लेक्‍खा दिम उज्‍जदर।

2 कोरिन्‍थ 11:26

खनिम खनिम ऎन डहरे इक्‍कन। ऎन ख़ाड़ गुट्ठी ही अपलोक नू रहचकन। एंगा गे बच्चुर ती हूँ अपलोक बरचा, अरा यहूदीर ती हूँ अपलोक बरचा, अरा नन-यहूदीर ती हूँ अपलोक बरचा, अरा नगरे नू हूँ अपलोक बरचा, अरा टोड़ंग नू हूँ अपलोक बरचा, अरा समुदर नू हूँ अपलोक बरचा, अरा कसरहा भईर ती हूँ अपलोक बरचा।

गलातिया 5:21

डाहना, उंखना, धधारना इबड़ा ही अउर हूँ नलख र'ई। इबड़ा ही पत्त नू ऎन निमन तिगा ब'अदन, एकासे ऎन मुन्‍द तिंका चिच्‍चकादन का इबड़ा नलख ननुर धर्मेसी राजी ही आसीस आबोन मल ख़क्‍खोर।

गलातिया 5:26

नाम फुल‍ई अम्‍बोत मना, अरा ओर्त ओर्त नू अम्‍बोत अम्‍बर नख्र'आ, अरा ओर्त ओर्त नू कैर कुचर अम्‍बोत मंज नख्र'आ।

1 थेस्‍सलोनिकॆयर 1:6

अक्‍कु नीम गा कोहाँ सस्ती नू हूँ नेम्‍हा बॊलतासी रिझ गने कत्‍थन इं‍झ्रकर ती एम्‍है अरा उर्बस लेक्‍खा ऎका हेलरकर।

याकॊब 4:5

“नम्है नू ओक्कर'आ गे धर्मेस नमा गे चिच्का नेम्हा बॊलतस, नाम आसी आलर र'आ गे दिम कोड़हे पत्तारदस,” एन्ने नेम्हा पुथी नू अनभनियाँ ती लिख्रकी र'ई एन्ने नीम अमा सोच'आ।