त‍इरकर 17:4 - पुना गच्छरना NT (BSI)

⁴ अबड़र ती जोक्‍क आलर पत्ताचर ती पौलुस अरा सीलास गने मेसरर। अरा बग्‍गे धर्मेसी इल्‍चू युनानी आलर अरा बग्‍गे मुध मुक्‍कर हूँ पत्ताचर ती मेसरर।

त‍इरकर 17:4 ပူးပေါင်းရင်းမြစ်များ

यॊहनस 7:35

ख़ने यहूदी मुद्धर ताम तामिम बाचर, “ईस एक्‍सन क'ओस, ख़ने नाम ईसिन बेद्दा पोल्‍लोत? ईस नन्ना राजी गुट्ठी नू युनानीर मझी नू उज्जू नम्‍है आलर गुसन क'ओस ती युनानीरिन सिखाब'ओस का?

त‍इरकर 13:43

सभा मुंज्रा अदही ख़ॊख़ा नगदे बग्‍गे यहूदीर अरा यहूदी धरम नू बरचका नन-यहूदीर पौलुस अरा बरनबास गने चॊंख़्रर। पौलुस अरा बरनबास आर ही गने कछनख्रर अरा धर्मेसी सोग्‍गे नू बड़ियर र'आ गे आनियर।

त‍इरकर 13:50

लिकिन यहूदीर जोक्‍क म‍ईन जॊगे धर्मेसी इल्‍चू नन-यहूदी मुक्‍कारिन अरा नगरे ता मुद्धारिन पौलुस अरा बरनबासी बिड़दो इज्‍जताचर ती आरिन सस्ती नंजर। अरा आरिन तम्‍है चक ती बहरी ओथ्रर चिच्‍चर।

त‍इरकर 14:1

अक्‍कु इकोनियोन नगरे नू हूँ पौलुस दरा बरनबास यहूदी गोड़हा एड़पा नू कोरचर अरा एन्ने कत्‍था बाचर का यहूदीर अरा युनानी आलर इरिब जातियर बग्‍गे आलर पत्त'ऊ आल मंजर केरर।

त‍इरकर 14:4

लिकिन नगरे ता आलर ख़ट्टरर केरर। जोक्‍क आलर यहूदीर तरा मंजर केरर अरा जोक्‍क आलर त‍इरकर तरा मंजर केरर।

त‍इरकर 15:22

तहाँ त‍इरकर अरा सेयान आलर कलीसिया ता उर्मिर गने तिगचर का नम्‍है ती जोक्‍क आलारिन चाजोत ती पौलुस अरा बरनबास गने अन्‍तियोख़ेया त‍इय्योत। आर इबड़र हिकनर का बरसब्‍बास बारना यूदस अरा सीलास, ईर पत्त'ऊ आलर नू मुध रहचर।

त‍इरकर 15:27

ऎम यूदस अरा सीलासिन हूँ निम्‍है गुसन त‍इय्दम। आर इबड़ा कत्‍थन निमन तम्‍है ब‍ई ती तेंगोर।

त‍इरकर 15:32

यूदस अरा सीलास हूँ गा धर्मेसी कत्‍था तिंगुर रहचर। आर भइय्योरिन कोड़हे कत्‍था बाचर ती जिया सालना चिच्‍चर अरा आरिन बड़ियर नंजर।

त‍इरकर 15:40

लिकिन पौलुस सीलासिन चज्‍जियस, अरा भइय्योर ती उर्बासी सोग्‍गे नू सोंपरस ती असलेक किर्रिम बिच्‍चियस।

त‍इरकर 16:3

पौलुस तीमोथियुसिन तंग्‍है गने संगे मना गे मने नंजस। लिकिन आ चक नू र'ऊ उर्मी यहूदी आलर अख़नर का आसी बंगस युनानी रहचस। औंगे पौलुस आसिन होच्‍चस ती खतना नन्‍ताचस।

त‍इरकर 17:10

पत्त'ऊ भइय्योर लॆम पौलुस दरा सीलासिन माख़ेच माख़ा बेरोया नगरे त‍इय्यर चिच्‍चर। अरा आर असन अंड़सियर ती यहूदीर ही गोड़हा एड़पा नू केरर।

त‍इरकर 17:12

औंगे अबड़र ती बग्‍गे आलर पत्ताचर, अरा बग्‍गे युनानी मुध मुक्‍कर अरा मॆतर हूँ पत्ताचर।

त‍इरकर 17:14

तहाँ पत्त'ऊ भइय्योर लॆम समुदर मन्नुम काला गे पौलुसिन बिदा नंजर। लिकिन सीलास अरा तीमोथियुस असानिम रहचर।

त‍इरकर 17:17

औंगे आस गोड़हा एड़पा नू यहूदीर गने अरा धर्मेसी इल्‍चू नन-यहूदीर गने अरा बजार टोंका नू आलर ख़क्‍ख्र'आ लगियर आर ही गने उर्मी उल्‍ला कत्‍था बरता ननालियस।

त‍इरकर 17:34

लिकिन जोक्‍क आलर आसी गने मेसरर अरा पत्ताचर। आर ती अरेयोपगोस सभा ता आलस दियोनुसियोस रहचस, अरा दामारी नामे ओन्‍टा मुक्‍का रहचा, अरा आर ही गने अउर हूँ आलर रहचर।

त‍इरकर 18:4

पौलुस उर्मी ख़न्न ऎख़्रना उल्‍ला गोड़हा एड़पा नू यहूदीर अरा युनानी आलर गने कत्‍था बरता ननालियस ती येसुसिन पत्त'आ गे बुझाब'आ गे चिहुट ननालियस।

त‍इरकर 19:10

दुई बछर गूटी एन्नेम मना लगिया। औंगे आसिया देस ता ओर्मा आलर यहूदी अरा नन-यहूदी आलर उर्बासी कत्‍थन मेंजर।

त‍इरकर 2:44

अरा उर्मी पत्त'ऊ आलर ओन संगे र'आलियर, अरा आर ही एन्‍द्रा रहचा अबड़ा ओर्मर ही सजहा रहचा।

त‍इरकर 21:28

अरा चिच्चियारर, “अना इस्राऎल आलारो, एमा सहाड़ा नना! ईस आ आलस दिम, एकास नम्‍है आलारिन अरा मूसासी नॆग ही अरा ई अड्डा ही बिड़दो नू उर्मी आलारिन अरा उर्मी अड्डा नू सिखाब'अदस, अरा नन-यहूदी आलारिन हूँ आस धर्मेसी मन्दिर नू ओन्‍द्रस ती ई नेम्‍हा अड्डन सोतबोड़'आ नंजका र'अदस।”

त‍इरकर 28:24

ख़ने पौलुस बाचका कत्‍थन जोक्‍क आलर गा पत्ताचर, लिकिन नन्नर मल पत्ताचर।

त‍इरकर 4:23

जेहेल ती अम्‍बका ख़ॊख़ा पतरस अरा यॊहनस तम्‍है आलर गुसन केरर, अरा मुध नैगर अरा मुद्धर आरिन एन्‍देर बाचका रहचर अदिन उर्मिन तिंगियर।

2 कोरिन्‍थ 8:5

आर एकासे ऎम असरा नंजकम अदिन ती कोड़हे नंजर का, आर मुन्द तमन उर्बस गे सोंपचर अरा ख़ॊख़ा धर्मेसी मने लेक्खा एमा गे तमन सोंपचर।