त‍इरकर 17:3 - पुना गच्छरना NT (BSI)

³ अरा आस अबड़ा ही माने आबोन बुझाब'आ लगियस अरा पुरुब नंजस का मसीस गे दुक्‍खे चॊदना अरा केचका ती उज्‍जा चो'अना दिम रहचा, अरा ऎन निमन ई येसुसी पत्त नू तेंगदन, ईस दिम मसीस हिकदस एन्ने बाचस।

त‍इरकर 17:3 ပူးပေါင်းရင်းမြစ်များ

लू‍कस 24:32

आर ताम तामिम ब'आ हेलरर, “एकाबारी आस नम्‍है गने डहरे नू कछनख्र'आ लगियस अरा नेम्हा पुथी ती बुझुरत'आ लगियस ख़ने नम्‍है जिया नू एन्‍देर धुकधुकी मल मंजा?”

लू‍कस 24:44

तहाँ आस आरिन बाचस, “एका कत्‍थन ऎन निम्‍है गने र'अना बेड़ा निमन तिंकन, एन्‍देर एंग्‍है पत्त नू मूसासी पॆसका नू अरा धर्मेसी कत्‍था तिंगुर अरा अस्सना-पाड़ना डंडी पुथी नू लिख्रकी र'ई अबड़ा उर्मी कत्‍था मन्ना चाड़ र'ई।”

लू‍कस 24:46

अरा आरिन बाचस, “नेम्हा पुथी नू लिख्रकी र'ई का मसीस दुक्‍खे चॊद'ओस अरा तिसर उल्‍ला केचका ती उज्‍जा चो'ओस।

यॊहनस 20:9

एन्‍देरगेका “येसुस केचका ती उज्‍जा चो'अना दिम र'ई” एन्ने नेम्‍हा पुथी नू लिख्रका कत्थन आर अक्‍कु गूटी मल बुझ्रका रहचर।

त‍इरकर 1:4

ओंग्‍होल येसुस आर गने मंडी ओनो बारी आरिन पॆसस का, “नीम येरुसलॆम नगरेन अमके अम्‍बा, लिकिन बंगासी गच्‍छरका ही पाब ऎरा, एकदा ही पत्त नू ऎन निमन मुन्‍द तिंकन।

त‍इरकर 18:28

अरा आस यहूदीरिन ओर्मा आलर ही मुन्‍दहारे कोड़हे डिड़ गने कत्‍था बरता नंजस ती येसुस दिम मसीस ब'अरकी नेम्हा पुथी ती पुरब नंजस।

त‍इरकर 18:5

मकेदोनिया ती सीलास अरा तीमोथियुस बरचर ख़ने, पौलुस दौ कत्‍था तेंगा गे उर्मी बेड़ा पहाबालियस। अरा यहूदीरिन येसुस दिम मसीस हवे बाचस ती गोवाह चि'आ लगियस।

त‍इरकर 3:18

लिकिन धर्मेस मुन्‍द तिम तंग्‍है कत्‍था तिंगुर ती ‘मसीस गे दुक्खे चॊदना र'ई’ एन्ने बाचका लेक्‍खा अदिन पूरा नंजस।

त‍इरकर 9:22

लिकिन स‍उलसी पया बड़ियर मन्नुम काला लगिया। अरा सबुती ती येसुस दिम मसी हिकदस एन्ने ब'अरकी दमसकोस ता यहूदी आलर ही ब‍इय्यन खप्‍पा बाचस चिच्‍चस।

गलातिया 3:1

अना बोया गलातिया ता आलारो! नॆ निमन नस्‍सा? येसु मसीसिन क्रुस नू ठोकचर अदिन निम्‍है ख़न्न ही मुन्‍दहारे ऎदका रहचा।