त‍इरकर 17:18 - पुना गच्छरना NT (BSI)

¹⁸ अरा एपिकूरी अरा स्‍तोईकी धरम ता जोक्‍क सिखाब'उर आसी गने कत्‍था बरता मना हेलरर। अरा जोक्‍कोर बाचर, “ई पोरपोरोस एन्‍देर ब'आ बेद्ददस?” अरा नन्नर बाचर, “ईस गा नन्ना देंवता गुट्ठी ही कत्‍था तिंगुस लगदस।” एन्‍देरगेका पौलुस येसुसी अरा आसी उज्‍जा चो'अना ही पत्त नू तेंगा लगियस।

त‍इरकर 17:18 ပူးပေါင်းရင်းမြစ်များ

मरकुस 9:14

इकला येसुस अरा आसी तिनियों चेलर आसी नन्ना चेलर गुसन किर्रिम बिच्‍चियर, ख़ने आर ईरियर का आर ही ओनबेंड़र'आ कोहाँ गोंहड़ा ख़ूँड़रकी र'ई, अरा जोक्को नॆग सिखाब'उर आर ही गने आनानखर'आ लगियर।

लू‍कस 11:53

येसुस इबड़ा कत्‍था गुट्ठिन आनियस ती उरखस ख़ने, नॆग सिखाब'उर अरा फरिसीर बग्गे कत्‍था ही पत्त नू कत्‍था बरता नन्ना ती बयसन नना हेलरर,

त‍इरकर 26:23

मसीस दुक्‍खे भोग'ओस अरा केचका मधेर ती उर्मी ती मुन्‍द उज्‍जा चो'ओस ती यहूदीरिन अरा नन-यहूदीरिन हूँ धर्मेसी बिल्‍लीन ओन्‍द्र'ओस।”

त‍इरकर 4:2

आर कैरारका रहचर, एन्‍देरगेका पतरस ‍अरा यॊहनस आलारिन सिखाब'आ लगियर का येसुस केचका ती उज्जा चॊचका र'अदस। औंगे आर‍ सोच्चर का आलर ताम हूँ केचका ती उज्जा चो'आ ओंग'ओम एन्ने पत्त'आ ओंगोर दने।

त‍इरकर 5:42

उर्मी उल्‍ला आर धर्मेसी मन्दिर चाली नू अरा एड़पा एड़पा नू काला लगियर ती सिखाब'आ लगियर अरा तेंगा लगियर का येसुस दिम मसीस हिकदस।

त‍इरकर 6:9

तहाँ बिट्ठी नन्ना ती अम्‍बरका आलर ही गोड़हा एड़पा ता जोक्‍कोर स्‍तेफनोसी बिड़दो नू चॊचर ती आनानख्र'आ हेलरर। आर कुरॆनॆ अरा अलेक्‍सन्‍द्रिया अरा किलिकिया अरा आसिया ता यहूदी आलर रहचर।

रोमी 1:22

आर तमन लूरगर ब'अनर लिकिन आर बोया हिकनर।

1 कोरिन्‍थ 3:18

नीकईम तमन अम्‍बोर ठक'आ। निम्‍है मदहेर ती नीकईम तंगन ख़ॆख़ेल ही ऎरना नू लूरगर सोचदस होले, आस बोया मन्ना र'ई। होले दिम आस धर्मेसी ऎरना नू लूरगर मना ओंग्‍दस।

1 कोरिन्‍थ 4:10

ऎम मसीसी चड्डे बोया हिकदम, लिकिन नीम गा मसीस नू लुरगर सोचदर। ऎम लेड़पोंयहा हिकदम, लिकिन नीम गा सवंगिय सोचदर। नीम मईन ख़क्‍खू सोचदर, लिकिन ऎम गा हींड़तारदम।

कोलोस्से 2:8

चिहुंक र'आ का नीकईम निमन अनभनियाँ अरा ठगना तत्व लूर ती अम्‍बोर फफड़'आ हो'आ, एकदा पुरखौती अरा ख़ॆख़ेल ता बॊलता गुट्ठी ही सवंग ता सिखाब'अना लेक्‍खा गा र'ई, लिकिन मसीसी लेक्‍खा मलकी।