त‍इरकर 17:14 - पुना गच्छरना NT (BSI)

¹⁴ तहाँ पत्त'ऊ भइय्योर लॆम समुदर मन्नुम काला गे पौलुसिन बिदा नंजर। लिकिन सीलास अरा तीमोथियुस असानिम रहचर।

त‍इरकर 17:14 ပူးပေါင်းရင်းမြစ်များ

मत्तायोस 10:23

निमन ओन्‍टा पद्दा नू खिलपत नन्नर होले नन्ना पद्दा बोंके कालके। ऎन निमन मानिमन ब'अदन, ऎन मनवा ख़द्दासी बरना गूटी इस्राऎल राजी नू दौ कत्‍था तेंगा कुद्दना मल मुंज्रकी र'ओ।

त‍इरकर 1:15

अबड़ा उल्‍ला नू उन्दुल मलागूटी ओन सौ बीस आलर ख़ॊंड़रका रहचर, पतरस आर ही मझी नू इज्‍जस ती बाचस,

त‍इरकर 15:22

तहाँ त‍इरकर अरा सेयान आलर कलीसिया ता उर्मिर गने तिगचर का नम्‍है ती जोक्‍क आलारिन चाजोत ती पौलुस अरा बरनबास गने अन्‍तियोख़ेया त‍इय्योत। आर इबड़र हिकनर का बरसब्‍बास बारना यूदस अरा सीलास, ईर पत्त'ऊ आलर नू मुध रहचर।

त‍इरकर 16:1

इदही ख़ॊख़ा पौलुस अरा सीलास देरबॆ नगरे केरर, अरा असन ती लुस‍त्रा नगरे अंड़सियर। असन तीमोथियुस नामे ओन्‍टा पत्त'ऊ आलस रहचस। आसी अयंग यहूदी पत्त'ऊ आली रहचा अरा बंगस युनानी आलस रहचस।

त‍इरकर 17:10

पत्त'ऊ भइय्योर लॆम पौलुस दरा सीलासिन माख़ेच माख़ा बेरोया नगरे त‍इय्यर चिच्‍चर। अरा आर असन अंड़सियर ती यहूदीर ही गोड़हा एड़पा नू केरर।

त‍इरकर 17:15

पौलुसिन अंड़सताचर उइय्यर आर अथॆने नगरे गूटी केरर ती किर्रियर बरचर। अरा आर किर्रो बारी पौलुस ती सीलास अरा तीमोथियुस गे पॆसका ख़क्‍खियर ती बरचर का एवंदा चाँड़हे मनो अन्नेम बर'ओर।

त‍इरकर 17:4

अबड़र ती जोक्‍क आलर पत्ताचर ती पौलुस अरा सीलास गने मेसरर। अरा बग्‍गे धर्मेसी इल्‍चू युनानी आलर अरा बग्‍गे मुध मुक्‍कर हूँ पत्ताचर ती मेसरर।

त‍इरकर 17:6

लिकिन आरिन असन मल ख़क्‍खियर ती यासॊन अरा जोक्‍क पत्त'ऊ भइय्योरिन नगरे ता अक्‍स'उर हेद्दे नतगियर ओन्‍द्रर। अरा चिच्चि‍यारनुम बाचर, “ईर गोट्टा राजिन हेलहेलम नंजकानर, इबड़र इसन हूँ बरचकानर।

त‍इरकर 18:5

मकेदोनिया ती सीलास अरा तीमोथियुस बरचर ख़ने, पौलुस दौ कत्‍था तेंगा गे उर्मी बेड़ा पहाबालियस। अरा यहूदीरिन येसुस दिम मसीस हवे बाचस ती गोवाह चि'आ लगियस।

त‍इरकर 19:22

आस तंग्‍है ती मुन्‍द तंग्‍है सहाड़ा ननुर ती ऎंड़ आलारिन तीमोथियुस अरा एरस्‍तुसिन मकेदोनिया त‍इय्यस। लिकिन तान जोक्‍क उल्‍ला गूटी आसिया नू रहचस।

त‍इरकर 20:3

असन तीन महिना पहाबाचस ती समुदर डहरे मन्नुम आस सीरिया राजी कालू रहचस। आ बारी आस गे खभर मंजा का यहूदी आलर आसिन पिटा गे चिताबुता कम'आ लगनर। ख़ने आस मकेदोनिया मन्नुम किर्रा गे तिगचस।

त‍इरकर 9:25

लिकिन जोक्‍क चेलर आसिन माख़ा होच्‍चर ती आसिन कोहाँ ढक्‍की नू ओकताचर ती आसिन नगरे ही मेच्‍छा कोहाँ पगड़ ही भोंका ती किय्या एत्ताचर चिच्‍चर।

त‍इरकर 9:30

पत्त'ऊ भईर इदन अक्‍खर ख़ने, आर स‍उलसिन कैसरेया होच्‍चर ती तरसोस नगरे त‍इय्यर।

1 तीमोथियुस 1:3

ऎन मकेदोनिया जिला कालो बारी निंगन आनकाचकन, अन्नेम नीन इफेसुस नगरे नू ओकर'आ। अइय्या जोक्‍क आलर बिड़दो सिखाब'आलनर, आरिन अक्‍कु ती एन्ने अमा सिखाब‍आ गे आना।

तीतुस 1:5

ई चड्‍डे ऎन निंगन क्रॆतॆ व्दीप नू अम्‍बकाचकन का बछ्रका नलख गुट्ठिन नीन सरि'ओय। अरा एंग्‍है आनका लेक्‍खा नगरे नगरे नू सेयान आलारिन उइय्योय।