त‍इरकर 17:13 - पुना गच्छरना NT (BSI)

¹³ लिकिन थेस्‍सलोनिकॆ ता यहूदीर अक्‍खर का पौलुस बेरोया नू हूँ धर्मेसी कत्‍था तेंगदस। ख़ने असन हूँ आर बरचर ती आलारिन तकाब'आ हेलरर अरा हेलहेलम नना हेलरर।

त‍इरकर 17:13 ပူးပေါင်းရင်းမြစ်များ

मत्तायोस 23:13

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम आलर ही मुन्‍दहारे मेर्ख़ा बलिन मुच्‍चदर। नीमिम हूँ कोरदर मला अरा कुर'उरिन हूँ कोर'आ मल चि'अदर। [

लू‍कस 12:51

नीम एन्‍देर सोचदर, ऎन ख़ॆख़ेल नू सान्ति चि'आ गे बरचकन का? ऎन निमन ब'अदन, ऎन एंगन पत्त'ऊ आलर अरा मल पत्त'ऊ आलारिन भिने नना गे बरचकादन।

त‍इरकर 14:2

लिकिन एका यहूदीर मल पत्ताचर आर नन-यहूदीरिन तकाबाचर ती पत्त'ऊ आलर ही बिड़दो नू नन्‍ताचर।

त‍इरकर 17:1

फिन पौलुस अरा सीलास अम्‍फिपोलिस अरा अपोल्‍लॊनिया नगरे मन्नुम थेस्‍सलोनिकॆ नू बरचर। असन यहूदीर ही ओन्‍टा गोड़हा एड़पा रहचा।

त‍इरकर 17:10

पत्त'ऊ भइय्योर लॆम पौलुस दरा सीलासिन माख़ेच माख़ा बेरोया नगरे त‍इय्यर चिच्‍चर। अरा आर असन अंड़सियर ती यहूदीर ही गोड़हा एड़पा नू केरर।

त‍इरकर 17:5

लिकिन यहूदीर इस्गहा मंजर। अरा आर बजार ती जोक्‍क मलदौ आलारिन ख़ॊंड़चर ती गोंहड़ा मंजर ती नगरे नू कलम कलम नना हेलरर। अरा आर यासॊनसी एड़पा नू कोरचर ती पौलुस अरा सीलासिन गोंहड़ा ही मुन्‍दहारे ओन्‍द्र'आ बेद्दा लगियर।

त‍इरकर 20:4

बेरोया नगरे ता पुर्रोसी तंग्‍दस सॊपत्रोस, अरा थेस्‍सलोनिकॆ नगरे ता अरिस्‍तरख़ोस अरा सेकुन्‍दोस अरा देरबै नगरे ता गायोस अरा तीमोथियुस अरा आसिया ता तुख़िखोस अरा त्रुफिमोस आसी गने केरर।

त‍इरकर 21:27

इकला सात उल्‍ला पूरना रहचा ख़ने, आसिया ता जोक्‍क यहूदी आलर पौलुसिन धर्मेसी मन्दिर नू ईरियर ती उर्मी गोंहड़न ततकाचर ती आसिन धरचर।

त‍इरकर 6:12

अरा आर आलारिन अरा सेयान आलारिन अरा नॆग सिखाब'उरिन स्‍तेफनोसी बिड़दो नू तोतकाचर। फिन आर स्‍तेफनोसिन धरचर ती कोहाँ सभा नू होच्‍चर।

2 कोरिन्‍थ 11:26

खनिम खनिम ऎन डहरे इक्‍कन। ऎन ख़ाड़ गुट्ठी ही अपलोक नू रहचकन। एंगा गे बच्चुर ती हूँ अपलोक बरचा, अरा यहूदीर ती हूँ अपलोक बरचा, अरा नन-यहूदीर ती हूँ अपलोक बरचा, अरा नगरे नू हूँ अपलोक बरचा, अरा टोड़ंग नू हूँ अपलोक बरचा, अरा समुदर नू हूँ अपलोक बरचा, अरा कसरहा भईर ती हूँ अपलोक बरचा।