त‍इरकर 16:16 - पुना गच्छरना NT (BSI)

¹⁶ उन्‍दुल ऎम गोहरारना अड्डा काला लिक्‍कम ख़ने, एमा ओन्‍टा बिट्ठी ननू जॊंख़ पेल्‍लो भेंट मंजा। अदही म‍इय्याँ सगड़ी ऎरना ही ओन्‍टा बॊलता रहचा, अरा आद सगड़ी ऎरना ती तंग्‍है उर्बर गे नगदेम बग्‍गे ‍ढिबा अर्ज'आ लगिया।

त‍इरकर 16:16 ပူးပေါင်းရင်းမြစ်များ

त‍इरकर 16:13

ख़न्न ऎख़्रना उल्‍ला ऎम नगरे ही फाटक ती बहरी ख़ाड़ ही पिंडी नू गोहरारना अड्डा र'ई बाचकम ती केरकम। अरा ऎम असन उक्‍कम ती असन ख़ॊंड़रका जोक्‍क मुक्‍कर गने कछनख्र'आ हेलरकम।

त‍इरकर 16:18

आद नगदे उल्‍ला गूटी एन्नेम नना लगिया। लिकिन पौलुस गोसा मंजस अरा किर्रे ईरियस ती आ बॊलतन बाचस, “ऎन निंगन येसु मसीसी सवंग ती आनदन, इदही म‍इय्याँ ती उरखय कलय।” अरा आ बॊलता आ बारिम आद ती उरखा केरा।

त‍इरकर 16:19

तहाँ आ बिट्ठी ननू जॊंख़ पेल्‍लो ही उर्बर इदन ईरियर ती अक्‍खर का तम्‍है अर्ज'अना ही असरा मुंज्रा केरा। ख़ने आर पौलुस अरा सीलासिन धरचर ती बजार नू नगरे ही अक्‍स'उर गुसन नतगियर ओन्‍द्रर।

त‍इरकर 19:24

एकासे का दॆमॆत्रियोस नामे सोनारस अरतेमिस देवी ही मन्‍दिर लेक्‍खा चांदी ही मुर्ती कमत'आ लगियस ती बढ़ाई आलर गे नगदे नलख चि'आ लगियस।

गलातिया 5:20

मूर्तिन ओहमा नन्‍ना, नस'ऊ, कसरहा, नग्‍गानख्रना, इस्‍गहा, कैर, लोभिया, छिंडना, धरम नू छिंडना,

1 तीमोथियुस 6:10

एन्‍देरगेका ढिबा ही चिबाख़ारना तिम उर्मी मदहे ही मलदौ गुट्ठी उरखी। जोक्‍क आलर बग्‍गे ढिबा ख़क्‍खना ही तिहा-तोरा नन्नुम आर पत्त'अना डहरे ती एबस्रनर ती कैनो मदहे ही दुक्‍खे गुट्ठी ती ताम तमानिम दुक्‍खे सारत'अनर।

2 तीमोथियुस 3:8

एकासे यन्नेस अरा यम्‍ब्रेस मूसासी बिड़दो नंजकाचर, अन्नेम इबड़ा आलर हों मसीसी पत्त ता मानिम कत्‍था ही बिड़दो नन्नर। ईर बेड़ारका बुधी ही आलर हिकनर अरा ईर तम्‍है पत्त'अनन नठाब'अनर।

2 पतरस 2:3

अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।