त‍इरकर 16:1 - पुना गच्छरना NT (BSI)

¹ इदही ख़ॊख़ा पौलुस अरा सीलास देरबॆ नगरे केरर, अरा असन ती लुस‍त्रा नगरे अंड़सियर। असन तीमोथियुस नामे ओन्‍टा पत्त'ऊ आलस रहचस। आसी अयंग यहूदी पत्त'ऊ आली रहचा अरा बंगस युनानी आलस रहचस।

त‍इरकर 16:1 ပူးပေါင်းရင်းမြစ်များ

त‍इरकर 14:1

अक्‍कु इकोनियोन नगरे नू हूँ पौलुस दरा बरनबास यहूदी गोड़हा एड़पा नू कोरचर अरा एन्ने कत्‍था बाचर का यहूदीर अरा युनानी आलर इरिब जातियर बग्‍गे आलर पत्त'ऊ आल मंजर केरर।

त‍इरकर 14:21

पौलुस अरा बरनबास देरबॆ नगरे नू दौ कत्‍था तिंगियर अरा बग्‍गे आलर पत्त'ऊ मंजर केरर। इदही ख़ॊख़ा आर लुसत्रा अरा इकोनियोन अरा अन्‍तियोख़ेया किर्रियर।

त‍इरकर 14:6

पौलुस अरा बरनबास इदिन अक्‍खर ख़ने, आर लुकाओनिया अरा लुसत्रा अरा देरबॆ नगरे अरा अबड़ा ही अड्डे-बेड्डे ता अड्डा गुट्ठी नू बोंगर केरर।

त‍इरकर 17:14

तहाँ पत्त'ऊ भइय्योर लॆम समुदर मन्नुम काला गे पौलुसिन बिदा नंजर। लिकिन सीलास अरा तीमोथियुस असानिम रहचर।

त‍इरकर 18:5

मकेदोनिया ती सीलास अरा तीमोथियुस बरचर ख़ने, पौलुस दौ कत्‍था तेंगा गे उर्मी बेड़ा पहाबालियस। अरा यहूदीरिन येसुस दिम मसीस हवे बाचस ती गोवाह चि'आ लगियस।

त‍इरकर 19:22

आस तंग्‍है ती मुन्‍द तंग्‍है सहाड़ा ननुर ती ऎंड़ आलारिन तीमोथियुस अरा एरस्‍तुसिन मकेदोनिया त‍इय्यस। लिकिन तान जोक्‍क उल्‍ला गूटी आसिया नू रहचस।

रोमी 16:21

एंग्‍है गने तेतर-सुसर ननू तीमोथियुस अरा एंग्‍है जातियर लूकियोस अरा यासॊन अरा सॊसीपत्रोस निमन मोंजरा नन्नर। (

1 कोरिन्‍थ 16:10

तीमोथियुस निम्‍है गुसन बर'ओस होले, आस निम्‍है मझी नू र'ओ बारी बिगर एल्‍चका ती र'आ गे तिहा ननके। एन्‍देरगेका आस एंग्‍है लेक्‍खम उर्बासी नलख नन्‍दस।

1 कोरिन्‍थ 4:17

ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

1 कोरिन्‍थ 7:14

एन्‍देरगेका मल पत्त'ऊ मॆतस तंग्‍है मुक्‍का चड्डे धर्मेसी मया ही तबे नू बरदस, अरा एन्ने मल पत्त'ऊ मुक्‍का तंग्‍है मॆतस चड्डे धर्मेसी मया ही तबे नू बर'ई। मला होले निम्‍है ख़द्द-ख़र्रर धर्मेसी मया ही गेच्छा र'ओर दने, लिकिन अक्‍कु गा आर नेम्‍हा र'अनर।

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

2 कोरिन्‍थ 1:19

सीलास अरा तीमोथियुस अरा ऎन निम्‍है मझी नू तिंका धर्मेसी ख़द्दस येसु मसीस, “हाँ” एन्ने बाचका ख़ॊख़ा “मला” एन्ने ब'ऊ मलदस। लिकिन “हाँ” एन्ने ब'अदस होले, आस नू आद सगरो “हाँ” र'ई।

फिलिप्‍पी 1:1

मसी येसुसी जॊंख़म पौलुस अरा तीमोथियुस फिलिप्‍पी नगरे नू मसी येसुसी र'अना उर्मी नेम्‍हा आलर‍ गे अरा आर ही गने कलीसिया ही ईरु-ख़ूजू मुद्धर गे अरा कलीसिया ही ईरू-ख़ूजुर गे ई चिठिन लिखदम।

फिलिप्‍पी 2:19

चाँड़हेम ऎन निम्‍है गुसन तीमोथियुसिन तइय्योन एन्ने उर्बा येसुस नू असरा नन्दन। होले ऎन आस ती निम्‍है हलन मेनोन ती रिझ्र'ओन।

कोलोस्से 1:1

धर्मेसी मने ती मसी येसुसी तइरकन पौलुस अरा नम्है भईस तीमोथियुस

1 थेस्‍सलोनिकॆयर 1:1

ई चिठी ऎन पौलुस अरा सीलास अरा तीमोथियुस तरती थेस्‍सलोनिकॆ नगरे ता कलीसिया गे र'ई। धर्मे बंगस अरा उर्बस येसु मसीस नू निमा मया अरा कोड़े मनन नेक‍अन।

1 थेस्‍सलोनिकॆयर 3:2

अरा ऎम तीमोथियुसिन निम्‍है हेद्दे तइय्कम। आस एम्‍है भईस अरा मसीसी दौ कत्‍था तेंगना नू धर्मेसी जॊंख़स हिकदस। अरा आस निम्‍है पत्त'अना नू निमन बड़ियर ननोस अरा रिझ्रत'ओस, इदगे ऎम आसिन तइय्कम।

1 थेस्‍सलोनिकॆयर 3:6

लिकिन अक्‍कु तीमोथियुस निम्‍है गुसते एम्‍है गुसन बरचकादस, अरा निम्‍है पत्त'अना अरा चोन्‍हा ही पत्त ता दौ कत्‍थन ओन्‍द्रकादस। अरा आस बाचस का नीम सगरो चोन्‍हा गने एमन सुरत'अदर, अरा एकासे ऎम निमन ऎरा गे खसतारदम अन्ने नीम हूँ एमन खसतारदर।

2 थेस्‍सलोनिकॆयर 1:1

ई चिठी ऎन पौलुस अरा सीलास‍ अरा तीमोथियुस तरती नम्है धर्मे बंगस अरा उर्बस येसु मसीस नू र'ऊ थेस्‍सलोनीकॆ कलीसिया गे र'ई।

1 तीमोथियुस 1:18

अना तीमोथियुस एंग्‍है ख़द्द, मुन्‍द निंग्‍है पत्त नू तिंका धर्मेसी कत्‍था लेक्‍खा ऎन निंगन तिगाब'अदन। नीन इदिन सुरता नना अरा इदिन पॆस्र'आ ती बॆस लगे नना, एकासे बॆस सैनस तंग्‍है लड़ाइन लड़दस।

1 तीमोथियुस 1:2

पत्त'अना नू एंग्‍है मानिम ख़द्दस तीमोथियुस गे इदिन लिखदन। धर्मे बंगस, अरा नम्‍है उर्बा मसी येसुस तरती निंगा मया अरा सोग्‍गे अरा कोड़े ख़क्‍खर‍'अन नेक‍अन।

2 तीमोथियुस 1:2

एंग्‍है चोन्‍हा ख़द्दस तीमोथियुस गे लिखदन। धर्मे बबस अरा नम्‍है उर्बस मसी येसुस ती निंगा मया अरा सोग्‍गे अरा कोड़े ख़क्‍खर‍'ई नेक‍अन।

2 तीमोथियुस 1:5

अरा ऎन निंग्‍है मानिम पत्त'अनन सोचदन, एकदा मुन्‍द निंग अज्‍जी लॊइस, अरा निंग्यो युनीके नू रहचा। आ पत्त'अना निंग्‍है नू हों र'ई।

2 तीमोथियुस 3:11

अन्‍तियोख़ेया अरा इकोनियोन अरा लुसत्रा नगरे नू एंग्‍है म‍इय्याँ ऎ बग्‍गे दुक्‍खे अरा सतारना मंजकिचा, अबड़ा उर्मी दुक्‍खेन ऎन एकासे सारचकन अदन नीन अख़दय। लिकिन इबड़ा उर्मी ती उर्बस एंगन बछाबाचस।

फिलॆमॊन 1:1

मसी येसुसी पत्त ता दौ कत्था तेंगना ही चड्डे जेहेल नू हॆंरका पौलुस ऎन, अरा नम्है भईस तीमोथियुस ई चिठिन नम्है दुलार अरा नम्है गने सुसर नलख नू र'ऊ फिलॆमॊनस गे लिखदम।

इब्रानी 13:23

नीम इदन अख़'आ हो'आ का नम्‍है भ‍ई तीमोथियुस जेहेल ती अमब्रकादस। आस चाड़हे अंड़सोस होले, आसी गने निम्‍है गुसन भेंट मना गे बर'ओन।