त‍इरकर 15:5 - पुना गच्छरना NT (BSI)

⁵ लिकिन फरिसीर ही खोंड़हा ता जोक्‍क पत्त'ऊ आलर इज्‍जर ती बाचर, “नन-यहूदी पत्त'ऊ आलर खतना नन्ना दिम र'ई अरा मूसासी पॆसकन पॆस्रना र'ई।”

त‍इरकर 15:5 ပူးပေါင်းရင်းမြစ်များ

मत्तायोस 3:7

यॊहनस बग्‍गे फरिसीर अरा सदुकीरिन नॊड़र'आ गे तंग्‍हा हेद्दे बरनन ईरीयस ती आरिन बाचस, “अना बिक्‍ख नेर्रे बेसे आलारो, पाप नन्नन बिगर अम्‍बका ‍ती धर्मेसी बरना दंडे ती बोंगा गे निमन निक‍ईम चेता बाचर का?

त‍इरकर 15:1

जोक्‍क आलर यूदेया राजी ती सीरिया राजी ता अन्‍तियोख़ेया बरचर ती नन-यहूदी पत्त'उरिन एन्ने सिखाब'आ लगियर, “मूसासी सिखाबाचका नॆग ही लेक्‍खा निम्‍है खतना मल मनो होले नीम नाड़र'आ पोल्‍लोर।”

त‍इरकर 15:24

ऎम मेंजकादम का एम्‍है ती जोक्‍क भ‍इ‍य्योर निम्‍है हेद्दे बरचर ती तम्‍है कत्था ती निमन अकबकाम बाचर अरा निमन हदियाचर। लिकिन आर गे ऎम एन्ने एन्‍देर पॆसका हूँ मल चिच्का रहचकम।

त‍इरकर 21:20

अबड़र इदिन मेंजर ती धर्मेसी महबा नंजर। फेन आस ती बाचर, “अना भ‍ई, नीन ऎरदय का यहूदी आलर ती कैयो हजार आलर पत्ताचका र'अनर। आर ओर्मर मूसासी नॆग नू मूलख़का र'अनर।

त‍इरकर 24:14

ऎन निंग्‍है मुन्‍दहारे ई कत्‍थन मन्‍दन का, एका डहरेन ऎन मन्‍दन ती ऎकदन आ डहरेन आर ठौका मल्ला ब'अनर। ऎन एंग्‍है पूरखर ही धर्मेसिन ऒड़ नन्‍दन, अरा एकदा एकदा मूसासी नॆग अरा धर्मेसी कत्‍था तिंगुर ही पुथी नू लिख्रकी र'ई, अबड़ा उर्मिन ऎन पत्त'अदन।

त‍इरकर 24:5

एम्‍है अख़ना ती ई आलस गा हींड़'ऊ आलस हवे, अरा ख़ॆख़ेल ता ओर्मा यहूदीर नू लड़ाई नन्‍त'ऊ आलस हवे, अरा नासरेत ता ओर्तोसी धरम खोंड़हा ही मुद्ध आलस हवे।

त‍इरकर 28:22

लिकिन निंग्‍है ब'अना एन्‍देर र'ई अदिनिम ऎम मेना बेद्ददम। एन्‍देरगेका ऎम अख़दम का उर्मी अड्डा ता आलर ई धरम खोंड़हा ही बिड़दो नू कछनख्रनर।”

त‍इरकर 5:17

तहाँ कोहाँ नैगस अरा आसी गने रहचका संगेर सदुकी आलर कैर ती भरमारर केरर।

1 कोरिन्‍थ 7:18

नीकईम तान पत्त'ऊ मंजका ही मुन्‍द खतना मंजका आलस रहचस होले, आस खतना मल मंजका लेक्‍खा मना गे चिहुट मल नन्ना र'ई। अरा नेक‍ईम पत्त'ऊ मंजका ही मुन्‍द खतना मल मंजका आलस रहचस होले, आस खतना मन्ना ही चाड़ मल्‍ला।

गलातिया 2:11

पतरस अन्‍तियोख़ेया बरचस ख़ने ऎन आसी छम्‍हा छम्‍हें आस गने आनानख्रकन। एन्‍देरगेका आस नू गुन्‍हा रहचा।

गलातिया 2:14

ऎन ईरकन का आर ही उज्‍जना ओक्‍कना दौ कत्‍था ही मानिम ती बिड़दो र'ई। ख़ने ऎन ओर्मर ही मुन्‍दहारे पतरसिन बाचकन, “नीन यहूदीर नू कुन्‍द्रकादय, यहूदीर ही लेक्‍खा मला, लिकिन नन-यहूदीर ही लेक्‍खा उज्‍जदय। होले नीन नन-यहूदीरिन यहूदीर ही नॆग आबोन धर'आ गे एकासे ब'आ ओंग्दय?