त‍इरकर 15:41 - पुना गच्छरना NT (BSI)

⁴¹ अरा आस सीरिया दरा किलिकिया मन्नुम कलीसिया गुट्ठिन बड़ियर नंजस ती केरस।

त‍इरकर 15:41 ပူးပေါင်းရင်းမြစ်များ

मत्तायोस 4:24

येसुसी पत्त ता कत्‍था गोट्टा सीरिया राजी नू बीड़्रा। आलर मिरगी, लकवा दरा कैनो मदहे बेमार ती लिंड्रका रोगियारिन अरा नाद धरचका आलारिन येसुस गुसन ओन्‍द्र'आ लगियर। अरा आस आरिन उजग'आ लगियस।

त‍इरकर 15:23

अरा आर ही ख़ेक्खा नू ई चिठिन त‍इय्यर: “अन्‍तियोख़ेया अरा सीरिया अरा किलिकिया ता नन-यहूदी पत्त'ऊ भइय्योर गे ऎम त‍इरकर अरा सेयान आलर अरा येरुसलॆम ता पत्त'ऊ भइय्योर ही मोंजरा।

त‍इरकर 15:32

यूदस अरा सीलास हूँ गा धर्मेसी कत्‍था तिंगुर रहचर। आर भइय्योरिन कोड़हे कत्‍था बाचर ती जिया सालना चिच्‍चर अरा आरिन बड़ियर नंजर।

त‍इरकर 18:18

पौलुस नगदे उल्‍ला गूटी कोरिन्‍थ नगरे नू रहचस। अदही ख़ॊख़ा आस पत्त'ऊ भई बहिनर ती बिदा मंजस ती तान मोक्‍का किरिया चड्डे केंख़्रेया नगरे नू तंग्‍है कुक्‍कन मुंड़रस ती प्रिसका अरा अकु‍लासी गने कोहाँ डोंगा ती सीरिया राजी केरस।

त‍इरकर 21:3

एकाबारी कुप्रोस टापू ऎथ्रा ख़ने, अदिन ऎम डेब्‍बा अम्‍बकम ती सीरिया राजी केरकम ती तुरोस नू इत्तकम, एन्‍देरगेका असन कोहाँ डोंगा ही माल एत्त'अना रहचा।

त‍इरकर 6:9

तहाँ बिट्ठी नन्ना ती अम्‍बरका आलर ही गोड़हा एड़पा ता जोक्‍कोर स्‍तेफनोसी बिड़दो नू चॊचर ती आनानख्र'आ हेलरर। आर कुरॆनॆ अरा अलेक्‍सन्‍द्रिया अरा किलिकिया अरा आसिया ता यहूदी आलर रहचर।

गलातिया 1:21

इदही ख़ॊख़ा ऎन सीरिया अरा किलिकिया ही चकभार गुट्ठी नू केरकन।