त‍इरकर 15:4 - पुना गच्छरना NT (BSI)

⁴ आर येरुसलॆम अंड़सियर ख़ने, कलीसिया अरा त‍इरकर अरा सेयान आलर आरिन परघाचर। अरा आर धर्मेस आर ही ती एन्‍देर एन्‍देर नलख नंजस अबड़ा उर्मिन तिंगियर।

त‍इरकर 15:4 ပူးပေါင်းရင်းမြစ်များ

मत्तायोस 10:40

एकास निमन इंझ्रदस आस एंगन इंझ्रदस अरा एंगन इंझ्र'उस एंग्‍है त‍इय्युस एंग्‍है बंगासिन इंझ्रदस।

त‍इरकर 11:30

आर अन्नेम नंजर ती इनाम आबोन बरनबास अरा स‍उलसी ख़ेक्खा नू चिच्‍चर। आर अदिन येरुसलॆम ता सेयान आलर गुसन ओन्‍द्रर चिच्‍चर।

त‍इरकर 14:27

असन आर अंड़सियर ती कलीसियन ख़ॊंड़चर ती तिंगियर का धर्मेस आर ही ती एन्‍देर एन्‍देर नलख नंजकाचस, अरा नन-यहूदीर हूँ पत्त'आ गे एकासे बलिन तिसगस चिच्‍चस।

त‍इरकर 15:12

तहाँ ओर्मा खोंड़हा कलेकसे मंजा अरा पौलुसी अरा बरनबासी कत्‍थन मेंजा का धर्मेस आर ही ती एन्‍देर एन्‍देर चिन्‍हा दरा अजगुत नलख गुट्ठी नन-यहूदीर मझी नू नंजस।

त‍इरकर 15:2

इदही पत्त नू पौलुस दरा बरनबास अरा अबड़ा आलर गने कोड़हे आनानख्रना मंजा। औंगे कलीसिया पौलुस अरा बरनबास अरा अन्‍तियोख़ेया ता जोक्‍क पत्त'उरिन येरुसलॆम त‍इय्या गे तिगचर का असन आर ई पत्त नू त‍इरकर अरा सेयान आलर गने कछनख्र'ओर।

त‍इरकर 15:22

तहाँ त‍इरकर अरा सेयान आलर कलीसिया ता उर्मिर गने तिगचर का नम्‍है ती जोक्‍क आलारिन चाजोत ती पौलुस अरा बरनबास गने अन्‍तियोख़ेया त‍इय्योत। आर इबड़र हिकनर का बरसब्‍बास बारना यूदस अरा सीलास, ईर पत्त'ऊ आलर नू मुध रहचर।

त‍इरकर 15:3

अन्‍तियोख़ेया कलीसिया आरिन त‍इय्या। आर फोइनिकॆ दरा समारिया मन्नुम केरर ती असता उर्मी पत्त'उर गने तिंगियर का एकासे नन-यहूदीर धर्मेसिन इंझ्रर। अरा ई कत्‍था ओर्मा पत्त'उरिन नगदे रिझ्रताचा।

त‍इरकर 15:6

औंगे त‍इरकर अरा सेयान आलर ई पत्त नू कछनख्र'आ गे ख़ॊंड़रर।

त‍इरकर 16:4

आर नगरे नगरे कालरकी येरुसलॆम नू त‍इरकर अरा सेयान आलर तिगा बाचका कत्‍थन पॆस्र'आ गे पत्त'ऊ आलारिन तेंगा लगियर।

त‍इरकर 18:27

अक्‍कुन अप्‍पोल्लॊस अख़ाया देस काला बिद्दियस ख़ने, इफेसुस ता पत्त'ऊ भइय्योर आसिन काला गे रिझ्रताचर, अरा आसिन परघ'आ गे अख़ाया ता पत्त'ऊ आलर गे चिठी लिखचर। अप्‍पोल्लॊस अख़ाया अंड़सियस ख़ने, धर्मेसी मया ती पत्त'ऊ मंजका आलर गे कोड़हे सहाड़ा नंजस।

त‍इरकर 21:17

एकाबारी ऎम येरुसलॆम अंड़सकम ख़ने, अइय्या ता पत्त'ऊ भइय्योर एंगन कोड़हे रिझ गने परघाचर।

त‍इरकर 21:19

ख़ने आस आरिन मोंजरा नंजस ती एन्‍देर एन्‍देर नलख धर्मेस आसी दौ कत्‍था तेंगना नलख ती नन-यहूदी आलर नू नंजका रहचस, ओन्‍टा ओन्‍टा उर्मिन तिंगियस।

रोमी 15:18

एन्‍देर ऎन बाचकन अरा एन्‍देर ऎन नंजकन, इत्रु ती नन-यहूदीर धर्मेसिन मन'आ गे मसीस एंग्‍है ती नंजका कत्‍थन अम्‍बरकी एंगा एकअम कत्‍था ही पत्त नू ब'अना ही डिढ मल मनो।

रोमी 15:7

औंगे एकासे मसीस निमन इंझ्रकादस अन्नेम नीम अपन ती नन्नारिन इंझ्र'आ। इत्रु ती धर्मेसी म‍ईन मनो।

1 कोरिन्‍थ 15:10

अन्नु हूँ ऎन तइरकन र'अदन होले, आद धर्मेसी मया ती र'अदन। अरा आसी मया एकदा एंग्हा म‍इय्याँ र'ई, आद एन्‍द्रा हूँ अयंध'आ मल मंजा। अबड़ा ओर्मा त‍इरकर ती ऎन कोड़हे तिहा नंजकन। लिकिन ऎन एंग्है ती मला, एंग्‍है नू नलख ननी आ धर्मेसी मया तिम ऎन अदन नन्दन।

2 कोरिन्‍थ 5:19

ईद एन्ने हिके का धर्मेस ख़ॆख़ेल ता ओर्मा आल जातियर ही अक्‍का-बलका गुट्ठिन मल गन'अरकी आरिन मसीस नू तंग्‍है गने मेसाबाचस ती ई मेसाब'अना ही कत्थन एमा सोंपचकादस।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

कोलोस्से 4:10

अरिस्‍तरख़ोस नॆ एंग्‍है गने जेहेल नू हॆंरकादस, आस निमा गे मोंजरा नन्दस। अरा मरकुस नॆ बरनबासी अंड़सका भई मन्दस, आस निमा गे मोंजरा नन्दस। मरकुसी पत्त नू नीम मुन्द दिम पॆसका ख़क्‍खका रहचकर, आस निम्है गुसन बर'ओस होले, नीम आसिन परघ'अके।

2 यॊहन 1:10

एकअम ओर्तस निम्है गुसन बर'ओस ती मसीसी ई सिखाब'अना ती नन्ना कत्थन सिखाब'अदस होले, आसिन निम्है एड़पा नू अमा परघ'आ अरा आसिन मोंजरा हूँ अमा नना।