त‍इरकर 15:11 - पुना गच्छरना NT (BSI)

¹¹ लिकिन नाम पत्त'अदत का नाम अरा आर हूँ उर्बा येसुसी सोग्‍गे ती नाड़र'ओत।”

त‍इरकर 15:11 ပူးပေါင်းရင်းမြစ်များ

रोमी 3:24

लिकिन अक्‍कु मसी येसुस ती बरचका नाड़रना ती धर्मेसी मया ती सिथियम आर उजगो मन्नर कानर।

रोमी 5:15

लिकिन आदमसी अक्‍का-बलका गने धर्मेसी मया ही इनाम जोक्‍खा मल्ला। ओर्त आलासी अक्‍का-बलका ही चड्डे कोड़हे आलर केच्‍चर। लिकिन धर्मेसी मया कोड़हे कोहाँ र'ई, धर्मेसी मया ही इनाम उज्‍जना आबोन ओर्त आलस येसु मसीसी मया ती कोड़हे आलर ख़क्‍खियर।

रोमी 6:23

एन्‍देरगेका पाप ही बनी गा खे'अना र'ई, लिकिन धर्मेसी मया ही इनाम उर्बा मसी येसुस नू जनमजुग उज्‍जना र'ई।

1 कोरिन्‍थ 16:23

उर्बा येसुसी मया निम्‍है गने र'अन नेकअन।

2 कोरिन्‍थ 13:14

उर्बस येसु मसीसी मया अरा धर्मेसी चोन्हा अरा नेम्‍हा बॊलतासी मेस्रका नीम ओर्मर गने र'अन नेकअन।

2 कोरिन्‍थ 8:9

नीम गा नम्है उर्बस येसु मसीसी मया आबोन अख़दर का, आस उरुब रहचका ती हूँ निम्‍है चड्डे कीड़ा मंजस, ईगेका नीम आसी कीड़ा मन्ना ती उरुब मना ओंगोर।

गलातिया 1:6

धर्मेस मसीसी मया ती निमन मीख़ियस। एंगा हैकट मंजा का एन्ने चाँड़हे नीम आसिन अम्‍बकर ती नीम नन्‍ना रकम ही दौ कत्‍थन मेंजकर ती किर्रा लगदर।

गलातिया 2:16

अन्नु हूँ नाम अख़दत, आलर नॆग ही नलख ती मला, लिकिन येसु मसीसिन पत्त'ओर ती उजगो आल मनोर। इदगे नाम मसी येसुस नू पत्ताचकादत, एकत्रु नाम नॆग ही नलख ती मला, लिकिन येसु मसीस नू पत्त'अना ती उजगो आल मनोत, एन्‍देरगेका नॆग ही नलख ती नॆ हूँ उजगो मना पोल्‍लोर।”

तीतुस 2:11

एन्‍देरगेका धर्मेसी मया उर्मी अड्डा ता ओर्मा आलर गे नाड़रनन ओन्‍द्रा।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।