त‍इरकर 15:1 - पुना गच्छरना NT (BSI)

¹ जोक्‍क आलर यूदेया राजी ती सीरिया राजी ता अन्‍तियोख़ेया बरचर ती नन-यहूदी पत्त'उरिन एन्ने सिखाब'आ लगियर, “मूसासी सिखाबाचका नॆग ही लेक्‍खा निम्‍है खतना मल मनो होले नीम नाड़र'आ पोल्‍लोर।”

त‍इरकर 15:1 ပူးပေါင်းရင်းမြစ်များ

यॊहनस 7:22

मूसस निमन खतना नना गे पॆसका चिच्का ती नीम ख़न्न ऎख़्रना उल्‍ला नू हूँ ख़द्दासिन खतना नन्‍दर। लिकिन मानिम नू खतना ही पॆसकन मूसस मल चिच्‍चस, ईद पुरखा बंगर ती बर'आ लगी।

त‍इरकर 1:15

अबड़ा उल्‍ला नू उन्दुल मलागूटी ओन सौ बीस आलर ख़ॊंड़रका रहचर, पतरस आर ही मझी नू इज्‍जस ती बाचस,

त‍इरकर 15:22

तहाँ त‍इरकर अरा सेयान आलर कलीसिया ता उर्मिर गने तिगचर का नम्‍है ती जोक्‍क आलारिन चाजोत ती पौलुस अरा बरनबास गने अन्‍तियोख़ेया त‍इय्योत। आर इबड़र हिकनर का बरसब्‍बास बारना यूदस अरा सीलास, ईर पत्त'ऊ आलर नू मुध रहचर।

त‍इरकर 15:23

अरा आर ही ख़ेक्खा नू ई चिठिन त‍इय्यर: “अन्‍तियोख़ेया अरा सीरिया अरा किलिकिया ता नन-यहूदी पत्त'ऊ भइय्योर गे ऎम त‍इरकर अरा सेयान आलर अरा येरुसलॆम ता पत्त'ऊ भइय्योर ही मोंजरा।

त‍इरकर 15:24

ऎम मेंजकादम का एम्‍है ती जोक्‍क भ‍इ‍य्योर निम्‍है हेद्दे बरचर ती तम्‍है कत्था ती निमन अकबकाम बाचर अरा निमन हदियाचर। लिकिन आर गे ऎम एन्ने एन्‍देर पॆसका हूँ मल चिच्का रहचकम।

त‍इरकर 15:3

अन्‍तियोख़ेया कलीसिया आरिन त‍इय्या। आर फोइनिकॆ दरा समारिया मन्नुम केरर ती असता उर्मी पत्त'उर गने तिंगियर का एकासे नन-यहूदीर धर्मेसिन इंझ्रर। अरा ई कत्‍था ओर्मा पत्त'उरिन नगदे रिझ्रताचा।

त‍इरकर 15:32

यूदस अरा सीलास हूँ गा धर्मेसी कत्‍था तिंगुर रहचर। आर भइय्योरिन कोड़हे कत्‍था बाचर ती जिया सालना चिच्‍चर अरा आरिन बड़ियर नंजर।

त‍इरकर 15:5

लिकिन फरिसीर ही खोंड़हा ता जोक्‍क पत्त'ऊ आलर इज्‍जर ती बाचर, “नन-यहूदी पत्त'ऊ आलर खतना नन्ना दिम र'ई अरा मूसासी पॆसकन पॆस्रना र'ई।”

त‍इरकर 21:20

अबड़र इदिन मेंजर ती धर्मेसी महबा नंजर। फेन आस ती बाचर, “अना भ‍ई, नीन ऎरदय का यहूदी आलर ती कैयो हजार आलर पत्ताचका र'अनर। आर ओर्मर मूसासी नॆग नू मूलख़का र'अनर।

त‍इरकर 6:14

अरा ऎम गा ईसी एन्ने ब'अनन मेंजकम का नासरेत ता येसुस ई अड्डन नठाब'ओस अरा मूसस नमा चिच्का चाल गुट्ठिन बदल'ओस चि'ओस।”

गलातिया 2:1

इदही चौदा बछर ख़ॊख़ा अउरिम ऎन बरनबास गने येरुसलॆम केरकन, अरा तीतुसिन हूँ संगे होच्‍चकन।

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

गलातिया 6:12

नॆ बहरी तरा तमन दौ आलर ऎद'आ बेद्दनर, आरिम निमन खतना नना गे अरबनर। आर इदगे लेका एन्ने नन्नर का आर मसीसी क्रुस ही पत्त नू तेंगना चड्डे अम्‍बोर सतार'आ।

कोलोस्से 2:16

औंगे नीम एन्द्रन ओन्दर मॊख़दर, अरा नीम मल मन्ना परब मलता पुना चन्दो मलता ख़न्न ऎख़ना उल्‍ला गुट्ठी ही पत्त नू नॆ हूँ निमन बदी नना गे मोका अमा चि'आ।

कोलोस्से 2:8

चिहुंक र'आ का नीकईम निमन अनभनियाँ अरा ठगना तत्व लूर ती अम्‍बोर फफड़'आ हो'आ, एकदा पुरखौती अरा ख़ॆख़ेल ता बॊलता गुट्ठी ही सवंग ता सिखाब'अना लेक्‍खा गा र'ई, लिकिन मसीसी लेक्‍खा मलकी।