त‍इरकर 14:8 - पुना गच्छरना NT (BSI)

⁸ लुसत्रा नगरे नू ओन्‍टा एन्ने आलस उक्‍का रहचस। आसी ख़ेड्डे नू पैया मल रहचा। आस कुन्‍द्रका तिम लेंगड़ा रहचस अरा आस इकला हूँ ऎका पोलकाचस।

त‍इरकर 14:8 ပူးပေါင်းရင်းမြစ်များ

यॊहनस 5:7

रोगे आलस बाचस, “उर्बायो, अम्मु नुक्र'ओ ख़ने, एंगन पोखारी नू एत्त'आ गे नॆ हूँ मल्‍कर। एंग्‍है अंड़सना ती मुन्‍द दिम नन्‍नर एत्तनर कानर।”

त‍इरकर 14:21

पौलुस अरा बरनबास देरबॆ नगरे नू दौ कत्‍था तिंगियर अरा बग्‍गे आलर पत्त'ऊ मंजर केरर। इदही ख़ॊख़ा आर लुसत्रा अरा इकोनियोन अरा अन्‍तियोख़ेया किर्रियर।

त‍इरकर 14:6

पौलुस अरा बरनबास इदिन अक्‍खर ख़ने, आर लुकाओनिया अरा लुसत्रा अरा देरबॆ नगरे अरा अबड़ा ही अड्डे-बेड्डे ता अड्डा गुट्ठी नू बोंगर केरर।

त‍इरकर 16:1

इदही ख़ॊख़ा पौलुस अरा सीलास देरबॆ नगरे केरर, अरा असन ती लुस‍त्रा नगरे अंड़सियर। असन तीमोथियुस नामे ओन्‍टा पत्त'ऊ आलस रहचस। आसी अयंग यहूदी पत्त'ऊ आली रहचा अरा बंगस युनानी आलस रहचस।

त‍इरकर 3:2

अरा आलर ओर्त आलासिन चेड़'अरकी बर'आलियर। आस कुन्‍द्रका तिम लेंगड़ा रहचस। आर आसिन उर्मी उल्‍ला ओन्‍द्र'आ लगियर ती सुन्‍दर बारना धर्मेसी मन्दिर ही बखड़े बली गुसन ओक्‍त'आ लगियर का आस मन्‍दिर कालू आलर गुसते तेम्‍बोस।

त‍इरकर 4:9

ऎम ओन्‍टा लेंगड़ा आलस म‍इय्याँ दौ नंजकादम, अदही पत्त नू इन्ना एम्‍है ती मेन्‍तार'आ लगी का? अरा ईस एकासे कोड़े मंजस केरस अदिन नीम अख़'आ बेद्ददर का?

2 तीमोथियुस 3:11

अन्‍तियोख़ेया अरा इकोनियोन अरा लुसत्रा नगरे नू एंग्‍है म‍इय्याँ ऎ बग्‍गे दुक्‍खे अरा सतारना मंजकिचा, अबड़ा उर्मी दुक्‍खेन ऎन एकासे सारचकन अदन नीन अख़दय। लिकिन इबड़ा उर्मी ती उर्बस एंगन बछाबाचस।