त‍इरकर 14:6 - पुना गच्छरना NT (BSI)

⁶ पौलुस अरा बरनबास इदिन अक्‍खर ख़ने, आर लुकाओनिया अरा लुसत्रा अरा देरबॆ नगरे अरा अबड़ा ही अड्डे-बेड्डे ता अड्डा गुट्ठी नू बोंगर केरर।

त‍इरकर 14:6 ပူးပေါင်းရင်းမြစ်များ

मत्तायोस 10:23

निमन ओन्‍टा पद्दा नू खिलपत नन्नर होले नन्ना पद्दा बोंके कालके। ऎन निमन मानिमन ब'अदन, ऎन मनवा ख़द्दासी बरना गूटी इस्राऎल राजी नू दौ कत्‍था तेंगा कुद्दना मल मुंज्रकी र'ओ।

त‍इरकर 14:11

गोंहड़ा पौलुसी ई नंजकन ईरिया ख़ने, आर लुकाओनिया भखा नू जॊरसरिया बाचर, “देंवता गुट्ठी आलर ही रूपे नू नम्‍है गुसन इत्तकी र'ई।”

त‍इरकर 14:8

लुसत्रा नगरे नू ओन्‍टा एन्ने आलस उक्‍का रहचस। आसी ख़ेड्डे नू पैया मल रहचा। आस कुन्‍द्रका तिम लेंगड़ा रहचस अरा आस इकला हूँ ऎका पोलकाचस।

त‍इरकर 15:36

जोक्‍क उल्‍ला ख़ॊख़ा पौलुस बरनबासिन बाचस, “बरा, नाम एका एका नगरे नू उर्बासी कत्‍था तिंका रहचकत असन फेन क'ओत ती भइय्योर गने भेंट मनोत अरा आर एकासे र'अनर अदिन ऎरोत।”

त‍इरकर 20:4

बेरोया नगरे ता पुर्रोसी तंग्‍दस सॊपत्रोस, अरा थेस्‍सलोनिकॆ नगरे ता अरिस्‍तरख़ोस अरा सेकुन्‍दोस अरा देरबै नगरे ता गायोस अरा तीमोथियुस अरा आसिया ता तुख़िखोस अरा त्रुफिमोस आसी गने केरर।

त‍इरकर 9:24

लिकिन स‍उलस गे अदही अरो ख़क्‍खरा। आर आसिन पिटा गे उल्‍ला माख़ा नगरे ही बकड़े गुसन जोहचका र'आ लगियर।

2 तीमोथियुस 3:11

अन्‍तियोख़ेया अरा इकोनियोन अरा लुसत्रा नगरे नू एंग्‍है म‍इय्याँ ऎ बग्‍गे दुक्‍खे अरा सतारना मंजकिचा, अबड़ा उर्मी दुक्‍खेन ऎन एकासे सारचकन अदन नीन अख़दय। लिकिन इबड़ा उर्मी ती उर्बस एंगन बछाबाचस।