त‍इरकर 13:6 - पुना गच्छरना NT (BSI)

⁶ आर गोट्टा टापुन कट्टियर मुंजियर ती अदही आ पक्खे नू र'अना पाफोस नगरे बरचर। असन आर बरयेसु नामे ओन्‍टा यहूदी टोन्‍हा अरा ठकवा धर्मेसी कत्‍था तिंगुस गने भेंट मंजर।

त‍इरकर 13:6 ပူးပေါင်းရင်းမြစ်များ

मत्तायोस 16:17

येसुस आसिन आनाकिर्ताचस, “अना सिमॊन यॊनासी ख़द्दय नीन आसीस ख़क्‍ख्रका आलय, एन्‍देरगेका एक‍अम आलस मला लिकिन एकास मेर्ख़ा नू र'ऊ एंग्‍है बंगस ई कत्‍थन निंगा गे दहदर नंजकादस।

मत्तायोस 24:24

एन्‍देरगेका जोक्‍कोर फसक‍ट'ओर ती ‘ऎन मसी हिकदन’ ब'ओर अरा जोक्‍कोर फसकट'ओर ती ‘ऎन धर्मेसी कत्‍था तिंगुस’ ब'ओर। अरा बेड़ाब'आ गे आर कोड़हे चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

मत्तायोस 7:15

ठकवा धर्मेसी कत्‍था तिंगुर ती चिहुंक र'आ। आर ऎरना नू लुद‍ऊ लेक्‍खा भेंडो ही बेसे निम्‍है गुसन बरनर। लिकिन आर मानिम नू चर्रना मॊख़ना हड़हा र‍'अनर।

मरकुस 10:46

एक घड़ी ख़ॊख़ा येसुस अरा आसी चेलर येरिहॊ नगरे नू बरचर। अरा आर येरिहॊ नगरे ती उरखो बारी ओन्‍टा कोहाँ गोंहड़ा आर ही ख़ॊख़ा बर'आलिया। आ बारी बरतिमयोस नामे ओन्‍टा अन्धहा तिम्‍बुस डहरे ही कूटी नू उक्काचस। आस तिमयोसी ख़द्दस रहचस।

त‍इरकर 13:13

अक्‍कु पौलुस अरा आसी संगेर कोहाँ डोंगा ती पाफोस ती पम्‍फुलिया ता पेरगॆ नगरे बरचर। असन यॊहन मरकुस आरिन अम्‍बियस ती येरुसलॆम किर्रियस।

त‍इरकर 13:8

लिकिन टोन्‍हा बरयेसुस नॆकन युनानी भखा नू एलुमास नामे रहचा, आस आरिन हींड़चस अरा राजीख़ापुस येसुस नू पत्त'अना ती छेक'आ बेद्दा लगियस।

2 कोरिन्‍थ 11:13

एन्‍देरगेका एन्ने आलर ठकवा तइरकर र'अनर, अरा मसीसी तइरकर लेक्खा भॆंस ऎदना ती फसवार नलख ओथ्र'ऊ आलर हिकनर।

2 तीमोथियुस 3:8

एकासे यन्नेस अरा यम्‍ब्रेस मूसासी बिड़दो नंजकाचर, अन्नेम इबड़ा आलर हों मसीसी पत्त ता मानिम कत्‍था ही बिड़दो नन्नर। ईर बेड़ारका बुधी ही आलर हिकनर अरा ईर तम्‍है पत्त'अनन नठाब'अनर।

1 यॊहन 4:1

अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।

दहदर मंजका कत्‍था 19:20

लिकिन आ मेक्‍खो गा धरतारा केरा, अरा अदही गने आ मेक्खो ही ऊजी नू अजगुत नलख गुट्ठी नंजका ठकवा धर्मेसी कत्था तिंगुस हूँ धरतारस केरस। ई अजगुत नलख गुट्ठी ती दिम ई ठकवा धर्मेसी कत्था तिंगुस आ मेक्खो ही छपा होच्चका ती अदही मूर्तिन ऒड़ लग्गुरिन ठकचस। इबड़ा इरबारिम उज्‍जनुम उज्जनुम गन्धक लघरना चिच्‍ची ही समुदर नू हेबड़तारर केरर।