त‍इरकर 13:41 - पुना गच्छरना NT (BSI)

⁴¹ ‘अना निंदा ननू आलारो! ऎरा, अकबक मना अरा खे'आ कला। ऎन गा ओन्‍टा नलखन निम्‍है उल्‍ला गुट्ठी ननोन। ओर्तोस अदही पत्त नू निमन तेंगोस। अन्नु हूँ नीम अदिन मल पत्त'ओर।’”

त‍इरकर 13:41 ပူးပေါင်းရင်းမြစ်များ

लू‍कस 16:14

फरिसीर नॆ ढिबा ही चिबाख़ार'ऊ रहचर, आर इबड़ा कत्‍थन मेंजर ती येसुसिन भेसड़'आ हेलरर।

लू‍कस 23:35

आलर इज्‍जर ती ऎरना बारी रहचर। अरा यहूदी मुद्धर येसुसिन लज्‍जे मॊख़ताचर ती बाचर, “ईस गा नन्नारिन नाड़ियस, ईस धर्मेसी चज्जिका आल मसीस हिकदस होले तंगन नाड़दस नेक‍अन।”

त‍इरकर 13:47

औंगे उर्बस एमन एन्ने बाचस ती पॆसकादस, ‘ऎन निमन नन-यहूदीर गे बिल्‍ली कमचकादन, एकत्रु निम्‍है ती बछरना ही दौ कत्‍था ख़ॆख़ेल ही ठुट्ठु गूटी बिंड़र'ओ क'ओ।’”

त‍इरकर 22:21

ख़ने आस एंगन बाचस, ‘कला, एन्‍देरगेका ऎन निंगन गेच्‍छा नू नन-यहूदी आलर गुसन त‍इय्योन।’”

त‍इरकर 3:23

एकास आ धर्मेसी कत्‍था तिंगुसी कत्‍थन मल मेनोस, आस आलर मझी ती नठार'ओस कालोस।’

त‍इरकर 6:14

अरा ऎम गा ईसी एन्ने ब'अनन मेंजकम का नासरेत ता येसुस ई अड्डन नठाब'ओस अरा मूसस नमा चिच्का चाल गुट्ठिन बदल'ओस चि'ओस।”

1 थेस्‍सलोनिकॆयर 2:16

अरा अबड़र नन-यहूदीरिन नाड़र'आ गे सिखाब'अना ती एमन छेकनर का सगरो आर ही पाप ही कट्टु नींदी। छेद्द नू आर ही मइय्याँ धर्मेसी कोड़हे खींस अंड़सकी र'ई।

1 पतरस 4:17

एन्देरगेका धर्मेस आलारिन नेंवई नन्ना ही बेड़ा हेद्दे अंड़सकी र'ई। ईद धर्मेसी आलर ही मझी नू मुन्द ऒरे मनो। नेंवई नन्ना मुन्द नम्है नू ऒरे मनी होले, धर्मेसी दौ कत्थन मल पॆस्र'उर ही मुंज्रना एकासे र'ओ?