त‍इरकर 13:32 - पुना गच्छरना NT (BSI)

³² अक्‍कु ऎम धर्मेस नम्‍है पूरखर गने नंजका गच्‍छरका ही पत्त ता दौ कत्‍थन निमन तेंगदम।

त‍इरकर 13:32 ပူးပေါင်းရင်းမြစ်များ

लू‍कस 1:19

ख़ने पैकस बाचस, “ऎन धर्मेसी छमहे नू इज्‍जका र'ऊ गबरिऎल हिकदन। ऎन निंग्‍है गने कछनख्र'आ गे अरा निंगन ई दौ कत्‍थन तेंगा गे त‍इरका र'अदन।

लू‍कस 2:10

ख़ने मेर्ख़ा पैकस आरिन बाचस, “अमा एल्चा, ऎरा, ऎन निमा गे दौ कत्‍थन मेन्‍त'आलदन का आद ओर्मा आलर गे कोहाँ खुसमारना र'ओ।

त‍इरकर 10:36

नीम अख़दर का धर्मेस इस्राऎल आलर गे तंग्‍है दौ कत्‍था त‍इय्यस अरा येसु मसीस ती नॆ ओर्मर ही उर्बस हिकदस कोड़े ही दौ कत्‍था तिंगियस।

त‍इरकर 13:23

धर्मेस तंग्‍है गच्‍छरका लेक्‍खा आ दाऊदसी बनस तिम इस्राऎल गे ओन्‍टा बछाब'उस येसुसिन इजताचस।

त‍इरकर 13:38

औंगे भ‍ईरो, नीम बॆस लगे बुझ्र'आ हो'आ का एका कत्‍था निमा तेंगर'आ लगी आद ईद हवे का येसुस ती निम्‍है पाप ही छमा ख़क्‍ख्र'ओ। मूसासी पॆसका निमन निम्‍है पाप गुट्ठी ती अम्‍बता पोल्‍लो।

त‍इरकर 14:15

“भ‍ईरो, नीम ईद एन्‍देर नना लगदर? ऎम हूँ गा निम्‍है लेक्‍खा सुक्‍खे दुक्‍खे भोग'ऊ आलम हिकदम। ऎम ई दौ कत्‍था तेंगा बरचकादम का इबड़ा अनभनियाँ आलॊ गुट्ठी ती तरकूटी मना अरा उज्‍जना धर्मेस तरा किर्रा, एकास मेर्ख़ा अरा ख़ॆख़ेल अरा समुदर अरा अबड़ा नू र'अना उर्मिन कमचस।

त‍इरकर 26:6

नम्‍‍है पूरखर गे धर्मेस एका गच्छरकन गच्‍छरकाचस, अइय्या ऎन नंजका एंगा असरा ही चड्डे दिम अक्‍कुन एंग्‍है म‍इय्याँ पिसी मना लगी।

त‍इरकर 3:19

औंगे नीम जियन किर्त'आ, होले धर्मेस निम्‍है उर्मी पापन छमा ननोस।

त‍इरकर 5:42

उर्मी उल्‍ला आर धर्मेसी मन्दिर चाली नू अरा एड़पा एड़पा नू काला लगियर ती सिखाब'आ लगियर अरा तेंगा लगियर का येसुस दिम मसीस हिकदस।

रोमी 1:2

धर्मेस ई दौ कत्‍थन मुन्‍द तिम नेम्‍हा पुथी नू तंग्‍है कत्‍था तिंगुर ती गच्‍छरका रहचस।

रोमी 10:15

अरा आस मल त‍इर'ओस होले आस एकासे तेंगा कुद्दू मनोस? नेम्‍हा पुथी नू लिख्रकी र'ई, “दौ कत्‍था तिंगू आलर ही ख़ेड्डे ऎ कोड़हे सुभ'ई।”

रोमी 4:13

अब्राहमस अरा आसी बनस गोट्टा ख़ॆख़ेलन ख़क्‍ख'ओर एन्ने धर्मेस ती गच्‍छरका ख़क्‍खियर। ई गच्‍छरका पॆसकन पॆस्रना ती मला लिकिन पत्त'अना ती धर्मेसी ऎरना नू उजगो आल मन्ना ती ख़क्‍ख्रकी रहचा।

रोमी 9:4

आर इस्राऎल आलर हिकनर, अरा धर्मेसी गोद उइय्‍का ख़द्दर हिकनर। अरा आर धर्मेसी महबा आबोन ईरका र'अनर। अरा आर गे धर्मेसी अरा तम्‍है गने ता धर्मेसी गच्‍छरना र'ई। अरा धर्मेस आर गे चिच्का मूसासी पॆसका अरा महबा नन्ना ही नॆग अरा गच्‍छरना गुट्ठी र'ई।