त‍इरकर 13:2 - पुना गच्छरना NT (BSI)

² आर उन्‍दुल उपास नन्नुम उर्बासी महबा नना लगियर ख़ने, नेम्‍हा बॊलतस बाचस, “ऎन स‍उलसिन अरा बरनबासिन एन्‍देर नलख गे मीख़कादन अदगे आरिन भिनंग नना।”

त‍इरकर 13:2 ပူးပေါင်းရင်းမြစ်များ

मत्तायोस 17:21

लिकिन ई जाती बिगर गोहरारना अरा बिगर उपास ही मल उरखी।”]

मत्तायोस 6:16

नीम उपास ननो बारी उतुरमाड़ुर लेक्‍खा मुहिन हेन्दव'अके ती उपास अमके नना। आर तम्‍है मुहिन मड़ख़नर चि'अनर, एकत्रु आलर अख़'ओर का आर उपास र'अनर। ऎन निमन मानिमन ब'अदन का आर तम्‍है आसीस ख़क्‍खा ख़च्‍चियर।

मत्तायोस 9:38

इदगे तंग्‍है ख़ोयना गे बनीहार आलारिन त‍इय्या गे ख़ोयत'ऊ उर्बासिन गोहरार'आ।”

लू‍कस 10:1

इबड़ा कत्था ही ख़ॊख़ा उर्बस बहत्तर अउर आलारिन चज्‍जियस अरा दुई दुई झन नंजस ती उर्मी पद्दा अरा अड्डा नू एक्सन तान कालू रहचस असन तंग्है ती मुन्‍द त‍इय्यस।

लू‍कस 2:37

तहाँ आद चौरासी बछर ती रड़ियाही रहचा। आद धर्मेसी मन्दिरन कहियों मल अम्‍बालिया। आद उल्‍ला माख़ा उपास अरा बिन्‍ती नन्नरकी धर्मेसी महबा ननालिया।

त‍इरकर 10:19

अक्‍कु पतरस आ देखार ही पत्त नू सोच'आ लगियस ख़ने, नेम्‍हा बॊलतस आसिन बाचस, “ऎरा, तीन झन आलर निंगन बेद्दा लगनर।

त‍इरकर 10:30

कोरनेलियोस किर्त'अर बाचस, “चार उल्‍ला मुन्‍द ई बेड़ा नुम ऎन एंग्‍है एड़पा नू ओनबीड़ी तीन बजे गोहरार'आ लिक्‍कन। आ बारी आचका बिलचना किचरी अत्तका ओन्‍टा आलस एंग्‍है मुन्‍दहारे बरचस ती इज्‍जस।

त‍इरकर 13:3

तहाँ गोहरारना अरा उपास नन्ना ही ख़ॊख़ा आर स‍उल अरा बरनबास म‍इय्याँ ख़ेक्खा उइय्यर ती आरिन त‍इय्यर।

त‍इरकर 13:4

अन्नेम बरनबास अरा स‍उलस नेम्‍हा बॊलतस ती त‍इय्का ती सेलुकिया केरर अरा असलेक ती आर कोहाँ डोंगा नू कुप्रोस टापू केरर।

त‍इरकर 14:26

असले ती आर कोहाँ डोंगा अरगियर ती सीरिया राजी ता अन्‍तियोख़ेया किर्रिम बिच्‍चियर। इसन दिम आर पत्त'ऊ आलर ती धर्मेसी सोग्‍गे गे सोंपरकाचर ती अक्‍कु आर नंज मुंजका ई नलख गे त‍इरकाचर।

त‍इरकर 20:28

औंगे निम्‍है पत्त नू अरा धर्मेस तंग्‍है ख़द्दासी ख़ॆंस ती ख़ीन्‍दका तंग्‍है कलीसियन ख़ापा गे नेम्‍हा बॊलतस निमन ईरू-ख़ूजू उइय्का उर्मी खोंड़हा ही पत्त नू चिहुंक र'अके।

त‍इरकर 22:21

ख़ने आस एंगन बाचस, ‘कला, एन्‍देरगेका ऎन निंगन गेच्‍छा नू नन-यहूदी आलर गुसन त‍इय्योन।’”

त‍इरकर 4:36

यॊसॆफस नामे कुप्रियोस टापू ता लेवी गोतोर ता ओर्तोस रहचस, आस गे त‍इरकर बरनबास नामे पिंजकाचर इदही माने “रिझ्रत'ऊ ख़द्दस” हवे।

त‍इरकर 6:4

होले ऎम गा गोहरारना नू अरा दौ कत्‍था तेंगना नू लक्‍का र'ओम।”

त‍इरकर 8:29

बॊलतस फिलिप्‍पोसिन बाचस, “कला ती रन्‍‍थ गने ऎका।”

त‍इरकर 9:15

लिकिन उर्बस हनानियासिन बाचस, “कला, आस गा नन-यहूदी आलर अरा बॆलर अरा इस्राऎल आलर नू एंग्‍है पत्त नू तेंगा गे ऎन चज्जिका आलस हिकदस।

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

रोमी 10:15

अरा आस मल त‍इर'ओस होले आस एकासे तेंगा कुद्दू मनोस? नेम्‍हा पुथी नू लिख्रकी र'ई, “दौ कत्‍था तिंगू आलर ही ख़ेड्डे ऎ कोड़हे सुभ'ई।”

रोमी 15:16

नन-यहूदीर गे मसी येसुसी जॊंख़ मंजकन। ऎन आसी दौ कत्‍थन सिखाब'अना ती नैगस लेक्‍खा धर्मेसी तेतर-सुसर नंजकन। होले नन-यहूदीर नेम्‍हा बॊलतस ती नेम्‍हा मंजका ती धर्मेस गे इंझ्रना दाँड़े बेसे मना ओंगोर।

1 कोरिन्‍थ 12:11

इबड़ा जम्मा आ ओन्‍टे बॊलतस दिम नन्‍त'अदस, अरा आस तंग्‍है मने लेक्‍खा ओर्त ओर्तोस गे ख़ट्टदस चि'अदस।

1 कोरिन्‍थ 7:5

नीम ओर्त इरिब नू अमके छिंड्रा। बिन्‍ती नना गे लेका नीम इरबर ही मने ती जोक्‍क बेड़ा गे छिंड्रा ओंग्‍दर। अदही ख़ॊख़ा नीम मेस्रका र'आ, ख़ने सैतान निमा सह'आ पोलना चड्डे निमन चिबाख़ारना नू अम्‍बो टिड़'आ।

2 कोरिन्‍थ 11:27

ऎन कोड़हे अर्जाचकन अरा तिहा नंजकन, अरा कैनो माख़ा मल ख़न्‍द्रकन, अरा कीड़ा नू अरा ओनक'आ नू रहचकन, अरा खनिम खनिम बिगर ओन्ना-मॊख़ना नू रहचकन, अरा पइय्याँ नू अरा किचरी मलका नू रहचकन।

2 कोरिन्‍थ 6:5

कोर्रा लौरना नू, जेहेल काना नू, हुलहुली गुट्ठी नू बझ्रना नू, कोड़हे अर्जाना नू, बिगर ख़न्द्रका नू, उबसना नू,

गलातिया 1:15

लिकिन धर्मेस एंगन अयंग ही ओदर तिम चज्‍जिकाचस अरा तंग्‍है मया नू मीख़काचस।

इफेसुस 3:7

धर्मेसी सवंग एंग्हा नू नलख नन्ना ती एंगा चिच्का आसी मया ही इनाम ती ऎन ई दौ कत्‍था तेंगा गे सुसर'ऊ मंजकन।

कोलोस्से 4:17

अरा नीम अर्ख़िप्पोसिन आनके का, “एका सुसर'अना उर्बस निंगा चिच्कादस, अदिन चिहुंक लगे पूरा ननके।”

1 तीमोथियुस 2:7

नॆ यहूदी मलनर आरिन ई पत्त'अनन अरा मानिम कत्‍थन सिखाब'आ गे ऎन दौ कत्‍था तिंगू अरा त‍इरका चजरकादन। ऎन जुक्‍की ती बग्‍गे मल ब'अदन, मानिम ब'अदन।

2 तीमोथियुस 1:11

ई दौ कत्‍था गे ऎन दौ कत्‍था तिंगू, तइरका अरा सिखाब‍'ऊ उइरकन।

2 तीमोथियुस 2:2

एंग्‍है एका सिखाबाचका कत्‍थन नीन नगदे गोवाह आलर ही मुन्‍द मेंजकादय, अदिन असरा जॊगे आलारिन सिखाब'आ। होले आर नन्नारिन हों सिखाब'आ ओंगोर।

2 तीमोथियुस 4:11

लूकस लेका एंग्‍है गने र'अदस। नीन बर'ओ बारी मरकुसिन निंग्‍है गने ओन्‍द्र‍'आ, एन्‍देरगेका आस एंग्‍है इसला नलख नू संगरा नना ओंगोस।

2 तीमोथियुस 4:5

लिकिन नीन इबड़ा उर्मी कत्‍था गुट्ठी नू चिहुंक र'आ, दुक्‍खे सार'आ, दौ कत्‍था मेन्त'आ कुद्दना ही नलख नना, अरा धर्मेसी चिच्का उर्मी नलखन नना।

इब्रानी 5:4

नॆ हूँ ई म‍ईन ही कोहाँ नैग नलख आबोन तान तंगानिम चाजा पुल्‍ली। आरॊनस बेसे आस हूँ धर्मेस ती मॆख़्रका र'अना र'ई।