त‍इरकर 13:12 - पुना गच्छरना NT (BSI)

¹² ई मंजकन ईरियस ती आ राजीख़ापुस पत्ताचस अरा उर्बासी सिखाब'अना ही पत्त नू अकबकरस।

त‍इरकर 13:12 ပူးပေါင်းရင်းမြစ်များ

मत्तायोस 27:54

रोमी सैनर ही मुद्धस अरा आसी गने र'अरकी येसुसिन ख़ापा लगियर आर ख़ॆख़ेल नुक्रनन अरा अबड़ा मंजकन ईरियर ख़ने, आर नगदे इल्‍चियर अरा अनचकरर, अरा बाचर, “ईस मानिम नू धर्मेसी ख़द्दस रहचस।”

लू‍कस 4:22

ओर्मर आसिन सहरारर, अरा एका मया ही कत्‍था गुट्ठी आसी ब‍ई ती उरखालिया, अत्रु ती अकबक मंजर। लिकिन फिन ब'आ हेलरर, “ईस यॊसॆफसी तंग्‍दस मलदस का?”

लू‍कस 7:16

ओर्मर गे इल्चका कोरचा केरा, अरा धर्मेसी ओहमा नंजर ती ब'आ लगियर, “नम्‍है मझी नू ओन्‍टा कोहाँ धर्मेसी कत्‍था तिंगुस बरचकादस, अरा धर्मेस तंग्‍है आलर मइय्याँ सोग्‍गे ईरकादस।”

यॊहनस 7:46

धर्मेसी मन्दिर ख़ापू सैनर आनाकिर्ताचर, “नॆ हूँ ई आलस लेक्‍खा एन्ने कछनख्रकन ऎम इकला हूँ मल मेंजकम!”

त‍इरकर 13:48

नन-यहूदीर इदिन मेंजर ख़ने, रिझ्र'आ हेलरर अरा धर्मेसी कत्‍था ही ओहमा नना लगियर। एका बग्‍गे आलर मुंजा मलका गुटी उज्‍जना गे चज्रकाचर, अबड़र दौ कत्‍थन पत्ताचर।

त‍इरकर 13:49

तहाँ गोट्टा चकभार नू उर्बासी कत्‍था बींड़रा केरा।

त‍इरकर 13:7

आस राजीख़ापुस सेरगियुस पौलुस गने रहचस। आ राजीख़ापुस बुधमान रहचस। आस बरनबास अरा स‍उलसिन मीख़ियस ती आर ती धर्मेसी कत्‍थन मेना बेद्दा लगियस।

त‍इरकर 13:8

लिकिन टोन्‍हा बरयेसुस नॆकन युनानी भखा नू एलुमास नामे रहचा, आस आरिन हींड़चस अरा राजीख़ापुस येसुस नू पत्त'अना ती छेक'आ बेद्दा लगियस।

त‍इरकर 15:35

लिकिन पौलुस दरा बरनबास अन्‍तियोख़ेया नुम रहचर अरा नगदे बग्‍गे आलर गने उर्बासी कत्‍थन सिखाब'आ अरा तेंगा कुद्दा लगियर।

त‍इरकर 15:36

जोक्‍क उल्‍ला ख़ॊख़ा पौलुस बरनबासिन बाचस, “बरा, नाम एका एका नगरे नू उर्बासी कत्‍था तिंका रहचकत असन फेन क'ओत ती भइय्योर गने भेंट मनोत अरा आर एकासे र'अनर अदिन ऎरोत।”

त‍इरकर 18:12

गल्‍लियॊन अख़ाया देस ता राजी ख़ापुस रहचस, आ बारी जोक्‍क यहूदीर जुम्मरर ती पौलुसी बिड़दो मंजर ती आसिन धरचर अरा आसिन नेंव‍ई नन्ना अड्डा नू ओन्‍द्रर।

त‍इरकर 19:10

दुई बछर गूटी एन्नेम मना लगिया। औंगे आसिया देस ता ओर्मा आलर यहूदी अरा नन-यहूदी आलर उर्बासी कत्‍थन मेंजर।

त‍इरकर 19:20

ई लेक्‍खा उर्बासी कत्‍था डिड़गर गने बींड़रनुम अरा बड़ियर मन्नुम केरा।

त‍इरकर 19:38

दॆमॆत्रियोस अरा आसी बढ़‍ई आलर गे नॆख'आ ही बिड़दो नू इन्द्रिइम ब'अना र'ई होले, आर अदालत नू अरा नेंव‍ई ननुर हेद्दे काना र'ई। असन आर अपन ती नन्नर गने नग्‍गानखर'आ ओंग्दर।

त‍इरकर 19:7

अबड़ा आलर ओर्मर मलागूटी बारा झन रहचर।

त‍इरकर 28:7

अइय्या अड्डे-बेड्डे ता गोड्डा आ टापू ता मुन्‍दस पोपलियोसी गोड्डा रहचा, आस तंग्‍‍है गुसन एमन परघाचस ती तीन उल्‍ला गूटी पाही ईरियस।

त‍इरकर 6:10

लिकिन स्‍तेफनोस एका लूर अरा बॊलतस ती बाचस अदही बिड़दो नू आर ब'आ पोल्‍लर।

त‍इरकर 8:25

पतरस अरा यॊहनस तम्‍है गोवाह अरा उर्बासी कत्‍थन तिंका ख़ॊख़ा येरुसलॆम किर्रियर। अरा आर येरुसलॆम किर्रो बारी समारिया ही कैनो पद्दा नू दौ कत्‍था तेंगा कुद्दियर।