त‍इरकर 13:1 - पुना गच्छरना NT (BSI)

¹ अन्‍तियोख़ेया कलीसिया नू कैनो बग्‍गे धर्मेसी कत्‍था तिंगू अरा सिखाब'ऊ आलर रहचर। इबड़र बरनबास अरा नीगेर बारना सिमॊन अरा कुरॆनॆ नगरे ता लूकियोस अरा बॆलस हॆरॊदॆस अंटिपसी संगे परदका मनायॆन अरा स‍उल हिकनर।

त‍इरकर 13:1 ပူးပေါင်းရင်းမြစ်များ

मत्तायोस 27:32

फिन सैनर येसुस गने नगरे ती बहरी काला लगियर ख़ने, आर सिमॊन नामे ओन्‍टा कुरॆनॆ नगरे ता आलासिन येसुसी क्रुस आबोन चेड़'आ गे बिट्ठी नू धरचर।

लू‍कस 3:1

कैसर तिबेरयुस रोम राजिन राजी नन्ना ही पन्‍द्रा बछर नू पोन्‍तियुस पिलातुस यूदेया जिला ही राजीख़ापू रहचस। आ बेड़ा हॆरॊदॆस अंटिपस गलिलेया जिला ही बॆलस रहचस। अरा आसी तंग्ड़िस फिलिप्‍पोस इतुरैया अरा त्राख़ॊनितिस जिला ही बॆलस रहचस। अरा लुसानियास अबिलॆनॆ जिला ही बॆलस रहचस।

त‍इरकर 11:30

आर अन्नेम नंजर ती इनाम आबोन बरनबास अरा स‍उलसी ख़ेक्खा नू चिच्‍चर। आर अदिन येरुसलॆम ता सेयान आलर गुसन ओन्‍द्रर चिच्‍चर।

त‍इरकर 12:25

बरनबास अरा स‍उलस तम्‍है नलखन मुंजियर अरा येरुसलॆम ती किर्रियर। अरा तम्‍है गने मरकुस बारना यॊहनसिन ओन्‍द्रर बरचर।

त‍इरकर 13:9

तहाँ पौलुस बारना स‍उलस नेम्‍हा बॊलतस ती निन्‍दियस ती आसिन ओन ढिठ ईरियस।

त‍इरकर 15:32

यूदस अरा सीलास हूँ गा धर्मेसी कत्‍था तिंगुर रहचर। आर भइय्योरिन कोड़हे कत्‍था बाचर ती जिया सालना चिच्‍चर अरा आरिन बड़ियर नंजर।

त‍इरकर 15:35

लिकिन पौलुस दरा बरनबास अन्‍तियोख़ेया नुम रहचर अरा नगदे बग्‍गे आलर गने उर्बासी कत्‍थन सिखाब'आ अरा तेंगा कुद्दा लगियर।

त‍इरकर 19:6

अरा पौलुस आर ही म‍इय्याँ ख़ेक्खा ओक्‍ताचस ख़ने, आर ही म‍इय्याँ नेम्‍हा बॊलतस इत्तियस, अरा आर नन्ना नन्ना भखा कछनख्र'आ हेलरर अरा धर्मेसी कत्‍थन मुन्द तेंगा हेलरर।

त‍इरकर 21:9

आसी चार गोटंग डिंडा कुक्‍के ख़द्दर रहचर, आर धर्मेसी कत्‍थन मुन्‍द तिंगू रहचर।

त‍इरकर 4:36

यॊसॆफस नामे कुप्रियोस टापू ता लेवी गोतोर ता ओर्तोस रहचस, आस गे त‍इरकर बरनबास नामे पिंजकाचर इदही माने “रिझ्रत'ऊ ख़द्दस” हवे।

त‍इरकर 9:1

स‍उलस अक्‍कु गूटी हूँ उर्बासी चेलारिन एल्‍कत'अना अरा पिटा गे निसा रहचा। आस कोहाँ नैगस गुसन केरस ती

रोमी 16:21

एंग्‍है गने तेतर-सुसर ननू तीमोथियुस अरा एंग्‍है जातियर लूकियोस अरा यासॊन अरा सॊसीपत्रोस निमन मोंजरा नन्नर। (

1 कोरिन्‍थ 11:4

औंगे एका ओर्तस तंग्‍है कुक्‍कन कुलकुटुरदस ती गोहरारदस महले धर्मेसी कत्‍थन मुन्‍द तेंगदस, आस तंग्‍है कुक्‍कु मसीसिन हींड़दस।

1 कोरिन्‍थ 13:2

ऎन धर्मेसी कत्‍थन मुन्‍द तिंगू आलन, अरा उर्मी नूख़्रका ही गम्मन अरा उर्मी लूरन अख़ना ही सवंग र'ऊ आलन, अरा परता गुट्ठिन हूँ गुछाब'अना ही कोड़हे बड़ियर पत्त'अना र'ऊ आलन, अन्नु हूँ एंग्‍है नू चोन्‍हा मलकी होले, ऎन एन्‍देर हूँ मलकन।

1 कोरिन्‍थ 13:8

चोन्‍हा इकला हूँ मल मुंजुर'ओ। लिकिन धर्मेसी कत्‍थन मुन्‍द तेंगना मुंज्र'ओ कालो, अरा कैनो मदहे बलना भखा गुट्ठिन कछनख्रना मॊखोर'ओ क'ओ, अरा लूर मुंज्र'ओ।

1 कोरिन्‍थ 14:29

धर्मेसी कत्‍थन मुन्‍द तिंगुर ऎंड़ झन मलता तीन झन तेंगनर नेकअन, अरा नन्‍नर गा बाचका कत्‍थन चिहुंक ती बिढ़नर नेकअन।

1 कोरिन्‍थ 14:32

अरा धर्मेसी कत्‍थन मुन्‍द तिंगुर ही बॊलता धर्मेसी कत्‍थन मुन्‍द तिंगुर ही तबे नू र'ई, अरा आर तम्‍है बारी गे ख़ोख'आ ओंगनर।

1 कोरिन्‍थ 9:6

महले बरनबास अरा ऎन लेका नलख नन्ना ती उज्‍जना बिज्‍जना र'ई का?

गलातिया 2:13

नन्‍ना यहूदी भईर हूँ पतरस गने उतुरमाड़ना नलख नंजर। अन्‍ति बरनबास हूँ उतुरमाड़ना चड्डे बेहड़ारस केरस।

गलातिया 2:9

आलर याकॊब अरा पतरस अरा यॊहनसिन कलीसिया ही कोहाँ मुद्धर लेक्‍खा सोचर। आर धर्मेस ती एंगा ख़क्‍ख्रका मया आबोन अक्‍खर। आर एंगन अरा बरनबासिन संगे नलख ननू लेक्‍खा इंझ्रर अरा रिझाबाचर का ऎम नन-यहूदीर गुसन क'ओम, अरा ताम यहूदीर गुसन क'ओर।

इफेसुस 4:11

आसिम जोक्कोरिन तइरकर, अरा जोक्कोरिन धर्मेसी कत्था तिंगुर, अरा जोक्कोरिन दौ कत्‍थन तेंगा कुद्दुर, अरा जोक्कोरिन नैगर अरा धर्मेसी कत्थन सिखाब'उर मन्ना ही इनाम चिच्चस।

फिलिप्‍पी 4:22

उर्मी नेम्‍हा आलर निमा गे मोंजरा ब'अनर, कोड़हे गा कैसरसी गढ़िया नू नलख ननुर निमा गे मोंजरा ब'अनर।

1 थेस्‍सलोनिकॆयर 5:20

धर्मेसी कत्‍था तिंगुर ही कत्‍थन अयलह'आ अमा अख़'आ।