त‍इरकर 12:7 - पुना गच्छरना NT (BSI)

⁷ आचका उर्बासी ओन्‍टा पैकस बरचस ती इज्‍जस अरा कुठली नू बिल्‍ली बिल्‍चिया। आस पतरसी पंजर तरा ठुड्डस ती एज्‍जस अरा आसिन बाचस, “चाँड़हे चो'आ।” अरा पतरसी ख़ेक्खा ती सिकड़ी कोल्‍लरा ती खत्रा केरा।

त‍इरकर 12:7 ပူးပေါင်းရင်းမြစ်များ

मत्तायोस 2:13

अबड़ा लूरगर आलर ही केरका ख़ॊख़ा, उर्बासी ओन्‍टा पैकस यॊसॆफस गे तुंगुल नू ऎथ्रस ती बाचस, “चो'आ, ख़द्दासिन दरा तंग्योन हो'आ ती मिसर राजी बोंगा कला अरा एका गूटी ऎन मल ब'ओन आ गूटी अइय्यम र'‍अके। इदगे का हॆरॊदॆस ख़द्दासिन पिटा गे बेद्दोस।”

लू‍कस 2:9

आचका उर्बस ती ओन्‍टा पैकस आर गे ऎथ्रस, अरा उर्बासी महबा ही बिलचना महरर ही ओनबेंड़र'आ बिल्चिया। अरा आर नगदे इल्चियर।

लू‍कस 24:4

आर ई कत्‍था ही पत्त नू अकबकरर ख़ने, दुई झन आलर बिल्‍चना किचरी अत्तका आर ही हेद्दे इज्‍जर।

त‍इरकर 10:30

कोरनेलियोस किर्त'अर बाचस, “चार उल्‍ला मुन्‍द ई बेड़ा नुम ऎन एंग्‍है एड़पा नू ओनबीड़ी तीन बजे गोहरार'आ लिक्‍कन। आ बारी आचका बिलचना किचरी अत्तका ओन्‍टा आलस एंग्‍है मुन्‍दहारे बरचस ती इज्‍जस।

त‍इरकर 12:23

आ बारिम उर्बासी पैकस आसिन बेमार ती लौचस, एन्‍देरगेका आस धर्मेस गे महबा मल नंजस। अरा आस पुच्‍चियस ती ख़ॊख़ा केच्‍चस केरस।

त‍इरकर 12:6

इकला हॆरॊदॆस आसिन आलर ही मुन्‍दहारे ओन्‍द्र'आ गे रहचस, अदही मुन्‍द ता माख़ा पतरस दुई गोट सिकड़ी ती हॆंरका ती ऎंड़ सैनर ही मझी नू ख़न्‍द्र'आ लगियस। अरा नन्ना सैनर जेहेल ही बली ही मुन्‍दहारे ख़ापा लगियर।

त‍इरकर 12:8

तहाँ पैकस आसिन बाचस, “कड़मन भिड़'आ अरा जूतन अत्ता।” पतरस अन्नेम नंजस। पैकस आसिन अउरिम बाचस, “निंग्‍है चदर आबोन झप्र'आ ती एंग्‍है गने चॊंख़्र'आ”

त‍इरकर 16:26

अरा आचका ही ओन्‍टा कोहाँ ख़ॆख़ेल नुक्रना मंजा। ख़ने जेहेल एड़पा ही नेव गुट्ठी हूँ नुकुर ख़च्‍चिया, अरा लॆम उर्मी बली तिसग्रा केरा, अरा ओर्मा गुड़रकर ही बींड़ी कोल्‍लरा केरा।

त‍इरकर 2:24

लिकिन धर्मेस आसिन खे'अना ही सस्ती गुट्ठी ही नुंजना ती अम्बताचस ती आसिन उज्‍जताचस चॊदस। खे'अना गा आसिन तंग्‍है तबे नू उइय्या पोल्‍ला।

त‍इरकर 5:19

लिकिन माख़ा उर्बासी ओन्‍टा पैकस जेहेल ही बलिन तिसगस ती आरिन बहरी ओन्‍द्रस ती बाचस,

त‍इरकर 9:3

अक्‍कु आस कानुम कानुम दमसकोस गुसन अंड़सियस ख़ने, आचका ही मेर्ख़ा ती ओन्टा बिल्‍ली आसी चरियो तरा बिल्‍चिया।

इफेसुस 5:14

एन्देरगेका बिल्ली दिम उर्मिन ईद'ई चि'ई। ई चड्डेम एन्ने लिख्रकी र'ई का, “अना ख़न्‍द्र'ऊ, एज्र'आ, केचकार ती उज्‍जा चो'आ, होले मसीस निंग्‍है मइय्याँ बिल्‍चोस।”

इब्रानी 1:14

उर्मी मेर्ख़ा पैकर तेतर-सुसर ननू बॊलता हिकनर, नॆ नाड़रनन ख़क्‍खोर आर गे संगरा नना गे अबड़ा त‍इतार'ई।

दहदर मंजका कत्‍था 18:1

इबड़ा कत्था ही ख़ॊख़ा ऎन अउर ओन्टा मेर्ख़ा पैकासिन मेर्ख़ा ती एत्तना ईरकन। आस गे कोड़हे अदिया रहचा, अरा आसी बिल्चना ती ख़ॆख़ेल बिल्चिया केरा।