त‍इरकर 12:6 - पुना गच्छरना NT (BSI)

⁶ इकला हॆरॊदॆस आसिन आलर ही मुन्‍दहारे ओन्‍द्र'आ गे रहचस, अदही मुन्‍द ता माख़ा पतरस दुई गोट सिकड़ी ती हॆंरका ती ऎंड़ सैनर ही मझी नू ख़न्‍द्र'आ लगियस। अरा नन्ना सैनर जेहेल ही बली ही मुन्‍दहारे ख़ापा लगियर।

त‍इरकर 12:6 ပူးပေါင်းရင်းမြစ်များ

मत्तायोस 28:4

आसी इल्चका ती ख़ापुर असरा ख़च्‍चियर, अरा केचका लेक्‍खा मंजर केरर।

त‍इरकर 12:5

जेहेल नू पतरस गुड़रकाचस ख़ने, कलीसिया आस गे धर्मेस गुसन सौंसे जिया ती नगदे गोहरार'आ लगिया।

त‍इरकर 21:33

ख़ने फउद उर्बस हेद्दे बरचस ती पौलुसिन हॆंचस, अरा दुई गोटा सिकड़ी ती हें'आ गे आनियस ती मेंजस, “ईस एका ओर्तस अरा ईस एन्‍देर नंजका र'अदस?”

त‍इरकर 28:20

इदही चड्डे ऎन निमन ओर्मारिन मीख़कन का निम्‍है गने भेंट मनोन अरा कछनख्र'ओन। इस्राऎल आलर बर'ओस एन्ने पाब ईरका मसीसी म‍इय्याँ ता एंग्है पत्त'अना ही चड्डे तिम ऎन सिकड़ी ती हॆंरकादन।”

त‍इरकर 5:23

“ऎम ईरकम का जेहेल एड़पा गा बड़ियर गने मुच्‍चका रहचा अरा ख़ापुर हूँ बहरी बली गुट्ठी गुसन इज्‍जका रहचर, लिकिन तिसगकम ख़ने भितरी नॆकन हूँ मल ख़क्‍खकम।”

इफेसुस 6:20

ई दौ कत्था ही चड्डेम ऎन धर्मेसी ओन्टा पैकन हिकदन अरा अक्कु जेहेल नू हॆंरका र'अदन। एंगा एकासे तेंगना र'ई अन्ने डिढ ती तेंगा गे गोहरार'आ।

2 तीमोथियुस 1:16

ओनेसिफोरुसी एड़पातर म‍इय्याँ धर्मेसी कोड़हे सोग्‍गे मनन नेक‍अन। एन्‍देरगेका ऎन जेहेल नू रहचकन ख़ने हूँ बिगर इल्चका ती एंगन आस नगदे हॆल बरचस ती ईरयस अरा एंग्‍है जियन बोधा बाचस।

इब्रानी 13:6

औंगे नाम डिढ ती ब'आ ओंग्दत, “उर्बस एंग्‍है सहाड़ा ननू र'अदस, औंगे ऎन मल एल्‍चोन। आलर एंगन एन्‍देर नना ओंगोर?”