त‍इरकर 12:4 - पुना गच्छरना NT (BSI)

⁴ आस पतरसिन हॆंताचस ती जेहेल नू गुड़ताचस अरा आसिन चार चार सैनर ही चार खोंड़हा ही ख़ापना नू उइय्यस चिच्‍चस। आस कट्टना परब ही ख़ॊख़ा आलर ही मुन्‍दहारे ओन्‍द्र'आ बेद्दा लगियस।

त‍इरकर 12:4 ပူးပေါင်းရင်းမြစ်များ

मत्तायोस 24:9

आर निमन सस्‍ती नना गे धर'ओर, अरा निमन पिटोर, अरा उर्मी राजी ता आलर नीम एंग्‍है गने चॊंख़्र'उर र'अना चड्डे निमन बिड़दो ननोर।

मत्तायोस 26:5

लिकिन आर ब'आलियर, “परब ही उल्‍ला नू मला, एन्ने अम्‍बन मना का आलर नू हुलहुली चो'ओ।”

मरकुस 14:1

ऎंड़ उल्‍ला ख़ॊख़ा कट्टना अरा बिगर बिदगी असमा ही परब मन्ना रहचा। मुध नैगर अरा नॆग सिखाब'उर एकासे येसुसिन ठग'अरकी धर'ओत ती पिटत'ओत एन्ने मोका बेद्दते र'आलियर।

लू‍कस 21:12

लिकिन इबड़ा उर्मी कत्‍था ही मुन्‍द आलर निमन धर'अरकी सताब'ओर। अरा निमन गोड़हा एड़पा नू बिढ़'आ गे सोंप'ओर अरा जेहेल नू सज'ओर अरा बॆलर अरा राजीखापुर ही मुन्‍द इजतार'ओर। एन्‍देरगेका नीम एंग्‍है गने चॊंख़्र‍'उर हिकदर।

लू‍कस 22:33

ख़ने सिमॊनस बाचस, “अना उर्बायो, ऎन निंग्‍है गने जेहेल एड़पा काला गे महले खे'आ गे हूँ सपड़ारकादन।”

यॊहनस 19:23

सैनर येसुसिन क्रुस नू ठोकचका ख़ॊख़ा, आर आसी किचरी गुट्ठिन ओर्त ओर्त गे ओन फड़ा नंजर ती चार फड़ा नंजर। अरा आर आसी थालरन हूँ होच्‍चर। लिकिन आद बेगर उज्‍जका किय्या ती मइय्याँ गूटी इस्‍सका रहचा।

यॊहनस 21:18

ऎन निंगन मानिम ब'अदन, नीन निंग्‍है जॊंख़ परिया नू नीनिम अत्ता लिक्‍कय, अरा एक्‍सन काला तुक्‍का लगिया असन काला लिक्‍कय। लिकिन नीन पच्‍चोय ख़ने, नीन निंग्‍है ख़ेक्खा गुट्ठिन लमाब'ओय अरा नन्‍नस निंगन अत्त'ओस, अरा एक्‍सन नीन काला मल बेद्ददय असन आस निंगन हो'ओस।”

त‍इरकर 12:3

एन्ने नन्ना यहूदीर गे बॆस लग्‍गिया। अदिन ईरियस ती आस पतरसिन हूँ हॆंताचस। अउला बिगर बिदगी असमा ही परब रहचा।

त‍इरकर 12:5

जेहेल नू पतरस गुड़रकाचस ख़ने, कलीसिया आस गे धर्मेस गुसन सौंसे जिया ती नगदे गोहरार'आ लगिया।

त‍इरकर 4:28

लिकिन आर इन्द्रिइम नंजर आद निंग्‍है मने लेक्‍खा नीन मुन्‍द तिम ओकताचका रहचकय अदिन नंजर।

त‍इरकर 4:3

ख़ने आर पतरस अरा यॊहनसिन हॆंचर ती जेहेल नू सज्‍जर चिच्‍चर। पुत्तकी किरकी रहचा, ख़ने आर आरिन दोसर उल्‍ला गूटी जेहेल नू उइय्काचर।

त‍इरकर 5:18

अरा त‍इरकारिन धरचर ती जेहेल नू मुच्‍चियर चिच्‍चर।

त‍इरकर 8:3

लिकिन स‍उलस कलीसिया आबोन सस्ती नना लगियस। एड़पा एड़पा नू कोर्च कोर्च मुक्‍कारिन अरा मॆतारिन घिडराच घिडराच जेहेल नू सज'आ लगियस।