त‍इरकर 12:10 - पुना गच्छरना NT (BSI)

¹⁰ तहाँ आर पहिल पहरा अरा दोसर पहरा आबोन कट्टियर ती पन्ना ही बखड़े-बली गुसन अंड़सियर एकाद नगरे तरा हुं'ई। आद आर गे तान तानिम तिसग्रा केरा। आर बहरी उरखर ती गली नू काला लगियर। आ बारीम पैकस आचका आसिन अम्‍बियस ती किर्रिम बिच्‍चियस।

त‍इरकर 12:10 ပူးပေါင်းရင်းမြစ်များ

यॊहनस 20:19

अउलम हप्‍ता ही पहिल उल्‍ला बीड़ी पुतबारी, चेलर ख़ॊंड़रका रहचर। अरा यहूदी मुद्धर ही इल्‍चिक'आ ती आर बलिन मुच्‍चरर ती भितरी रहचर। येसुस बरचस ती आर ही मझी नू इज्‍जस, अरा चेलारिन बाचस, “निमा कोड़े मनन!”

यॊहनस 20:26

आठ उल्‍ला ख़ॊख़ा येसुसी चेलर फेन आ एड़पा नू ख़ॊंड़रका रहचर, अरा तॊमस हूँ आर ही संगे रहचस। बली मुच्‍चका रहचा, अन्नु हूँ येसुस भितरी बरचस ती मझी नू इज्‍जस अरा बाचस, “निमा कोड़े मनन!”

त‍इरकर 12:4

आस पतरसिन हॆंताचस ती जेहेल नू गुड़ताचस अरा आसिन चार चार सैनर ही चार खोंड़हा ही ख़ापना नू उइय्यस चिच्‍चस। आस कट्टना परब ही ख़ॊख़ा आलर ही मुन्‍दहारे ओन्‍द्र'आ बेद्दा लगियस।

त‍इरकर 16:26

अरा आचका ही ओन्‍टा कोहाँ ख़ॆख़ेल नुक्रना मंजा। ख़ने जेहेल एड़पा ही नेव गुट्ठी हूँ नुकुर ख़च्‍चिया, अरा लॆम उर्मी बली तिसग्रा केरा, अरा ओर्मा गुड़रकर ही बींड़ी कोल्‍लरा केरा।

त‍इरकर 5:19

लिकिन माख़ा उर्बासी ओन्‍टा पैकस जेहेल ही बलिन तिसगस ती आरिन बहरी ओन्‍द्रस ती बाचस,

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का: