त‍इरकर 11:3 - पुना गच्छरना NT (BSI)

³ अरा बाचर, “नीन गा नन-यहूदीर ही एड़पा नू कोर्चकय अरा आर ही संगे ओंडकय।”

त‍इरकर 11:3 ပူးပေါင်းရင်းမြစ်များ

मत्तायोस 9:11

अरा फरिसीर इदिन ईरयर ती आसी चेलारिन मेंजर, “निम्‍है गुरुस मालगुजारी ऊज‍'उर अरा पपहर गने एन्‍देरगे ओन्‍दस?”

लू‍कस 15:2

फरिसीर अरा नॆग सिखाब'उर, “ईस गा पपहा आलर गने भिड़ाब'अदस अरा आर ही गने ओन्‍दस मॊख़दस” ब'अरकी कुटमुटर'आ हेलरर।

यॊहनस 18:28

फिन आर कैफस गुस्‍ते येसुसिन रोमी राजी ख़ापुसी गढ़िया नू होच्‍चर। आ बारी बिज्‍जना बेड़ा रहचा। आर गढ़िया भितरी इदगे मल केरर का आर सोतरा मल मनोर अरा कट्टना परब ही ओन्ना-मॊख़नन मॊख़ा ओंगोर।

त‍इरकर 10:23

ख़ने पतरस आरिन भितरी मीख़ियस ती पाही ईरियस। दोसर उल्‍ला पतरस चॊचस ती आर ही गने केरस। अरा योप्‍पॆ ता जोक्‍क पत्त'ऊ भइय्योर हूँ आसी गने केरर।

त‍इरकर 10:28

अरा आस आरिन बाचस, “नीम गा अख़दर का ओर्त यहूदी आलस गे नन-यहूदीर गने भेंट मन्ना मलता आर ही एड़पा नू कोरना यहूदीर ही नॆग ही बिड़दो र'ई। लिकिन धर्मेस एंगा गे दहदर नंजस का एक‍अम आलारिन नेम्‍हा मलकस मलता सोतबोड़'आ मल ब'अना र'ई।

त‍इरकर 10:32

औंगे नीन योप्‍पॆ नगरे नू आल त‍इय्या ती सिमॊनसिन नॆकन पतरस ब'अनर आसिन मॆख़ा। आस चमरस सिमॊनसी एड़पा नू ओक्रकादस, आसी एड़पा समुदर पिंडी नू र'ई।’

त‍इरकर 10:48

अरा आस आर गे येसु मसीसी नामे ती नॊड़र'आ गे आनियस। तहाँ आर पतरसिन जोक्‍क उल्‍ला तम्‍है गुसन र'आ गे बाचर।

1 कोरिन्‍थ 5:11

लिकिन अक्‍कुन ऎन निमा गे लिखदन का नीकईम तंगन पत्त'ऊ ब'अरकी आस पेहरन ही सोतरा नलख ननू महले लोभिया महले मूर्तिन ऒड़ लग्‍गू महले केबर'ऊ महले उंखू महले ठक'ऊ र'अदस होले, आस गने अमके मेस्र'आ, अरा एन्ने बेसे आलर गने ओन्‍ना मॊख़ना नू हूँ अमके मना।

गलातिया 2:12

याकॊबस तरती जोक्‍क आलर बरचर, अदही ती मुन्‍द पतरस नन-यहूदीर गने ओक्‍करकी ओना मॊख़ा लगियस। लिकिन आर बरचर ख़ने आस खतना मंजका आलर ही इल्‍चिक'आ ती पछली मंजस केरस अरा तरकूटी मना हेलरस।

2 यॊहन 1:10

एकअम ओर्तस निम्है गुसन बर'ओस ती मसीसी ई सिखाब'अना ती नन्ना कत्थन सिखाब'अदस होले, आसिन निम्है एड़पा नू अमा परघ'आ अरा आसिन मोंजरा हूँ अमा नना।