त‍इरकर 11:23 - पुना गच्छरना NT (BSI)

²³ बरनबास असन अंड़सियस ती धर्मेसी सोग्‍गे आबोन ईरियस ख़ने आस रिझ्रस। आस ओर्मारिन उर्बस नू सौंसे जिया ती मानिम गने बड़ियर र'आ गे रिझ्रताचस।

त‍इरकर 11:23 ပူးပေါင်းရင်းမြစ်များ

मत्तायोस 16:24

फिन येसुस तंग्‍है चेलारिन बाचस, “नीक‍ईम एंग्‍है चेला मना बेद्ददर होले, आर गे ताम तम्‍है नना बेद्दना लेका अम्‍बोर नना, ऊजी नू तम्‍है क्रुस आबोन चेड़'अरकी एंग्‍है गने चॊंख़्रना र'ई।

मरकुस 2:5

येसुस अक्‍खस का ऎन ई लकवा बेमरहासिन कोड़े नना ओंग्दन एन्ने आर पत्त'अनर, अरा आर ही नलखन ईरियस ती लकवा बेमरहासिन बाचस, “अना ख़द्द! ऎन निंग्‍है पाप गुट्ठिन छमा नन्‍दन।”

यॊहनस 15:4

नीम एंग्‍है नू बन्चका र'आ, अरा ऎन निम्‍है नू बन्चका र'ओन। एकन्‍ने लड़ंग अंगुर ख़ोप्‍पा नू मल बन्चकी र'ओ ती, आद तंग्‍है ती ख़ंजपा चि'आ पुल्‍ली। अन्नेम नीम हूँ एंग्‍है नू मल बन्चका र'ओर होले, ख़ंजपा चि'आ पोल्‍लोर।

त‍इरकर 13:43

सभा मुंज्रा अदही ख़ॊख़ा नगदे बग्‍गे यहूदीर अरा यहूदी धरम नू बरचका नन-यहूदीर पौलुस अरा बरनबास गने चॊंख़्रर। पौलुस अरा बरनबास आर ही गने कछनख्रर अरा धर्मेसी सोग्‍गे नू बड़ियर र'आ गे आनियर।

त‍इरकर 14:22

अरा आर असन ता पत्त'ऊ आलारिन बड़ियर नंजर अरा पत्त'अना नू ठिमठिमने इज्जका र'आ गे रिझ्रताचर। अरा बाचर, “नमा नगदे खिलपत मॊख़रकी धर्मेसी राजी नू कोरना र'ई।”

त‍इरकर 14:26

असले ती आर कोहाँ डोंगा अरगियर ती सीरिया राजी ता अन्‍तियोख़ेया किर्रिम बिच्‍चियर। इसन दिम आर पत्त'ऊ आलर ती धर्मेसी सोग्‍गे गे सोंपरकाचर ती अक्‍कु आर नंज मुंजका ई नलख गे त‍इरकाचर।

त‍इरकर 15:40

लिकिन पौलुस सीलासिन चज्‍जियस, अरा भइय्योर ती उर्बासी सोग्‍गे नू सोंपरस ती असलेक किर्रिम बिच्‍चियस।

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

त‍इरकर 20:32

अक्‍कु ऎन निमन धर्मेस गे अरा आसी मया ही कत्‍था नू अम्‍बदन, आद निमन परद'आ उंगी, अरा धर्मेस नेम्‍हा मंजका उर्मी आलर नू मेस्र'अरकी आसीस चि'आ उंगी।

त‍इरकर 4:36

यॊसॆफस नामे कुप्रियोस टापू ता लेवी गोतोर ता ओर्तोस रहचस, आस गे त‍इरकर बरनबास नामे पिंजकाचर इदही माने “रिझ्रत'ऊ ख़द्दस” हवे।

रोमी 12:8

एकास गे रिझाब'अना ही ख़ंजपा र'ई, आस नन्नारिन रिझाब'अना नू बोथ्रका र'अना र'ई। अरा एकास गे दान चि'अना ही ख़ंजपा र'ई आस चि'अना नू हरकट मन्ना र'ई। एकास गे कड़हाब'अना ही ख़ंजपा र'ई आस गे अदिन मानिम गने नन्ना र'ई। एकास गे सोग्‍गे ऎदना ही ख़ंजपा र'ई, आस गे अदिन रिझ ती नन्ना र'ई।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

2 कोरिन्‍थ 1:17

ऎन मल बरचका ती नीम एन्देर सोचदर? एन्देर ऎन इदन चिताबुता नन्ना बारी सेब्‍बा ती नंजकन का? महले ओन घड़ी नू “हाँ हाँ” एन्ने, अरा “मला मला” एन्ने ब'अना लेक्‍खा ऎन सौंसार आलर लेक्‍खा चिताबुता नन्‍दन का?

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

कोलोस्से 1:6

निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

2 तीमोथियुस 3:10

लिकिन ऎन आलारिन एन्‍देर सिखाब'अदन, अरा एकासे ऎन उज्‍जदन, अरा एंग्‍है उज्‍जना नू एंग्‍है चिताबुतन, अरा धर्मेस नू एंग्‍है पत्त'अनन, अरा आलर नू एंग्‍है कयास अरा चोन्‍हा नन्नन अरा दुक्‍खे सारनन नीन बॆस अख़दय।

1 पतरस 5:12

ऎन निमा गे ई चिठिन सीलासी संगरा ती सन्नी रूपे नू लिखचकन ती तइय्दन। आसिन ऎन ओन्टा पत्त'अना जॊगे भई अख़दन। निमन रिझ्रत'आ गे अरा ईदिम धर्मेसी मानिम मया एन्ने गोवाह तेंगा गे ऎन इदन लिखचका र'अदन। औंगे ई मया नू नीम बड़ियर बन्चका र'आ।

1 यॊहन 2:28

अक्कु अना चोन्हा ख़द्दारो, आस दहदर मन्ना बारी आसी किर्रना नू नाम आसी मुन्दहारे बिगर लज्जे मॊख़रकी डिढ गने र'आ गे आस नू बन्चका र'आ।

3 यॊहन 1:4

एंग्है ख़द्द-ख़र्रर मानी नू उज्जा लगनर एन्ने मेन्ना ती नन्ना कोड़हे रिझ्रना एंगा मलकी।

यहूदा 1:4

ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।