त‍इरकर 11:20 - पुना गच्छरना NT (BSI)

²⁰ लिकिन अबड़र नू जोक्‍कोर कुप्रोस टापू अरा कुरॆनॆ नगरे ता आलर रहचर। अरा अबड़र अन्‍तियोख़ेया अंड़सियर ती नन-यहूदी आलारिन हूँ उर्बा येसुसी दौ कत्‍था तेंगा लगियर।

त‍इरकर 11:20 ပူးပေါင်းရင်းမြစ်များ

मत्तायोस 27:32

फिन सैनर येसुस गने नगरे ती बहरी काला लगियर ख़ने, आर सिमॊन नामे ओन्‍टा कुरॆनॆ नगरे ता आलासिन येसुसी क्रुस आबोन चेड़'आ गे बिट्ठी नू धरचर।

यॊहनस 7:35

ख़ने यहूदी मुद्धर ताम तामिम बाचर, “ईस एक्‍सन क'ओस, ख़ने नाम ईसिन बेद्दा पोल्‍लोत? ईस नन्ना राजी गुट्ठी नू युनानीर मझी नू उज्जू नम्‍है आलर गुसन क'ओस ती युनानीरिन सिखाब'ओस का?

त‍इरकर 11:19

स्‍तेफनोसिन पिटका ही ख़ॊख़ा मंजका कल्‍पारना चड्डे एका एका ओर्तर भगियारका केरका रहचर, आर फोइनिकॆ चकभार अरा कुप्रोस टापू अरा अन्‍तियोख़ेया ‍नगरे गूटी यहूदीर गे लेका दौ कत्‍था तेंगा कुद्दा लगियर।

त‍इरकर 11:22

येरुसलॆम कलीसिया ता आलर इबड़ा कत्‍था ही पत्त नू मेंजर ख़ने, आर बरनबासिन अन्‍तियोख़ेया त‍इय्यर।

त‍इरकर 11:26

अरा आसिन बिद्दियस ती अन्‍तियोख़ेया ओन्‍द्रस। अबड़र इरबारिम ओन बछर गूटी अइय्या ता कलीसिया नू रहचर ती नगदे बग्‍गे आलारिन सिखाब'आ लगियर। अरा अन्‍तियोख़ेया नू उर्मी ती मुन्‍द पत्त'ऊ आलर मसीर बातारर।

त‍इरकर 11:27

अबड़ा उल्‍ला नू जोक्‍क धर्मेसी कत्‍था तिंगुर येरुसलॆम ती अन्‍तियोख़ेया बरचर।

त‍इरकर 13:1

अन्‍तियोख़ेया कलीसिया नू कैनो बग्‍गे धर्मेसी कत्‍था तिंगू अरा सिखाब'ऊ आलर रहचर। इबड़र बरनबास अरा नीगेर बारना सिमॊन अरा कुरॆनॆ नगरे ता लूकियोस अरा बॆलस हॆरॊदॆस अंटिपसी संगे परदका मनायॆन अरा स‍उल हिकनर।

त‍इरकर 14:26

असले ती आर कोहाँ डोंगा अरगियर ती सीरिया राजी ता अन्‍तियोख़ेया किर्रिम बिच्‍चियर। इसन दिम आर पत्त'ऊ आलर ती धर्मेसी सोग्‍गे गे सोंपरकाचर ती अक्‍कु आर नंज मुंजका ई नलख गे त‍इरकाचर।

त‍इरकर 15:22

तहाँ त‍इरकर अरा सेयान आलर कलीसिया ता उर्मिर गने तिगचर का नम्‍है ती जोक्‍क आलारिन चाजोत ती पौलुस अरा बरनबास गने अन्‍तियोख़ेया त‍इय्योत। आर इबड़र हिकनर का बरसब्‍बास बारना यूदस अरा सीलास, ईर पत्त'ऊ आलर नू मुध रहचर।

त‍इरकर 15:23

अरा आर ही ख़ेक्खा नू ई चिठिन त‍इय्यर: “अन्‍तियोख़ेया अरा सीरिया अरा किलिकिया ता नन-यहूदी पत्त'ऊ भइय्योर गे ऎम त‍इरकर अरा सेयान आलर अरा येरुसलॆम ता पत्त'ऊ भइय्योर ही मोंजरा।

त‍इरकर 15:30

आर बिदा मंजर ती अन्‍तियोख़ेया केरर अरा असन अंड़सियर ती कलीसिया आबोन जुमाबाचर ती चिठिन चिच्‍चर।

त‍इरकर 17:18

अरा एपिकूरी अरा स्‍तोईकी धरम ता जोक्‍क सिखाब'उर आसी गने कत्‍था बरता मना हेलरर। अरा जोक्‍कोर बाचर, “ई पोरपोरोस एन्‍देर ब'आ बेद्ददस?” अरा नन्नर बाचर, “ईस गा नन्ना देंवता गुट्ठी ही कत्‍था तिंगुस लगदस।” एन्‍देरगेका पौलुस येसुसी अरा आसी उज्‍जा चो'अना ही पत्त नू तेंगा लगियस।

त‍इरकर 18:22

अरा आस कैसरेया अंड़सियस। अरा असलेक ती आस केरस ती कलीसियन मोंजरा नंजस, फिन आस अन्‍तियोख़ेया किर्रियस।

त‍इरकर 2:10

अरा फ्रुगिया अरा पम्‍फुलिया अरा मिसर अरा कुरॆनॆ हेद्दे ता लीबिया चक ता आलर अरा रोम ती कुद्दा ऎरा बरचका आलर

त‍इरकर 4:36

यॊसॆफस नामे कुप्रियोस टापू ता लेवी गोतोर ता ओर्तोस रहचस, आस गे त‍इरकर बरनबास नामे पिंजकाचर इदही माने “रिझ्रत'ऊ ख़द्दस” हवे।

त‍इरकर 5:42

उर्मी उल्‍ला आर धर्मेसी मन्दिर चाली नू अरा एड़पा एड़पा नू काला लगियर ती सिखाब'आ लगियर अरा तेंगा लगियर का येसुस दिम मसीस हिकदस।

त‍इरकर 6:1

अबड़ा उल्‍ला नू पत्त'ऊ आलर बग्‍गे मन्नुम कालालियर ख़ने, युनानी भखा कछनख्र'ऊ यहूदी पत्त'ऊ आलर इब्रानी भखा कछनख्र'ऊ यहूदी पत्त'ऊ आलारिन कुटमुटर'आ हेलरर, एन्‍देरगेका एम्‍है रड़ियाहीर गे उर्मी उल्‍ला ता मंडी बटा बॆस लगे मल ख़क्‍ख्र'ई।

त‍इरकर 6:5

ई कत्‍था उर्मी खोंड़हा गे बॆस लग्‍गिया, ख़ने आर सात आलारिन चज्‍जियर। आर ईर हिकनर का पत्त'अना अरा नेम्‍हा बॊलतस नू पोकता रहचका स्‍तेफनोस अरा फिलिप्‍पोस अरा प्रोख़ोरोस अरा निकानॊर अरा तीमॊन अरा परमेनास अरा अन्‍तियोख़ेया नगरे ता निकालाउस एकास मुन्द यहूदी धरम नू मन्रका नन-यहूदी रहचस।

त‍इरकर 6:9

तहाँ बिट्ठी नन्ना ती अम्‍बरका आलर ही गोड़हा एड़पा ता जोक्‍कोर स्‍तेफनोसी बिड़दो नू चॊचर ती आनानख्र'आ हेलरर। आर कुरॆनॆ अरा अलेक्‍सन्‍द्रिया अरा किलिकिया अरा आसिया ता यहूदी आलर रहचर।

त‍इरकर 8:35

ख़ने फिलिप्‍पोस ब'आ हेलरस का नेम्हा पुथी ही ई कत्‍था ती ऒर नन्नुम येसुसी दौ कत्‍थन आस गे तिंगियस।

त‍इरकर 8:5

तहाँ फिलिप्‍पोस समारिया ता ओन्‍टा नगरे नू केरस ती अइय्या ता आलारिन मसीसी पत्त नू तेंगा लगियस।

त‍इरकर 9:20

आस लॆम गोड़हा एड़पा गुट्ठी नू येसुसी पत्त नू तेंगा हेलरस का, “येसुस धर्मेसी ख़द्दस हिकदस।”

त‍इरकर 9:29

अरा आस युनानी भखा कछनख्र'ऊ यहूदी आलर गने कछनख्र'आ अरा आनानख्र'आ लगियस। आर गा आसिन पिटा गे चिहुट नना लगियर।

1 कोरिन्‍थ 2:2

एन्‍देरगेका ऎन निम्‍है नू येसु मसी अरा क्रुस नू आसी खे'अनन अम्‍बरकी नन्‍ना इन्द्रिइम ही पत्त नू मल तेंगा गे तिगचका रहचकन।

गलातिया 2:11

पतरस अन्‍तियोख़ेया बरचस ख़ने ऎन आसी छम्‍हा छम्‍हें आस गने आनानख्रकन। एन्‍देरगेका आस नू गुन्‍हा रहचा।

इफेसुस 3:8

ऎन उर्मी नेम्हा आलर ती सन्नी र'अदन, अन्नु हूँ एंगा गे ई मया चितारा का ऎन नन-यहूदीर गे मसीसी मल मुंज्रना कोहाँ खुर्जी ही पत्त ता दौ कत्‍थन तेंगोन।