त‍इरकर 11:2 - पुना गच्छरना NT (BSI)

² औंगे पतरस येरुसलॆम अंड़सियस ख़ने, यहूदी पत्त'ऊ आलर आसी गने आनानख्रर।

त‍इरकर 11:2 ပူးပေါင်းရင်းမြစ်များ

त‍इरकर 10:45

ख़ने पतरस गने बरचका यहूदी पत्त'ऊ आलर इदिन ईरियर ती अनचकरर केरर, एन्‍देरगेका नन-यहूदीर गे हूँ नेम्‍हा बॊलतासी इनाम ख़क्‍ख्रकी रहचा।

त‍इरकर 10:9

दोसर उल्‍ला आर बर'आ लगियर ती नगरे हेद्दे अंड़सियर ख़ने, पतरस नेख़'ओन लोहाड़ी बारा बजे गोहरार'आ गे पाटन म‍इय्याँ केरस।

त‍इरकर 15:1

जोक्‍क आलर यूदेया राजी ती सीरिया राजी ता अन्‍तियोख़ेया बरचर ती नन-यहूदी पत्त'उरिन एन्ने सिखाब'आ लगियर, “मूसासी सिखाबाचका नॆग ही लेक्‍खा निम्‍है खतना मल मनो होले नीम नाड़र'आ पोल्‍लोर।”

त‍इरकर 15:5

लिकिन फरिसीर ही खोंड़हा ता जोक्‍क पत्त'ऊ आलर इज्‍जर ती बाचर, “नन-यहूदी पत्त'ऊ आलर खतना नन्ना दिम र'ई अरा मूसासी पॆसकन पॆस्रना र'ई।”

कोलोस्से 4:11

अरा यूसतोस बारना येसुस हूँ निमा गे मोंजरा नन्दस। धर्मेसी राजी ही नलख नू एंग्‍है गने सुसर ननुर मझी नू ईर लेका यहूदीर हिकनर। ईर एंगा गे जिया सालना चि'अनर।

तीतुस 1:10

एन्‍देरगेका नगदे आलर मल गदन‍'ऊ अरा अन्‍भनियाँ कछनख्र‍'ऊ अरा ठक‍'ऊ र'अनर। कोड़हे गा नाड़र'आ गे खतना ही चाड़ र'ई ब'ऊ आलर एन्ने र'अनर।