त‍इरकर 10:4 - पुना गच्छरना NT (BSI)

⁴ आस आसी म‍इय्याँ ओन ढिठ ईरियस ती इल्‍चियस अरा बाचस, “उर्बायो, एन्‍द्रा?” ख़ने मेर्ख़ा पौकस बाचस, “निंग्‍है गोहरारनन अरा निंग्‍है कीड़र गे चि'अनन ओन्टा दाँड़े बेसे धर्मेस इंझ्रका र'अदस।

त‍इरकर 10:4 ပူးပေါင်းရင်းမြစ်များ

मत्तायोस 26:13

ऎन निमन मानिम ब'अदन का सौंसे ख़ॆख़ेल नू एसन एसन दौ कत्‍था तेंग्र'ओ असन असन ईद ही नलख ईद ही सुरता गे तेंगतार'ओ।”

लू‍कस 1:29

मरियम गा पैकासी ई कत्‍थन मेंजा ती नगदे अकबकरा अरा आद सोच'आ हेलरा का, “ईद एका लेक्‍खा परिछ'अना हवे?”

लू‍कस 24:5

आर इल्‍चियर ती ख़ॆख़ेल तरा तुर'उ नंजर चिच्‍चर। तहाँ आ आलर आरिन बाचर, “नीम उज्‍जुसिन केचका नू एन्‍देरगे बेद्ददर?

त‍इरकर 10:31

आस बाचस, ‘कोरनेलियोस, निंग्‍है गोहरारना मेन्‍तारकी र'ई। अरा नीन कीड़र गे चिच्कादय अदिन धर्मेस सुरता नंजकादस।

त‍इरकर 14:9

आस पौलुसी ब'अनन मेना लगियस ख़ने, पौलुस आसिन ओन ढिठ ईरियस ती धर्मेस एंगन कोड़े नना ओंग्दस एन्ने आसी पत्त'अनन अक्‍खस।

त‍इरकर 22:10

ख़ने ऎन बाचकन, ‘उर्बायो, ऎन एन्‍देर ननोन?’ उर्बस एंगन बाचस, ‘चो'आ ती दमसकोस कला, अरा एन्‍देर निंगा नना गे उइरकी र'ई असन निंगन जम्मा तेंगतार'ओ कालो।’

त‍इरकर 3:4

पतरस अरा यॊहनस आसिन थिथावाँ ईरियर, अरा पतरस बाचस, “एम्‍है तरा ऎरा!”

फिलिप्‍पी 4:18

ऎन नीम तइय्का उर्मिन ख़क्खकन, ईद एंग्है चाड़ ती बग्गे र'ई। नीम एपाफ्रोदितोस ती तइय्का इनाम गुट्ठिन ख़क्‍खकन ती ऎन उड़चकन केरकादन। आद गा महकारना दान अरा इंझ्रना जॊगे दाँड़े बेसे हवे, एकदा धर्मेस गे दौ लग्‍गी।

फिलिप्‍पी 4:6

एन्‍देर कत्‍था गे हूँ अमा घोख'आ। लिकिन उर्मी कत्‍था नू निम्‍है ने'अना, गोहरारना अरा जलिय'अना ती धन्‍यवाद गने धर्मेसी मुन्दहारे अंड़सी नेक'आ।

इब्रानी 13:16

अरा दौ नना गे अरा निम्‍है जिनिसन चाड़ नू र'उर गे ख़ट्टा गे अमा मोध्र'आ, एन्‍देरगेका एन्ने लेक्‍खा दाँड़े गुट्ठी तिम धर्मेस रिझ्रदस।

इब्रानी 6:10

धर्मेस गा मलदौ नेंव‍ई ननू मलदस। नीम आस गे एका कोड़हे नलख नंजकर अरा नीम अक्‍कु नन्ना लेक्‍खा एकासे आसिन पत्त'ऊ आलर गे संगरा नन्ना ती निम्‍है आसी म‍इय्याँ ता चोन्‍हा आबोन ऎदकादर, अदिन आस मल मोधर'ओस।

दहदर मंजका कत्‍था 8:4

अरा मेर्ख़ा पैकासी ख़ेक्खा ती धूप ही कुहड़ा नेम्‍हा आलर ही गोहरारना गुट्ठी गने मइय्याँ अर्गिया अरा धर्मेस गुसन अंड़सिया।