त‍इरकर 10:22 - पुना गच्छरना NT (BSI)

²² ख़ने आर बाचर, “कोरनेलियोस नॆ सौ सैनर ही मुद्धस अरा उजगो आलस अरा धर्मेसी इल्‍चुस र'अदस। उर्मी यहूदी आलर आसी म‍ईन नन्नर। आस गे ओन्‍टा नेम्‍हा पैकस निंगन आसी एड़पा नू मॆख़ा ओन्‍द्र'आ गे पॆसस अरा निंग्‍है ती सिख्र'आ गे बारकी र'ई।”

त‍इरकर 10:22 ပူးပေါင်းရင်းမြစ်များ

मत्तायोस 1:19

अन्‍ति अदही आलस यॊसॆफस उजगो रहचस अरा अदिन नठाब'आ मल बेद्दालियस, औंगे आस अदिन कलेकसे अम्‍बा गे तिहा ननालियस।

मत्तायोस 2:12

अरा आर गे तुंगुल नू चॆत ख़क्‍खरा का हॆरॊदॆस गुसन अमके किर्रा। औंगे आर नन्ना डहरे नू तम्‍है राजी किर्रिम बिच्चियर।

मरकुस 6:20

हॆरॊदॆस इदिन नंजस एन्‍देरगेका आस यॊहनसिन इल्चियस अरा आस अक्‍खस का यॊहनस ओन्‍टा उजगो अरा नेम्‍हा आलस रहचस। बॆलस बल्‍लालियस का ऎन एन्‍देर ननोन, लिकिन आसी कत्‍थन मेना बिद्दियस।

मरकुस 8:38

पपहर ही ई परिया नू नीक‍ईम एंग्‍है कत्‍थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्‍दहारे तेंगा गे लजर'ओस होले, आसिन ऎन हूँ नेम्हा मेर्ख़ा पैकर गने एम्‍बासी महबा नू किर्रना बारी ‘ईस एंग्‍है चेलस हिकदस’ एन्ने ब'आ गे लजर'ओन।”

लू‍कस 2:25

आ बेड़ा येरुसलॆम नू सुमेयॊन नामे ओन्‍टा पचगी रहचस। आस उजगो अरा भगती आलस रहचस। आस इस्राऎल ही नाड़रनन ओन्‍द्र'उसी पाब ऎरालियस। अरा नेम्‍हा बॊलतस आसी म‍इय्याँ रहचस।

लू‍कस 23:50

असन यॊसॆफस नामे यहूदीर ही सभा ता आलस रहचस। आस दौ अरा उजगो आलस रहचस।

लू‍कस 9:26

नीक‍ईम एंग्‍है कत्‍थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्‍दहारे तेंगा गे लजर'ओस होले, आसिन ऎन हूँ ‘ईस एंग्‍है चेलस हिकदस’ एन्ने ब'आ गे लजर'ओन, इकला ऎन नेम्हा मेर्ख़ा पैकर गने एंग्‍है महबा अरा एम्‍बासी महबा नू किर्रोन।

यॊहनस 13:20

ऎन निमन मानिम ब'अदन, ऎन तइय्‍का नॆक'अनिम नॆ इंझ्रदस, आस एंगन हूँ इंझ्रदस। अरा नॆ एंगन इंझ्रदस, आस एंगन नॆ तइय्कादस आसिन हूँ इंझ्रदस।”

यॊहनस 17:20

ऎन इबड़ा चेलर गे लेका मल गोहरारदन, लिकिन ईर तेंगना कत्‍था ती नॆ एंगन पत्त'ओर, आर गे हूँ गोहरारदन।

यॊहनस 17:8

एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

यॊहनस 6:63

नेम्‍हा बॊलतस दिम उज्‍जनन चि'अदस, आल सवंग ती ईद मना पुल्ली, एका कत्‍था गुट्ठी निमन तिंकन अबड़ा उज्‍जना चि'ऊ बॊलतस ती हवे।

यॊहनस 6:68

सिमॊन पतरस आसिन आनाकिर्ताचस, “उर्बायो, ऎम नॆख'आ गुसन क'ओम? निंग्‍है गुसन गा जनमजुग उज्‍जना ही कत्‍था गुट्ठी र'ई।

त‍इरकर 10:2

आस अरा आसी एड़पा ता उर्मी आलर धर्मेसिन एल्‍चा लगियर अरा महबा ननू रहचर। अरा आस कीड़र गे बग्‍गे चि'आ लगियस अरा ओर्मा बेड़ा धर्मेसिन गोहरार'आ लगियस।

त‍इरकर 10:21

पतरस इत्तियस ती आर ही गुसन केरस ती बाचस, “नीम नॆकन बेद्दा लगदर आस ऎन हिकदन‍। निम्‍है इसन बरना ही एन्‍देर चड्डे र'ई?”

त‍इरकर 10:30

कोरनेलियोस किर्त'अर बाचस, “चार उल्‍ला मुन्‍द ई बेड़ा नुम ऎन एंग्‍है एड़पा नू ओनबीड़ी तीन बजे गोहरार'आ लिक्‍कन। आ बारी आचका बिलचना किचरी अत्तका ओन्‍टा आलस एंग्‍है मुन्‍दहारे बरचस ती इज्‍जस।

त‍इरकर 10:33

औंगे ऎन लॆम निंगन मॆख़ा त‍इय्कन। अरा नीन बरचकय ती दौ नंजकय। एमा तेंगा गे उर्बस निंगा एन्‍देर एन्‍देर पॆसस अदिन मेना गे ऎम ओर्मम धर्मेसी मुन्‍दहारे ख़ॊंड़रका र'अदम।”

त‍इरकर 10:6

आस सिमॊन नामे चमरस गुसन ओक्रका र'अदस, आसी एड़पा समुदर पिंडी नू र'ई।”

त‍इरकर 11:14

आस एन्‍देर कत्‍था सिखाब'ओस अदही ती निंगा अरा निंग्‍है सौंसे एड़पातर गे नाड़रना ख़क्ख्र'ओ।’

त‍इरकर 22:12

तहाँ हनानिया नामे आलस एंगन ऎरा बरचस। आस मूसासी नॆगन भगती गने पॆस्र'ऊ आलस रहचस। आस असन र'ऊ उर्मी यहूदी आलर नू बॆस नामे आलस रहचस।

त‍इरकर 24:15

एंगा धर्मेस ती असरा र'ई, एकासे ईर गे हूँ र'ई का, उजगो आलर अरा पपहर इरबर ही उज्‍जा चो'अना मनो।

त‍इरकर 6:3

औंगे अना भ‍ईरो, निम्‍है ती सात गोटंग आलारिन चाजा, नॆ नेम्‍हा बॊलतस अरा लूर ती निन्‍द्रका ती बॆस नामे ख़क्‍खका र'अनर, आरिन ई नलख नू ओक्‍त'ओत।

रोमी 1:17

नेम्‍हा पुथी नू लिख्रकी र'ई, “उजगो आलर धर्मेस नू असरा नन्ना ती उज्‍जोर।” एन्ने ई दौ कत्‍था नमन ब'ई का एकासे धर्मेस नमन उजगो कमदस। ईद पत्त'अना ती दिम हुल्‍लो अरा हुल्‍लो गूटी मनी।

2 कोरिन्‍थ 5:18

अरा इबड़ा उर्मी धर्मेस ती मंजकी र'ई। आस दिम मसीस ती नमन तंग्है गने मेसाबाचस, अरा ई मेसेर नख्रत'अना ही नलखन एमा सोंपचकादस।

1 तीमोथियुस 3:7

आस सौंसरिहर नू हूँ बॆस नामे ख़क्ख्रका आलस मन्ना र'ई। औंगे आस निन्‍दा ख़क्‍ख्रकी सैतान ही फंदा नू मल खत्र'ओस।

इब्रानी 10:38

एंग्‍है उजगो आलर पत्त'अना ती उज्‍जोर। लिकिन अबड़र नू एक‍अम ओर्तस पछली किरदस होले, ऎन आसिन मल पत्तार'ओन।”

इब्रानी 11:2

एन्ने लेक्‍खा पत्त'अना ती नम्‍है पूरखर बॆस गोवाह ख़क्‍खियर।

इब्रानी 12:23

नीम धर्मेसी जेट्ठर ख़ॊंड़रना ही कलीसिया नू बरचकादर। ई जेट्ठर ही नामे मेर्ख़ा नू लिख्रकी र'ई। अरा नीम उर्मी आलारिन नेंवई ननू धर्मेस गुसन बरचकादर। अरा नीम पखड़ मंजका उजगो आलर ही बॊलता गुट्ठी र'ऊ अड्डा गे बरचकादर।

2 पतरस 3:2

ऎन बेद्ददन का, नेम्हा धर्मेसी कत्था तिंगुर ती चिरान नू तिंका कत्था गुट्ठिन, अरा निम्है तइरकर ती चितारका नम्है उर्बस अरा नाड़ुसी पॆसका गुट्ठिन निमा सुरता नन्ना र'ई।

3 यॊहन 1:12

दॆमॆत्रियोसी पत्त नू ओर्मर बॆस गोवाह तेंगनर, अरा मानी हूँ आसी पत्त नू बॆस गोवाह चि'ई। अरा ऎम हूँ आसी पत्त नू बॆस गोवाह चि'अदम। अरा नीन अख़दय का एम्है गोवाह मानिम र'ई।

दहदर मंजका कत्‍था 14:10

धर्मेस आसी मइय्याँ कोड़हे कैर मनोस ती बग्गे दंडे चि'ओस। अरा आस नेम्‍हा मेर्ख़ा पैकर ही मुन्दहारे अरा भेंडो ख़द्द मसीसी मुन्दहारे चिच्‍ची अरा गन्धक ही डाहरनन भोग'ओस।