त‍इरकर 1:8 - पुना गच्छरना NT (BSI)

⁸ लिकिन इकला नेम्‍हा बॊलतस निम्‍है म‍इय्याँ एत्तोस, नीम सवंग ख़क्‍खोर अरा येरुसलॆम नू अरा गोट्टा यूदेया अरा समारिया नू अरा ख़ॆख़ेल ही ठुट्ठु गूटी नीम एंग्‍है गोवाह मनोर।”

त‍इरकर 1:8 ပူးပေါင်းရင်းမြစ်များ

मत्तायोस 24:14

अरा धर्मेसी राजी ही ई दौ कत्‍था सौंसे ख़ॆख़ेल नू मेन्‍द्र'ओ का उर्मी राजी ता आलर इदन मेनोर, फिन मुंज्रना अंड़सा ख़च्‍चो।

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

मरकुस 16:15

अरा आस आरिन आनियस, “सौंसे ख़ॆख़ेल नू कला अरा उर्मी आलर गे दौ कत्‍थन मेन्‍त'आ।

लू‍कस 1:35

पैकस बाचस, “नेम्‍हा बॊलतस निंग्‍है म‍इय्‍याँ बर'ओस, अरा उर्मी ती कोहाँ धर्मेसी सवंग निंग्‍है म‍इय्‍याँ ऎख़ ननो। औंगे एका बॊलॊ ख़द्दस कुन्‍द्र'ओस आस नेम्‍हा मनोस, अरा आस धर्मेसी तंग्‍दस बातार'ओस।

लू‍कस 10:19

ऎरा! निमन ऎन मलदौ बॊलता लेक्‍खा नेर्रे गुट्ठिन दरा बिछी गुट्ठिन तिरख़ा गे अरा बैरी सैतान ही उर्मी सवंग ही म‍इय्याँ सवंग चिच्कादन, अरा निमा इन्द्रिइम आलॊ ती एन्‍देर हूँ मल मनो।

लू‍कस 24:29

लिकिन आर आसिन गोहरारर, “एम्‍है गने र'आ, एन्‍देरगेका बीड़ी पुत्तया ने, अरा उल्‍ला केरा।” ख़ने आस आर गने र'आ केरस।

यॊहनस 15:27

अरा नीम हूँ एंग्‍है पत्त नू गोवाह चि'अना र'ई, एन्‍देरगेका ऒड़ तिम नीम एंग्‍है गने रहचकादर।

त‍इरकर 1:22

आस येसुस यॊहनस ती नॊड़रस ती मेर्ख़ा होतारना गूटी एम्‍है गने रहचका आलर ती ओर्तोस र'अना र'ई। आस एम्‍है गने येसुसी उज्‍जा चो'अना ही गोवाह र'ओस।”

त‍इरकर 1:5

यॊहनस गा अम्मु ती नॊड़रताचस, लिकिन जोक्‍क उल्‍ला ख़ॊख़ा नीम नेम्‍हा बॊलतस ती नॊड़तार'ओर।”

त‍इरकर 13:31

अदही ख़ॊख़ा आस नगदे उल्‍ला गूटी नॆ आसी पिटरना ही मुन्द आसी गने गलिलेया ती येरुसलॆम बरचका रहचर आर गे ऎथ्र'आ लगियस। अक्‍कु आरिम आलर ही मुन्‍दहारे आसी गोवाह र'अनर।

त‍इरकर 2:32

ई येसुसिन धर्मेस केचका ती उज्‍जताचस चॊदस, ऎम ओर्मम इदही गोवाह हिकदम।

त‍इरकर 22:15

एन्‍देरगेका नीन उर्मी आलर गे आसी गोवाह मनोय, एकदन नीन ईरकय अरा मेंजकय।

त‍इरकर 3:15

अरा नीम उज्‍जना ही अक्‍स'उसिन पिटकर, अरा आसिन धर्मेस केचका ती उज्‍जना चॊदस, अरा इबड़ा कत्‍था ही ऎम गोवाह र'अदम।

त‍इरकर 4:33

त‍इरकर कोहाँ सवंग गने आलारिन तम्‍है गोवाह आबोन तेंगा लगियर का उर्बा येसुस मानिम नू केचका ती उज्‍जा चॊचस। अरा अबड़ा ओर्मर म‍इय्याँ धर्मेसी कोड़हे मया रहचा।

त‍इरकर 5:32

ऎम इबड़ा कत्‍था ही गोवाह हिकदम, अरा धर्मेस तंगन पॆस्र'उर गे चिच्का नेम्‍हा बॊलतस हूँ गोवाह र'अदस।”

त‍इरकर 6:8

स्‍तेफनोस धर्मेसी मया अरा सवंग ती निन्‍दियस ती कोहाँ अजगुत नलख अरा चिन्‍हा गुट्ठी ऎद'आ लगियस।

त‍इरकर 8:1

स‍उलस स्‍तेफनोसिन पिटना नू हुँकारी नंजकाचस। अउलम येरुसलॆम ता कलीसिया गे कोड़हे खिलपत बरचा। त‍इरकारिन अम्‍बर जम्मर गोट्टा यूदेया राजी अरा समारिया राजी नू बींड़रर केरर।

रोमी 10:18

लिकिन ऎन मेन्‍दन, एन्‍देर इस्राऎलर दौ कत्‍थन मल्‍ला मेंजका का? आर मेंजकम र'अनर। एन्‍देरगेका नेम्‍हा पुथी ब'ई, “आर ही सड़ा सौंसे ख़ॆख़ेल नू बींड़्रकी किरकी र'ई, अरा आर ही कत्‍था गुट्ठी ख़ॆख़ेल ठुट्ठु गुट्ठी गूटी अंड़सिया।”

रोमी 15:19

अबड़ा चिन्‍हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्‍खा ऎन येरुसलॆम ती इल्‍लुरिकोन ही ओनबेंड़र'आ मसीसी दौ कत्‍थन तेंगा कुद्दकन।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।