त‍इरकर 1:3 - पुना गच्छरना NT (BSI)

³ येसुस दुक्‍खे भोगचका अरा केचका ख़ॊख़ा आर गे कोड़हे सबुत ऎदस का तान उज्‍जालदस। अरा आर गे बग्गे हॆल चालीस उल्‍ला गूटी ऎथ्रते रहचस अरा धर्मेसी राजी ही पत्त नू कछनख्रते रहचस।

त‍इरकर 1:3 ပူးပေါင်းရင်းမြစ်များ

मत्तायोस 21:43

औंगे ऎन निमन ब'अदन का धर्मेसी राजी निम्‍है ती होतार'ओ अरा अदही ख़ंजपा चि'अना आलर गे चीर'ओ।

मत्तायोस 28:9

आचका येसुस आरिन भेंट मंजस अरा बाचस, “जोहार,” अबड़र हेद्दे बरचर ती आसी ख़ेड्डेन धरचर ती ऒड़ लगियर।

मत्तायोस 3:2

“जियन किर्त'आ एन्‍देरगेका धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।”

मत्तायोस 4:2

अरा आस चालीस उल्‍ला अरा माख़ा उपास नंजस। इदही ख़ॊख़ा आस गे कीड़ा लग्‍गिया।

मरकुस 16:19

ख़ने उर्बा येसुस आर ही गने कत्‍था कछनख्रका ही ख़ॊख़ा धर्मेस येसुसिन मेर्ख़ा होच्‍चस, अरा आस धर्मेसी तीना चोक्‍ख उक्‍कियस।

यॊहनस 20:26

आठ उल्‍ला ख़ॊख़ा येसुसी चेलर फेन आ एड़पा नू ख़ॊंड़रका रहचर, अरा तॊमस हूँ आर ही संगे रहचस। बली मुच्‍चका रहचा, अन्नु हूँ येसुस भितरी बरचस ती मझी नू इज्‍जस अरा बाचस, “निमा कोड़े मनन!”

यॊहनस 21:1

इदही ख़ॊख़ा अउरिम येसुस तंगन तंग्‍है चेलारिन तिबेरया समुदर पिंडी नू ऎथ्रस। आद एन्ने मंजा।

यॊहनस 21:14

येसुस केचका ती उज्‍जा चॊचस ती तंग्‍है चेलर गे ऎथ्रना, ईद तिसर खेप हवे।

त‍इरकर 13:31

अदही ख़ॊख़ा आस नगदे उल्‍ला गूटी नॆ आसी पिटरना ही मुन्द आसी गने गलिलेया ती येरुसलॆम बरचका रहचर आर गे ऎथ्र'आ लगियस। अक्‍कु आरिम आलर ही मुन्‍दहारे आसी गोवाह र'अनर।

त‍इरकर 19:8

फिन पौलुस तीन महिना गूटी गोड़हा एड़पा काला लगियस ती धर्मेसी राजी ही प‍त्त नू डिड़गर गने यहूदी आलारिन बुझाब'आ लगियस।

त‍इरकर 28:23

ख़ने आर पौलुस गे ओन्‍टा उल्‍ला ओकताचर। अउला नगदे आलर पौलुस डेरा नंजका अड्डा नू जुम्मरर। आस पैरी ती पुतबीरी गूटी धर्मेसी राजी ही पत्त नू फरीफरी आर गे तिंगियस। अरा आस मूसासी नॆग ती अरा धर्मेसी कत्‍था तिंगुर ही पुथी ती येसु मसीसी पत्त नू तेंगना ती आर येसुसिन पत्त'आ गे चिहुट नंजस।

त‍इरकर 28:31

अरा आस बिगर छेके-रुके ती डिढ गने धर्मेसी राजी ही पत्त नू तेंगा कुद्दा लगियस अरा उर्बस येसु मसीसी पत्त नू सिखाब'आ लगियस।

त‍इरकर 8:12

लिकिन धर्मेस आलारिन राजी नन्ना ही पत्त नू अरा येसु मसीसी नामे ही पत्त नू फिलिप्‍पोस दौ कत्‍था मेन्त'आ लगियस ख़ने, आर आसी कत्‍थन पत्ताचर ती मॆतर मुक्‍कर ओर्मर नॊड़रर।

रोमी 14:17

एन्‍देरगेका धर्मेसी राजी ओन्ना-मॊख़ना ही पत्त ता मला, लिकिन ईद नेम्‍हा बॊलतस नू उजगो मन्ना अरा कोड़े अरा रिझ्रना ही पत्त नू र'ई।

कोलोस्से 1:13

आसिम नमन ऊख़ा ही आकुस ती नाड़ियस ती तंग्‍हा चोन्‍हा ख़द्दासी राजी नू मंखियस।

1 थेस्‍सलोनिकॆयर 2:12

ऎम निमन सिखाबाच‍कम अरा रिझ्रताचकम अरा घड़ी घड़ी बुझाब'आ लिक्‍कम का निम्‍है उज्‍जना ओक्‍कना धर्मेसी जॊगे मन्ना र'ई, एकास निमन तंग्‍है राजी अरा महबा नू मॆख़दस।

1 यॊहन 1:1

उज्जना चि'ऊ कत्था र'अदस, आसी पत्त नू ऎम निमा गे मेन्त'अदम। आस ऒर तिम रहचस। आसिन दिम ऎम मेंजकादम, अरा एम्है ख़न्न ती ईरकादम, अरा आसिन ऎम मानिम नू ईरकादम, अरा आसिन एम्है ख़ेक्खा गुट्ठी ती एंवसड़कम।